مقارنة بين الكيا سبورتنج 1.6 والنيسان قشقاى 1.6

**ahmedhawas** · 14-12-2011 04:23 PM

المشاركة الأصلية كتبت بواسطة formulator

COLOR=#4169e1]الـintercooler ستوك (بتاع مصر زى أوروبا) يستحمل لحد 200-220 حصان..؟؟!!! يعنى مفيهوش أى مشاكل..

[/COLOR]
تقليل الكركرة مالهوش غير حل واااااااااااحد (الـECU بتعمله بالفعل.. لو بنزين 92)
بتأخر الـignition-advance أو الـSpark-Timing.. بمقدار 3° فى كل step لحد ما الـknocking يختفى.. وبحد أقصى 6°
وبعدين بتبدأ الـECU تعمل restore للـignition-advance بمقدار 0.8° فى كل step
لحد ما توصل لأفضل نقطة قبل الـKnocking على طول..؟؟!!!

للأسف ده بيضيع بتاع 10 حصان, و 20-30 نيوتن.. (مع البنزين 92 طبعا)..؟؟!!!
ومع الـ95 مابتبقاش الباور 100% برضه (عشان مضروب فـ مصر).. بس الى حد أقل طبعا..!!

أنا بس كنت شاكك انها تكون نازلة مصر بدون intercooler ، عشان كان في ناس بتشتكي من عدم وجوده (لكن في دول تانية).
-ولا شك يا كبير ان ال ECU هي اللي بتظبط توقيت الشرارة لأفضل نقطة قبل الـKnocking (إختصارا MBT).
-لكن اللي أعرفه ان المواتير المتربنة عشان يقللوا ال knocking على بنزين أقل من الموصى باستعماله + أيضا تحسن ملحوظ في أداء الموتور ... كان بيضيفوا intercoolers من ماركات محترمة.
-لإنك بزيادة تبريد الهوا اللي داخل للموتور .. بتزيد الvolumetric efficiency ..
-وكمان بتقلل فرص الself ignition (أو تأخرها) للوقود المستخدم ، وبالتالي بيقل ال knocking
وهو ده السبب الرئيسي لإستخدام بنزين عالي الأوكتان.

**Formulator** · 14-12-2011 05:58 PM

المشاركة الأصلية كتبت بواسطة ahmedhawas

أنا بس كنت شاكك انها تكون نازلة مصر بدون intercooler ، عشان كان في ناس بتشتكي من عدم وجوده (لكن في دول تانية).

أيوه فعلا,

اللينيا التربو بتنزل فى الهند من غير IC, بس دى 112 حصان بس؟!!
والصراحة معرفش ظروف الهند دى أيه.. لأن كمااااااان العربية مش ايطالى تجميع تركى (غير اللينيا بتاع مصر)..؟!!
أعتقد مصنعة فى مصانع Tata الهندية اللى عاملة joint venture مع فيات؟؟!!!

المشاركة الأصلية كتبت بواسطة ahmedhawas

-ولا شك يا كبير ان ال ECU هي اللي بتظبط توقيت الشرارة لأفضل نقطة قبل الـKnocking (إختصارا MBT).
-لكن اللي أعرفه ان المواتير المتربنة عشان يقللوا ال knocking على بنزين أقل من الموصى باستعماله + أيضا تحسن ملحوظ في أداء الموتور ... كان بيضيفوا intercoolers من ماركات محترمة.
-لإنك بزيادة تبريد الهوا اللي داخل للموتور .. بتزيد الvolumetric efficiency ..
-وكمان بتقلل فرص الself ignition (أو تأخرها) للوقود المستخدم ، وبالتالي بيقل ال knocking
وهو ده السبب الرئيسي لإستخدام بنزين عالي الأوكتان.

كلامك مضبوط,
بس فى حالة لما يكون الـCooling Capacity بتاع الـIC مش كافية عند Boost Pressure معين..؟!!
يعنى:
مواتير الـT-JET (لحد الأبارثات).. بتنزل بنفس الـIC, بـboost من:
- 0.8 بار (120/135 حصان) فيات, أبارث 500
- 1.3 بار (150/155 حصان) فيات, ألفا, أبارث
- 1.55 بار (170/180 حصان) ألفا, أبارث

ده لأن توربينات الـIHI RHF3 والـGarett GT1446 دى low-inertia / fast-spool بضغوط صغيرة.. لو ركبلها intercooler كبير... قابل الـTurbo-Lag يا معلم بقى..

انما لو هتعدل وتركب توربينة أكبر Garett GT25-series ولا KKK 03/04 بضغوط أعلى.. (فوق 2.2 - 2.5 بار) يعنى250-300 حصان... لااااااااااازم IC اكبر من الـ9 row بتاعنا ده.؟!!
يعنى 12-13 row كده.. وطالع بقى (ممكن يبقى Air /Water-Cooled كمان)..!!

**Formulator** · 14-12-2011 06:05 PM

يلا بينا بقى يا حواس من هنا...
عشان الجماعة بتوع الكيا هيطردونا احنا والتربوهات بتاعتنا...
الموضوع قلب على جنبه خاااااااااالص, ههههههههه

**عقاري الصوابر** · 04-09-2012 04:06 AM

يعني دلوقتي البنزين إللي هنستعمله للسوبرتاج / 92 أو 95 وكنت عاوز أعرف هو مين بيبيع أكسسوارات للكيا السوبرتاج وماهو عنوانه وماهي الأكسسوارات هي كل السوبرتاج دفع رباعي ولا فئه معينه لأن العربيه إللي عندي الفئه الأولي

**Mohyeldin1974** · 04-09-2012 04:56 PM

حسب كل اراء المستخدمين للسبورتاج البنزين 92 شغال مع العربيه ولكل بيقلل السحب بتاع العربيه وبينزل طبعا بالهورس بتاع العربيه وطبعا 95 هو المثالى للعربيه، ومبتنزلش فى مصر دفع رفاعى كل الفئات دفع امامى على عفشه ملتى لينك خلفى والاكسسوارات اعتقد ممكن تلاقيها عند واحد فى شارع خلف جنينه مول او لو خليت التأمين الصحى فى شارع الطيران على يمينك تدخل اول يمين وهتلاقيه على الصف الشمال (انا اسف مش فاكر الاسم لانى خارج مصر)عموما المنطقه هناك فيها اكثر من واحد بتاع اكسسوارات .
انا بقه ليا سؤال ليك, عايز رايك بمنتهى الامانه والحياديه فى العربيه اللى معاك وللعلم انا ولا بتاع جرى ولا غرز ولا تنطيط واسرتى مكونه من انا وزوجتى و 3 اطفال وبنستخدم العربيه فى المشاوير الطويله والسفر لوجود سياره اخرى صغيره للمشاوير اليوميه ...فما رايك فى السياره افادكم الله

**Karim_Monir** · 04-09-2012 07:01 PM

المشاركة الأصلية كتبت بواسطة formulator

يلا بينا بقى يا حواس من هنا...

عشان الجماعة بتوع الكيا هيطردونا احنا والتربوهات بتاعتنا...

الموضوع قلب على جنبه خاااااااااالص, ههههههههه

انا هاعملك جروب مخصوص في السي بانيل يخليك ماتعرفش تشارك في اي اسيان سكشن كارز :-)

هو انا كل شوية اجيبك من موضوع يقلب بخناقة :-)

**Youssef.Awad** · 04-09-2012 08:01 PM

المشاركة الأصلية كتبت بواسطة mohyeldin1974

انا بقه ليا سؤال ليك, عايز رايك بمنتهى الامانه والحياديه فى العربيه اللى معاك وللعلم انا ولا بتاع جرى ولا غرز ولا تنطيط واسرتى مكونه من انا وزوجتى و 3 اطفال وبنستخدم العربيه فى المشاوير الطويله والسفر لوجود سياره اخرى صغيره للمشاوير اليوميه ...فما رايك فى السياره افادكم الله

اسمحلى ارد بناءا عن تجربة شخصية مع السبورتاج 2400 دفع رباعى فى السعودية
طبعا بغض النظر عن فرق المحرك والدفع ردى هايكون فى الجزئية المتعلقة بسؤالك
العربية عائلية باقتدار وواسعة ماشاء الله قدام وورا والشنطة لا صغيرة ولا كبيرة لكن مساحة التحميل حلوة تشيل شنط سفر بس وضعيتها هاتكون رأسية وليست افقية
العفشة مريحة والعربية عالية عن الارض يعنى انسى الحك فى المطبات مهما كانت عالية ومهما كانت الحمولة
ممكن لو حضرتك كييف سواقة وبتحس بأقل هفوة فى العربية هاتحس بترزيع فى المطبات السفلية (النقر) خاصة لو جنط 17 انما مش مزعج اوى
من الاخر العربية هاتريحك جدااااااااا وهاتعجبك كمان شكلا وموضوعا
لكن نصيحتى ليك لو فى مقدرتك تجيبها فل اوبشن كاملة اعلى فئة يكون افضل من الاول وثانى فئة لكن المشكلة فى اوفر برايس..

الموضوع: مقارنة بين الكيا سبورتنج 1.6 والنيسان قشقاى 1.6

LinkBack

أدوات الموضوع

عرض

-

-

-

-

-

المواضيع المتشابهه

مقارنة بين : نيسان قشقاى-شيفورليه كابتيفا-سوبارو xv

سؤال هل فى مفتاح للشنطه فى الكيا سبورتنج البيس لين

ممكن مقارنه الكيا كارينز vs والنيسان ليفينا

مقارنة بين البيرسونا والنيسان صنى 2011

يا ريت مقارنة بين الهوندا سيتى 1500 اوتوماتيك والنيسان صنى 1600 اوتومايتك واللانسر

الكلمات الدلالية لهذا الموضوع

المفضلات

المفضلات

ضوابط المشاركة