رابطة حائزى فلوينس سيدان و ميجان هاتش باك 3 --مشاركات 2011

**hkandil** · 30-10-2011 08:12 AM

السلام عليكم
عملت صيانة 5000 كم امبارح في العبور مجاناً وركبت الغماز الشمال في المراية ب 180 +10 % ضريبة
كل واحد يخلي بالو من غمازاته
وصباح الفل عليكم جميعاً

**Abomar77** · 30-10-2011 10:35 AM

سؤال يارجاله انا اتصلت بخدمة العملاء وسألته على ميعاد الصيانة بالنسبة للعربية قلي لازم تجيبها كل 5000 كم ....

انا كنت عارف ان الصيانة كل 10000 كم ... ياريت حد يأكدلي الموضوع ده عشان لو كده هنزل بيها الصيانة عشان انا عديت ال 5000 كم ....

**gharana** · 30-10-2011 11:55 AM

المشاركة الأصلية كتبت بواسطة Abomar77

سؤال يارجاله انا اتصلت بخدمة العملاء وسألته على ميعاد الصيانة بالنسبة للعربية قلي لازم تجيبها كل 5000 كم ....

انا كنت عارف ان الصيانة كل 10000 كم ... ياريت حد يأكدلي الموضوع ده عشان لو كده هنزل بيها الصيانة عشان انا عديت ال 5000 كم ....

فعلاً الكلام ده صحيح لازم نروح كل 5000 كم ولكن بتكون مجانية والدفع كل عشرة الاف يعني 10000 و 20000و30000 و40000 الخ....علشان الصمان يكون ساري بصراحة هي حاجة غريبة المشكلة في المشوار انا ساكن في المعادي والصيانة في العبور

**bukla** · 30-10-2011 01:47 PM

المشاركة الأصلية كتبت بواسطة hkandil

السلام عليكم
عملت صيانة 5000 كم امبارح في العبور مجاناً وركبت الغماز الشمال في المراية ب 180 +10 % ضريبة
كل واحد يخلي بالو من غمازاته
وصباح الفل عليكم جميعاً

و عليكم السلام و رحمة الله و بركاته و صباح الفل على احلى اعضاء فى اخلى منتدى
مبروك على اول صيانه و الف مبروك على الغمازه الجديده بس ماقولتش لنا ايه يا ترى اللى كسر غمازتك الاصليه :0002014a:

**bukla** · 30-10-2011 02:03 PM

المشاركة الأصلية كتبت بواسطة abomar77

سؤال يارجاله انا اتصلت بخدمة العملاء وسألته على ميعاد الصيانة بالنسبة للعربية قلي لازم تجيبها كل 5000 كم ....

انا كنت عارف ان الصيانة كل 10000 كم ... ياريت حد يأكدلي الموضوع ده عشان لو كده هنزل بيها الصيانة عشان انا عديت ال 5000 كم ....

المشاركة الأصلية كتبت بواسطة gharana

فعلاً الكلام ده صحيح لازم نروح كل 5000 كم ولكن بتكون مجانية والدفع كل عشرة الاف يعني 10000 و 20000و30000 و40000 الخ....علشان الصمان يكون ساري بصراحة هي حاجة غريبة المشكلة في المشوار انا ساكن في المعادي والصيانة في العبور :ka_che1[1]:

اسمحولى اخوانى الاعزاء الكلام ده مش مضبوط الصيانه كل 10 الاف كيلو بفلوس و اجبارى علشان الضمان اما الصيانه اللى كل 5 الاف كيلو فهى مجانيه و اختيارى و لا تسقط الضمان و انا شخصيا ماروحتش فى ال 25 الف و ان شاء الله قدامى حوالى 1500 كيلو و اكمل ال 30 الف و اروح اعمل الصيانه

**Hegazio** · 30-10-2011 02:25 PM

صيانة الخمسة الاف اختيارية ... هي فرصة لغسيل العربية من وجهة نظري .. اديلهالهم لما تبقي متربة قوي ههههههههه!!

**shadyawad** · 31-10-2011 03:17 AM

انا حابب اشكر الناس كلها اللى هنا ع المعلومات القيمه جدا وخصوصا بوكلا صاحب الموضوع ..
ربنا يجعله فى ميزان حسانتكم ان شاء الله

بعد شهور من مقارناتي بين مختلف العربيات استقريت على فلونس او اوكتافيا ان شاء الله وطبعا ببعد عن الكوري بكل انواعه
بس للأسف اوكتافايا بعد الزياده الجديده ابتديت تبعد شويه وكمان الفرق مش قليل و بنفس المواصافات تقريبا
انا مرتاح للفلونس اكتر من حيث التوكيل ومدى شكر الناس فيه وكمان فرق ال 33 الف جنيه بين العربيتين وكمان كفايه لاميتكم اللى هنا

بعد ماقريت معظم المشاركات بتاعتكم لاقيت الناس كلها تتكلم فى كام نقطه اللى فيهم مشكله الا وهي :

1- عوامه البنزين ... ودي على كلامكم التوكيل بيحلها
2 النتشه بين الاول والتاني ..المفروض بتروح ف عربيات وعربيات تانيه لأ ومحتاجه تغير نمط القياده
3- سحب العربيه فى النقلات الاولى ...

اللى انا عايز اسأله بقى انا بسوق على الاقل حوالى 500 كيلو ف الاسبوع الواحد وبتبقى مسافات طويله وطرق غريبه .... فهل العربيه مريحه ومش هتحسسني بتعب خلال الطريق و الثبات ظروفه ايه معاها والفرامل خصوصا لانى معايا فيرنا ومعقداني من كل دول وهل استهالكها فى البنزبن يعتبر اقتصادي؟

بالنسبه للنتشه هل لاقولوها حل وهل هي جامده ولا بس اللى يركز معاها ... لان سواقتي مؤخرا بقيت هاديه(لأن الطرق كلها بقيت زحمه ) وان الواحد يغير طريقه السواقه بتاعته من الوضوع الاقتصادي للعادي صعب شويه وكمان ميعتبرش حل هو بس مسكن..

بالنسبه للسحب بتاع العربيه هل بيبقى ليه سبب معين ولا بيتحسن بمررو الوقت

انا بشكركوا تاني على روحكوا الجميله اللى ملقيتهاش ف حته تانيه وخدوا راحتكوا فى الرد انا هشتري فى الربع الاول من السنه الجايه ان شاء الله ...معلش بتعبكوا بدري

**Hegazio** · 31-10-2011 07:42 AM

المشاركة الأصلية كتبت بواسطة shadyawad

انا حابب اشكر الناس كلها اللى هنا ع المعلومات القيمه جدا ..
انا مرتاح للفلونس اكتر
اختيار موفق

بعد ماقريت معظم المشاركات بتاعتكم لاقيت الناس كلها تتكلم فى كام نقطه اللى فيهم مشكله الا وهي :

1- عوامه البنزين ... ودي على كلامكم التوكيل بيحلها
حلها عندي الاسبوع اللي فات بأحدث سوفتوير
2 النتشه بين الاول والتاني ..المفروض بتروح ف عربيات وعربيات تانيه لأ ومحتاجه تغير نمط القياده
3- سحب العربيه فى النقلات الاولى ...
ما حسيتش بيها خالص علي مختلف انواع القيادة
اللى انا عايز اسأله بقى انا بسوق على الاقل حوالى 500 كيلو ف الاسبوع الواحد وبتبقى مسافات طويله وطرق غريبه .... فهل العربيه مريحه ومش هتحسسني بتعب خلال الطريق و الثبات ظروفه ايه معاها والفرامل خصوصا لانى معايا فيرنا ومعقداني من كل دول وهل استهالكها فى البنزبن يعتبر اقتصادي؟
ههههه انا باعمل 1200 كيلو فالأسبوع .. هونت عليا الطريق و السفر للأقاليم و النجوع و الكفور

بالنسبه للسحب بتاع العربيه هل بيبقى ليه سبب معين ولا بيتحسن بمررو الوقت
بيتحسن بعد 3000 و لو لينت مظبوط حتبقي كويسة معاك .. أوعي تريحها لدرجة انك تكتمها .. بس ما تتوقعش سحبة جبارة برضه .. من التاني للرابع بقي . عيييييييش

انا بشكركوا تاني على روحكوا الجميله اللى ملقيتهاش ف حته تانيه وخدوا راحتكوا فى الرد انا هشتري فى الربع الاول من السنه الجايه ان شاء الله ...معلش بتعبكوا بدري

-

الموضوع: رابطة حائزى فلوينس سيدان و ميجان هاتش باك 3 --مشاركات 2011

LinkBack

أدوات الموضوع

عرض

-

-

-

-

-

-

المواضيع المتشابهه

رابطة حائزى الفلوينس

مشاركات مفيدة - فلوينس سيدان و ميجان هاتش باك 3

رابطة حائزى ميجان هاتشباك 2 الفرنساوى الاصلى

ميجان سيدان و لا هاتش باك

الكلمات الدلالية لهذا الموضوع

المفضلات

المفضلات

ضوابط المشاركة