الموضوع: رابطة حائزى فلوينس سيدان و ميجان هاتش باك 3 --مشاركات 2011

المشاركة الأصلية كتبت بواسطة amrelserw

يا فلونسيه
بصراحة اما مش فاهمكم فى واحد نازل تقطيع فى العربية كل شوية و مفيش حد بيرد مرة هاجم العربية فى الموضوع دا و قولت مينفعشى كدا و رديت عليه و استنيت حد يرد و محدش بردو قال حاجة و فى الموضوع بتاع المسحات بردوا رجع بعد غياب الاستاذ و قعد يهاجم العربية و لا واحد من الفلونسية بيرد !!!!!!!!
مالكم يا فلونسية العربية مش عاجبكم بردوا و لا ايه......

بسم الله الرحمن الرحيم
اخى العزيز الواحد اللى حضرتك بتشير اليه ده انا رديت عليه قبل كده فى اكثر من مشاركه فى اقسام مختلفه منها قسم المقارنات لما مره وسعت معاه شويه و عمل مشاركه قال فيها انه مره كان سايق الفلوينس و قبل ما يوصل لسرعه 100 كيلو حس ان العربيه بتتهز و حتتقلب و الغريبه انه ماكانش بيرد عليا لدرجة انى فى مره قولت له ان لو العربيه مضايقاك قوى كده انا عندى زبون عايز يشترى فلوينس و طلبت منه يدينى نمرة تليفونه علشان اكلمه و اتفق معاه نروح و نشوف العربيه و بالرغم من كده برضه ماردش عليا و بكده انا شكيت انه اصلا عنده العربيه و لكنه بيحاول يسوء سمعة العربيه لسبب ما الله اعلم بيه
انا العربيه الحمد الله لغاية دلوقتى عامل بيها حوالى 29 الف كيلو و ماعنديش اى مشاكل من اللى بيقول عليها باستثناء المساحه و غيرتها من التوكيل اصلى و كمان بالرغم من العربيه معايا بقالها سنه و نص لكنى مستمتع بيها كأنى لسه جايبها الاسبوع اللى فات و علشان كده انا بطلت ارد عليه فى اى مشاركه ليه

المشاركة الأصلية كتبت بواسطة gharana

الاخوة الاعزاء
السلام عليكم و كل عام وانتم بخير بمناسبة عيد الاضحى المبارك اعاده الله على الامة بالخير والبركات
اما بعد ,
اريد ان اسجل لكم تجربتي وهي عبارة عن قد شعرت من فترة حوالي شهر بان بدال البنزين فيه عضة بسيطة بتظهر في السرعة الخفيفة يعني ما بين 10 كم و20 كم بدون تزييق او عند الضغط ان العربية تنط مع الضغط ولكن كان احساس الرجل على البدال فقط وبصراحة كان شعور مش ظريف والعربية عامله حوالي 11700 كم وقلت في نفس ده اكيد وسوسه احاول اطنش الموضوع بس بصراحة كنت تعبان ومتضايق جداً وفي الاخر استخرت الله وذهبت للتوكيل في العبور وقلت اكيد اللي هيتقال انت بس موسوس العربية مفيهاش حاجة ولكن المهندس شافها وقال لي العربيات كلها كده علشان مافيس سلك قولتله صح طيب حاول تجربها في عربيات تانية ففتحلي عربية تانية فبعد التجرية قولتله لأ مش زي اللي عندي فلما جربها وجرب عربيتي تاني قالي فعلاً انت عندك حق ده في عضة وبتظهر اكتر باستخدام اليد في حاجة مش طبيعية ودخلت العربية الورشة والمفاجأة انه قد تم تغيير البدال بالكامل بعيني حيث انني وجدت الصنايعي وهو بيركب البدال الجديدة وماسك في ايده البدال القديم
الخلاصة
التوكيل فعلاً محترم جداً مقالش زي التوكيلات التانية لأ هوا كده انت بس مش واخد بالك او البدال مش موجود والخ.... والحاجة التانية يا جماعة لو حد عنده مشكلة مش لازم تكون عند غيره علشان يطمئن والحاجة اللي يعملها فوراً هو الذهاب الى مركز الصيانة علشان اننا عندنا ميزة جميلة ان العربية في الضمان وده توكيل محترم يحترم مخ العميل وعدم الاستهزاء بعقله .
وفي الختام اردت ان اسجل تجربتي يمكن حد يستفيد منها. والسلام عليكم

و عليكم السلام و رحمة الله و بركاته
كل عام و حضرتك و الاسره الكريمه و جميع اعضاء المنتدى بخير و صحه و سعاده ان شاء الله بمناسبة عيد الاضحى المبارك اعاده الله على الامة الاسلاميه بالخير والبركات
اولا انا حابب اشكر حضرتك على مشاركتك لنا تجربتك مع التوكيل اللى و الحمد الله بيثبت كل يوم انه عند حسن الظن به
و زى ما دائما ما اقول ان الكمال لله وحده و لكن علينا الاجتهاد و التوفيق من عند الله
و من اهم ما يميز عربياتنا بجانب جمال الشكل و قوة الاداء ووفرة المساحات و المميزات و سعرها المميز مقارنة بمثيلاتها هو التوكيل اللى انا من رأيى واحد من اهم العوامل اللى بترجح كفة عربيه عن اخرى
ربنا يباركلنا جميعا و يحفظنا من كل شر