انتا تسال/انا اجيب على اعطال سكودا موديل 1997:1994(ففوريت - فورمان - فلشيا - كومبى)

**EngAhmedSayed** · 26-10-2011 12:44 AM

المشاركة الأصلية كتبت بواسطة mr_megahed

شكرا ليك يا بشمهندس وربنا يرجع لك عربيتك احسن من الاول ان شاء الله

الشكر لله يا صديقى دة اقل واجب
يارب ترجع بالسلامة يارب
وربك المستعان

**EngAhmedSayed** · 26-10-2011 12:56 AM

المشاركة الأصلية كتبت بواسطة mr_megahed

بصراحة من حقك تزعل يابشمهندس انا عارف ان الحركة مش ظريفة ده على الاقل كان اول ما استلم العربية كان كلمك على التليفون وهو عند الراجل وكان قالك متشكرين على العموم انا هقولك حاجة كويسة انت بتعمل ده اكيد لوجه الله فمتزعلش لو مقالش شكرا ومن ترك شيئا لله عوضه الله خيرا منه

و الله انتا عارف حضرتك الموضوع كان مديقنى
لسبب
انى متاخرتش علية و كان المستر محمد صلاح كان معايا و شاف بعينة هناك و قلى كان اغرب انو الدكتور صاحب العربية راح بيها مراكز صيانة و قال لميكانيكى على سعر الاصلاح كان 12000 الف جنية عارفين بقى اتصلحة ورجعت زى الاول بكام 5000 جنية اة و الله 5000 جنية
و الميكانيكى حكالى و قلى كان جايب معاه واحد صديقة اردنى و هو الدكتور فلسطينى و كان ياخد العربية على اساس انى هى مش هترجع زى الاول و قال لميكانيكى بالحرف الواحد قالو انا مكنتيش مقتنع بالسعر قلى انتا مصلح بية العربية و متاكدش قلى لما شافها بعينة
عادى جدااااااا
وربك المستعان
و شكرا يا صديقى على ردك الجميل

**sakr_skoda** · 26-10-2011 12:34 PM

حمد الله على السلامة ياباشمهندس احمد ياكبير اخبار لوزة ايه مش تمام والحمد الله....*ربنا يباركلك فيهيا ويباركلك وزريتك وعمرك حبيبى فى الله........

**EngAhmedSayed** · 26-10-2011 06:45 PM

المشاركة الأصلية كتبت بواسطة sakr1964

حمد الله على السلامة ياباشمهندس احمد ياكبير اخبار لوزة ايه مش تمام والحمد الله....*ربنا يباركلك فيهيا ويباركلك وزريتك وعمرك حبيبى فى الله........

الله يسلمك يا صديقى
الحمد لله لوزة طالعة زى الفل
و ان شاء الله ناوى اعملها شغل كربون بس بعد ما اخلص فحص و ترخيص
و هيبقى انزل صورها هنا علشان اشوف رايكم اية
صديقك و اخوك
احمد سيد
وربك المستعان

**EngAhmedSayed** · 27-10-2011 10:26 AM

المشاركة الأصلية كتبت بواسطة hamahomo

باشمهندس احمد اخبار سيادتك اية؟ اتمنى تكون بخير...

الحمد لله

انا كنت غيرت العفشة الامامي كلها وكلة تمام بس بعد ترة قصيرة سمعت صوت خبط و تزييق من الناحية اليمين ورجعت للميكانيكي طلعت جلبة المقص

اه

وانا مغير المقص كلة هو جاي بالجلبة بتاعتة المهم الميكانيكي قرط علية وزيتة الصوت راح وبعد فترة رجع تاني فالحل اية هل المقص مش كويس ولا الجلبة تتغير؟

دة بالنسبة للصوت التزييق طيب و الخبط اخباره اية فى و لة لا دى حضرتك هتقولى
لانى انا ميهمنيش الصوت لانى دى معروف اسبابها يا تشحيم يا تزييت كدة متفقين انا بقى عاوز فى خبط ورزغ مع صوت تزييق و لة خبط ورزع بس و مفيش صوت تزييق

انا فردة الكاوتش اليمين الامامية بتتربط 3 مسامير عشان مكان المسمار الرابع في حاجة معدن محشورة جوة

شكله كدة مسمار مقطوم جوة

هل كدة في خطورة في السفر ولو حبيت اغير الجزء اللي بيتربط فية المسامير معلش عايز اعرف اسمة واجيبة منين؟

طبعا فى خطورة و انا منصحكش تمشى بيها كدة على السرعات العالية
الجزء قلى بيتربط فى المسامير دة اسمه صرة
وبدل ما تغيرة حرام هتعمل اية هتخلى يفكلك الصرة دى و تروح بيها عند خراط قولو طلعلى المسمار دة هيعمل هو اية هيحط الصرة على المثقاب و يثقب ببنطة صغيرة و بعدين بنطة كبيرة شوية و بعدين بنطة اكبر شوية تمام هيطلعو و قولو مشطلى بقى السن بدكر القلووظ القصة دى هتكلفك بتاع 10 جنية او 15 جنية و انتا ماشى هات مسمار يكون نفس المسمار قلى بتربط بية و ركبها وزى الفل

بالمرة حقول على اسعار العفشة للافادة
مساعدين امامي مايلي الماني.....450 من ابو الحسن
مقصين صيني................240 الجوز من ابو الحسن
كبالن فيكا صيني............170 جنية من عمرو وامجد -فيصل
بيض مقصات تركي........80 جنية من ناجح- فيصل

شكرا على عرضك للاسعار قطع الغيار وربك المستعان
هنتظرك ترد عليا فى موضوع فى خبط و لة لا
وربك المستعان

**EngAhmedSayed** · 27-10-2011 09:30 PM

المشاركة الأصلية كتبت بواسطة ali207

باشمهندس احمد ازى حضرتك

الله يسلمك

عاوز اخد رايك

اتفضل يا صديقى

فليشيتى 95

ربنا يبركلك فيها

لوغيرت طلمبة البنزين العاديه لطلمبه بنزين كهرباء هل افضل وايه الى ممكن يركب مكنها ؟

على ما اعتقد عادى جداااااا

اى طلمبه بنزين كهرباء يعنى تركب وتركب ازاى ؟

حضرتك هتيجى على تانك البنزين وتشوف مسار البنزين قلى بيروح الى الموتور و هتركب عليها طلمبة البنزين وحضرتك هتربط كهربة طلمبةالبنزين بأول تكة من الكونتاكت علشان تعمل عمليةتحضير للموتور علشان تبتدى تضخ و بعد دقيقة تبتدى تدور بس هى دى القصة

وشكرا لسعه صدركم .....

ولله يهمك يا صديقى بس انا ليا استفسار انتا لية عاوز تركب طلمبة كهرباء مع العلم انى الفلشيا فيها شفاط بنزين ممكن تقولى اية سبب تغيرك للموضوع ده استفسار مش اكتر
بس موضوع نوعية الطلمبةاية و قد اية دى معنديش علم بيها
يارب اكون قدرت افيدك
وربك المستعان

**EngAhmedSayed** · 27-10-2011 09:52 PM

اه نسيت اقولك يا صديقى بخصوص انا اسف ملحقتيش التعديل فى الرد
لانى افتكرة بعد ما رديت على استفسارك
موضوع الطلمبة لازم قبل اى شىء
تتاكد من عومة الكربرتير علشان لو مش شغالة
هتخلى الموتور يشرق فا لازم العوامة دى تكون شغالة
ووظيفة العوامة اية بقى علشان بردك تيبقى عارف
الكربرتير فى تانك صغير بيتملى اول مابيتملى العوامة بترفع لفوق فا بتقفل دخول البنزبن للكربرتير دى وظيفتها
عاملة بالظبط زى اية عارف انتا السيفون بتاع الحمام لما بيتملى مياة اية قلى بيحصل المياة بتتقفل طيب اية قلى بيقفل المياة العوامة علشان ميتمليش والمياة تقع على الارض
فكرة عوامةالكربرتير زى بالظبط عوامة السيفون
كدة تيبقى المعلومة كاملة

ربك المستعان

**sakr_skoda** · 27-10-2011 11:25 PM

[QUOTE=engahmedsayed;3873897059]

ولله يهمك يا صديقى بس انا ليا استفسار انتا لية عاوز تركب طلمبة كهرباء مع العلم انى الفلشيا فيها شفاط بنزين ممكن تقولى اية سبب تغيرك للموضوع ده استفسار مش اكتر
بس موضوع نوعية الطلمبةاية و قد اية دى معنديش علم بيها
يارب اكون قدرت افيدك
وربك المستعان

بارك الله لك وفيك يابشمهندس احمد شرحك جميل وانا عندى اضافة يمكن تفيد الخ السائل....

اولا طولمبة البنزين بتركب فى اى مكان وانسب مكان ليها كوعة المية تربط مع مسمار اللى رابط الكوعة يعنى تفك مسمار الأعلى فى الكوعة وتركب الطولمبة وبعدين تربط المسمار جيدا وعلى فكر ده حيكون بالظبط امام خرطوم البنزين اللى جاى من التنك مباشرة وفى نفس الوقت الخرطوم يخرج من الطولمبة على الفلتر ثم الكربراتير وعلى فكرة الكاربرتير فيه خرطوم راجع بيرجع البنزين الزائد الى التنك ودى مش مشكلتك فقط للعلم....

ثانيا سعر طولمبة البنزين يتراوح ما بين 85 و95 جنية مصرى وعلى فكرة انتا ممكن تركبها بنفسك بس لاحظ انها ليها اتجاه دخول وخروج يعنى اتجاه شفت واتجاه تانى ضخ ولو ركبت غلط بس العربية مش حدور ولن تحدث اى مشاكل اخرى اما المشكله الوحيدة هى يجب الحرث جيدا عند توصيل قطبى التيار (+....-) وده بيبقى متوضح على السلك اللى جاى فى الطلومبه وحتركب فين السلك ؟؟

السك الموجب حتركبة فى المبوينة بتاعة الكسيرتير والطرف التانى ارضى فى اى حته ارضى انشالله فى مسمار ربط الطلومبة....

ارجو ان اكون اضفت معلومة وافيه عن الموضوع....*

الموضوع: انتا تسال/انا اجيب على اعطال سكودا موديل 1997:1994(ففوريت - فورمان - فلشيا - كومبى)

LinkBack

أدوات الموضوع

عرض

-

-

-

-

-

-

المواضيع المتشابهه

هام جدااااا / مرجع لكل أعطال سكودا فلشيا موديل من (1994 الى 1997) مطلوب من الكل يشارك

سكودا فورمان موديل 94

سكودا فليشيا - كومبى 1997

سكودا كومبى مو 1997

الكلمات الدلالية لهذا الموضوع

المفضلات

المفضلات

ضوابط المشاركة