الموضوع: انتا تسال/انا اجيب على اعطال سكودا موديل 1997:1994(ففوريت - فورمان - فلشيا - كومبى)

المشاركة الأصلية كتبت بواسطة sakr1964

على فكرة ياحج احمد

يسمع من بوقك ربنا و يكتبهلنا جميعا

انا بعانى معناة كبيرة جدا وفى كرب ادعوا الله ان يفرج عنى ما انا فية عن امة محمد آآآآىمين ....*

ربنا يفرجه عليك يارب ودى حاجة اقدر اساعدحضرتك بيها
دعاء الكرب
عَنِ ابْنِ عَبَّاسٍ رضي اللَّه عنْهُما أَنَّ رسُولَ اللَّه صَلّى اللهُ عَلَيْهِ وسَلَّم كَان يقُولُ عِنْد الكرْبِ : « لا إِلَه إِلاَّ اللَّه العظِيمُ الحلِيمُ ، لا إِله إِلاَّ اللَّه رَبُّ العَرْشِ العظِيمِ ، لا إِلَهَ إِلاَّ اللَّه رَبُّ السمَواتِ ، وربُّ الأَرْض ، ورَبُّ العرشِ الكريمِ » متفقٌ عليه .
اللهم رحمتك أرجو فلا تكلني إلى نفسي طرفة عين ِ وأصلح لي شأني كله لاإله إلا أنت الله ، الله ربي لاأشرك به شيئاً .رواه ابن ماجه

الموضوع انى فكرت اشترى عربية ولما فكرت اشترى فكرت فى سيارة صناعة متقدمة فوقع اختيارى على السكودا ولقيت حاجة كده على قد فلوسى فيفوريت موديل 1994 فبريكة جوة رشة اجزاء خارجية ....
المشكلة انا مش حطول على حضرتك من شهرين قبل رمضان بالظبط باسبوع السيارة خلطت مية على الزيت الدكتورقالى هات العربية علشان اكشف طبعا كشف وقال جونات وش السلندر والكتينة وقواعد الموتور وقاعدة الفتيس وطلع شوية حاجات المهم التكلفة الاجمالية 650 جنية يدوبك خدت العربية وروحت لقيت الزيت بقى طحينة تانى اتصلت بيه قالى تعالى الصبح رحت الصبح قال حنفك تانى ودوخينى يالمونة المهم فك لقى ثقب فى وش السلندر لحمة بمادى مش عارف ايه وركب جونات تانى وقال التكلفة 120 جنية دفعت طبعا ....
الوضع استمر حوالى شهر وبعدها جابت تانى مية على الزيت قال ليا صديق دكتور حميات للسيارات قلت اروح يمكن يدى للعربية حاجة بسيطة كبسولة احطها فى الشكمان تشد الحرار ولاكن مشكلة تانى جوانات وش السلند قلتلو فك وغير والتكلفة 130 جنية اسبوع ونفس المشكلة رحت علشان يحرك على مسامير الوش قال المسامير مظبوطة طيب المية بتدخل على الزيت من فين لا اجابة!!!!شوية كلام من بتاع الدكاترة اللى مش مفهوم يلف بيه دماغك علشان تنزاح بعيد عنه المهم انا دلوقت انزحت بعيد عنة ورحت لدكتور تالت قال لالالالالالالالالالالا ما دام غير جوانات مرتين فى شهرين تقريبا يبقى لازم تغيير وش السلندر نفسة تشترية استعمال....

ممكن تكون المشكلة فى البلوك نفسة فى تسريب
انا مش عاوزافتى دى عاوزة معينة منى لانى الموضوع ده لية كذا سبب

ياترى اشترى وش سلندر استعمال ولا فية منه جديد؟؟؟

اصبر بس لما نعرف سبب دخول المياة منين ممكن يكون من الجوان طيب اية قلى بيخلى الجوان بيضرب الحرارة مثلا طيب اية قلى بيخلى الحرارة تعلى
ولة ممكن يكون فى ثقب فى البلوك
دى عاوزة معينة علشان اقدر افيدك بدل ما تكلف نفسك وش سليندر

طيب ممكن اعرف سعره بالتقريب؟؟؟

نتاكد الاول

طيب ممكن تنصحنى نصيحة لوجه الله فى الموضوع دة انا تايه ياولاد الحلال حد يدلنى على الطريق وله الأجر والثواب عند الله....*

يا حبيبى انا تحت امرك فى اى وقت و اتصل بية عاوز تقبلينى نتقبل انا معنديش اى مشكلة
امال انا عامل الموضوع ده لية
وربك المستعان