انتا تسال/انا اجيب على اعطال سكودا موديل 1997:1994(ففوريت - فورمان - فلشيا - كومبى)

**EngAhmedSayed** · 07-10-2011 07:24 PM

المشاركة الأصلية كتبت بواسطة sakr1964

ربنا معاك يابش مهندس احمد احنا والله بندعيلك من كل قلوبنا ان ربنا يكرمك ويعزك ويارب يارب تحج وربنا يبارك لك فى صحتك وذريتك ........

الله يخليك

انا الحمد الله بعد ماغيرت حساس الحرارة المؤشر بقى ما بيوصلش للنصالسؤال....

الحمدلله

هو من الممكن ان يكون حساس الحرارة بيغش يعنى بيحسب على العالى او بيحسب على الواطى اصلى انا خايف للحساس يكون بيغش وما اشعر الا بالعربية مولعة والعداد موصلش النص؟؟

دى هقولك تتاكد منها ازاى عند تشغيل المروحة لازم تشتغل عند درجة حرارة 90 درجةيعنى لما المروحة شغاله يبقى تبص على عداد الحرارة 90 درجة يبقى القراءة صح واستنى لما تفصل هتفصل عند 75 درجةتبص يبقى كدة تمام والدنيا تمام

انا روحت بنفسى للمخرطة زودت وش السلندر كان فية برومة وبعدين قشطة والميكانيكة ركبة طبعا المية لسة مخلوطة على الزيت مشيت بيها قد عشرة ايام وبعد ما رجعت من الشغل بعت العربية للميكانيكى علشان يحرق على وش السلندر وبعد المغرب روحت قالى ربط على الوش وجاب رباط ومن ساعتها المية انقطعت والزيت نظف تمام تمام ....

يبقى على طول بقى متستناش بقى غير زيت وغير مياة و نظف دورة التبريد ودورة الزيت زى ما شرحتلك سابق ومتنساش تاخد الهوا زى ماقولتالك
انتا مستنى اية الحاجات دى هتفرق معاك
وعاوزك تحط المعلومة دى فى راسك واقفل عليها وش السليندر اتفك واتغيرلو جوان لازم تعيد علية رباط بعد كام يوم علشان بيطبع وبيريح فا بيجيب رباط تانى
اى خدمة يا صديقى

انا بقول الكلام ده ليه لأن قبل كده روحت لدكاترة كتير غيرو جوان وش السلندر ولم يطلب منى احد العودة للتحريق على الوش ودى مهمة جدا لأن التحريق دة بيقطع المية تمام....

اما نقصان الميه فى القربة طبعا انا اكتشفت بالكيس غطاء القربة عاوز يتغيير ومش مهم نزود كل يوم قد كوباية مية وخلاص علشان انا سمعت ان غطاء القربة الموجود فى الأسواق غير جيد....

سيبك من كلام الدكترة احنا قلى نقول علية يعنى اعملى كذا وخلاص والصح احنا عارفينة فين بعيد عن الاشتغالات و الحورات دى على الاقل انتا مقتنع بقلى بيتعمل متخلهوش يقترح وينفذ من دماغه لانى هو مش هيدفع حاجة من جيبة

وربك المستعان
الف مبروك على انتهاءالمشكلة
انا سعيد انى قدرت اساعدك فى حل المشكلة
دايما يارب

**sakr_skoda** · 07-10-2011 08:34 PM

الله يبارك فيك يابش مهندس احمد جزاك الله خير الجزاء لن نتمكن من رد الجميل فالله عليه كل الأمر وليس لنا الا الدعاء لك بخالص القلب وبنية صادقة الله يبارك لك فى صحتك وفى عمرك وفى زريتك....

و من الممكن ان يكون حساس الحرارة بيغش يعنى بيحسب على العالى او بيحسب على الواطى اصلى انا خايف للحساس يكون بيغش وما اشعر الا بالعربية مولعة والعداد موصلش النص؟؟

دى هقولك تتاكد منها ازاى عند تشغيل المروحة لازم تشتغل عند درجة حرارة 90 درجةيعنى لما المروحة شغاله يبقى تبص على عداد الحرارة 90 درجة يبقى القراءة صح واستنى لما تفصل هتفصل عند 75 درجةتبص يبقى كدة تمام والدنيا تمام

يابش مهندس انا عربيتى فيفورت 1994 وانت طبعا سيد العارفين عداد الحرارة مافيهوش ارقم زى حضرتك ما شرحت بس اللى انا لاحظته ان المروحة بتشتغل قبل العداد ما يوصل للنص بمرحلة لا بأس بها يعنى عند الثلث كدة بتشتغل وبعد السفر عمرى ما لقيت الفوران اللى بيقولو عنه فى القربة ابدا حتى قبل تغيير الحساس طبعا الحساس القديم كان بيدى على الأحمر باستمرار يعنى امشي بالظبط كيلوا واريح ركبى شوية وبعدين واتارى العربية مش بتسخن والعداد هو اللى بيكذب........*

**المنسي** · 08-10-2011 11:38 AM

انا عايز اعرف لمبة الزيت بتنور ليه لما ادوس على الفرامل واضغط على الدبرياج عشان انقل غيار يعنى لما اجى اهدى مثلا طبيعى بدوس على الفرامل ولما اجى ادوس على الدبرياج لمبة الزيت تنور ولما ادوس بنزين وارفع رجلى من على الدبرياج المبة تطفى ده معناه ايه هل كده ممكن يكون زيت موتور نقص ولا ايه بالظبط ولا ده زيت فتيس نقص ياريت حد يفهمنى

**EngAhmedSayed** · 09-10-2011 01:47 AM

المشاركة الأصلية كتبت بواسطة ironhead

انا هعترفلك على كل حاجة

ايواااااا اعترف بالحقيقة و قلى

العقربة دى كان فيها بوش جامد بسبب ان فبرتها متاهلكة

اة

, الميكانيكى افتالى وقالى نغير الفبرة باسطوانة حديد نعملها عند الخراط , وقد كان والبوش اتحين كتير وان ظل بس بسيط قوى

هو افتلك بكدة ماهو يا حبيبى العقربة دى هى دليل الغيارات فا مش هتقدر تظبط نفسها بالظبط فا هى فيها نفسها ريجلاش بيظبط نفسة فى التعشيق ولما بيكون فى سنة كدة او سنة كدة الفبرة الكوتش دى بتترحل معاها و بتظبط نفسها تلاقائى بدون تداخل منك اما جيت سياتك وركبت اسطوانة حديد يعنى لما الغيار يمشى فى الدليل بتاعه وتيجى سنة كدة تلطش فيها هتلاقى يصد فى مصد فا مش هيقدر يرحل نفسةاو يعمل ريجلاش علشان الحديد صامت و معدن مش تلقية كدة بيصد معاك قولى اة ولة لا دةاثبات لكلامى مسالتش نفسك لية معموله فبرة مش حديد

هو كل النقالات ناعمة بمافيهم الثالث, بس هو سعات بيقل ادبه لوحدة ومش بيرضى ييجى بالزوق, وبيعمل كدة على فترات بعيدة مش على طول

بتيبقى على حسب عدلة الفتيس و الوقت و سرعة الجر قصة كدة انتا وظروفك عارف عامل زى اية كدة و لما تركز معايا هتعرف عارف لما بتجيب مارشدير ساعات الفتيس يجيب يعمل صوت تك و يعشق من اول مرة على طول و مرة يجى معاك بعد كذا محاولة صح ولة انا بتكلم غلط دة بسبب اية انى التروس السنون بتاعته فى وش بعض يعنى الترسين السنة بتيبقى قصاد السنة فاما بيعشقوق مع بعض و المفروض السنة بتيجى قصادة الفراغ علشان تعشق معاها قلى قصادها دى بقى حلها اية دوس سنة بنزين علشان تلف الترس ويعشق معاها على طول عارفة

مافيش اى تخبيط ولارزع ولا اى حاجة, والديسك ولاسطوانة مغيرهم من 10000
تاعبينك معانا ياكبير :-)

طيب الحمد لله انى مفيش حاجةفى القصة دى

لا يا صديقى تعبك راحة

وربك المستعان

**EngAhmedSayed** · 09-10-2011 01:57 AM

المشاركة الأصلية كتبت بواسطة mr_megahed

انا عايز اعرف لمبة الزيت بتنور ليه لما ادوس على الفرامل واضغط على الدبرياج عشان انقل غيار يعنى لما اجى اهدى مثلا طبيعى بدوس على الفرامل ولما اجى ادوس على الدبرياج لمبة الزيت تنور ولما ادوس بنزين وارفع رجلى من على الدبرياج المبة تطفى ده معناه ايه هل كده ممكن يكون زيت موتور نقص ولا ايه بالظبط ولا ده زيت فتيس نقص ياريت حد يفهمنى

زى ما شرحة لحضرتك فى التليفون ليها ثلاث احتمالات
اولا العربية ممكن تكون واطية و اعاوزة تعلى شوية لانى لمابتشيل وبتغير المفروض الاربى ام بينزل على السلانسية فا العربية بتقول انى هى هتبطل فا للمبةالزيت تنور ترجع تدوس تلقى الموتور اشتغل ورفع نفسة فا بتفصل

ثانيا يا ساعة الزيت مهيسةو عاوزة تتغير

ثالثا طلمبة الزيت بتقطعومبطخش زيت كفاية على السلانسية

موضوع مهم جدااااا ولازم و ضرورى اكتشاف اساس المشكلة علشان تيبقى ماشى ومطمن علشان ميحصلش حاجة لانى قطعة الزيت عن الموتور دى مش عاوز اكمل فاحاول اخلص من المشكلة دى

الفتيس ملوش علاقة بالموضوع ده يا صديقى دى قصة و دى قصة تانية

وربك المستعان

**EngAhmedSayed** · 09-10-2011 02:19 AM

المشاركة الأصلية كتبت بواسطة asaid

ازيك يا بشمهندس احمد ارجوا ان تكون على خير حال

الله يسلمك
والحمد لله

انا عندي مشكلة سخونة مع التكيف فقظ انا التكيف عندي تركيب مش نازل مع العربية, و عندي مروحة سرعتين مع القميص, الحمد لله العربية مش بتسخن من غير التكيف اخرها 90

كويس قوى يعنى موتورنا سليم

المشكلة لما اشغل التكيف بتوصل 105, سألت واحد بتاع تكيفات قلي ركب مروحة على السربنتبنا

اة امال المروحة السرعتين دول لازمتها اية

هتنزلك 5 درجات بس المكان ديق فقلي هيرحل الرداتير و يحاول يوسع مكان

هيرحل الرداتير فين و منين و القصة اية رادتير اية قلى يرحلو واماكن تثبيتة هيعمل فيها ايةهيخرم و لة هيقطع فى الصاج من جوة الكبوت و الرداتير ليه بيت بيبات فى كلام مش منطقى وليس له اى اساس

والتكلفة هتبقى 250 جنية

وافر فلوسك ولة اقولك وافر حرقة الدم بعد النتيجة متلعبش فى اساسيات العربية اسمع الكلام

انا مش عارف ايه الحل؟ هل تركيب مروحة على السربنتينا مجدي؟ و لا في حل أخر؟ و لا مفيش حل اصلا العربية مينفعش ليها تكيف؟

لا فى حلول كويسةو على الاساس قلى انتا شغال بية طبعا مش تعديل و القصة دى

في سوءال تاني معلش, هل لو فضلت ماشي على سخونة 105 كده كتير غلط؟؟ انا سعات بستعبط و بفضل مشغل التكيف.

طبعا غلط لانى كدة محمل على الموتور حرارة المفروض ممشيش بيها و ليس درجة الحرارة الطبيعية للموتور

طيب الموتورسحبةاية مع تشغيل التكييف
المشكلة فين مش فى الموتور لانى بتقول من غير تكيف درجة حرارته اقصى حرارة 90 درجة المشكلة فى التكييف وانا من راى الشخصى اكشف على الكمبرسور بتاع التكييف شوفو كدة محمل على الموتور يعنى تقيل قوووووى لانى دة بيعمل راجع حمل على الموتور فا بيسخنة يعنى فك السير بتاع طنبورة الكمبرسور ولفها بايدك وحس بيها بايدك شوفها تقيلة و لة خفيفة دى حاجة شغل التكييف واسمع صوت الكمبرسور كدة فى حكة فى صوت نحررررر ممكن يكون الكمبرسور فى مشكلة فى شحن ذيادة و دة بيعمل حمل على الكمبرسور ممكن الكمبرسور مش متوافق على الموتور 1300 سى سى و مركب مثلا كمبرسوس عربية 1600 دة بردك حمل على الموتور كل دى احتمالات راجع كدة و انا متابع معاك

وربك المستعان