الموضوع بدأ لما جيت أغير زيت شل كالعاده فلقيت العمليه فيها إستهبال وأسعار عماله بتعلي علي الفاضي بالذات من الشركات الكبيره شل موبيل توتال وكأنهم بينافسوا بعض في الزياده فقررت أشوف بديل فقريت كتير جداً عن زيت كاسترول ماجنتيك والحبيبات وكلام الإعلانات الفارغ ده
المهم قولت أجربه فرحت غيرته من المصدر بتاعه بنزينة طاقه اللي علي الدائري خوفاً من الغش التجاري المعروف
في البدايه محستشي بأي فرق يذكر تماماً زيه زي شل أو توتال
وكل فتره كنت براجعه بس لسه لم أتعدي الألف كيلو الأولي فلم يكون هناك أي تأثير يذكر المهم الفتره اللي فاتت أتشغلت جامد في موضوع وفاة الوالده ( الله يرحمها ويسكنها فسيح جناته )
بعد كده كنت مشيت بالعربيه تقريباً 1500 كيلو لقيت في نقص شديد في الزيت تقريباً يصل لربع العلامه الموجوده يعني بحسبه بسيطه الزيت ده المفروض إنه يتغير علي 10000 كيلو وربع العلامه ده تقريباً 0.5 لتر يعني بعد 10000 كيلو يبقي الفقد تقريباً 3.33 لتر يعني تغيرة زيت تانيه
المهم كنت فايت علي الميكانيكي بتاعي قاللي متغيرشي زيت 10000 تاني غير بس 5000 وهتضطر تحط زيت شنبر بعد كده
المهم بصراحه قلت كده كده هغير زيت فقولت أجرب زيت الشنبر ده ظروفه أيه فأشتريت عبوه نوعها Cyclo صناعه أمريكيه
الوضح إن زيت كاسترول ده زيت خفيف وبا إن السياره تعدت ال100000 فمعني كده إن الخلوصات بتاعت الموتور وسعت وبالتالي نسبة البخر بتعلي
والله أعلي وأعلم
ياريت لو حد عنده تعليق علي موضوع زيت الشنبر ده يفدني بيه وأنا كده صح ولا أنا غلط