كاسترول ماجنتيك لا يصلح للسيارات فوق 100000

**albasha** · 08-08-2011 09:17 AM

المشاركة الأصلية كتبت بواسطة sammor_28

اعتقد انو مش مقياس ممكن يكون المشكله في عربيه حضرتك

كاسترول ماجنتيك واحد قريبي بيستخدمه في باسات 2008 ماشيه 190.000كم وزي الفل وابتدى يحطه لما العربيه كانت عامله 130.000كم

وانا عربيه والدي كليو 2005 بسم الله ماشاء الله معديه 100.000كم وبنستخدم زيت توتال او موبيل 10.000 كم وشغاله تمام الزيت مابينقصش ولله الحمد والشكر

والله اعلى وأعلم واستنى وحوش الرينو يفيدوك اكتر بس انا نقلتلك تجربتي

أنا عارف إنه مش مقياس بس قبل لما أغير لماجنتيك مكنتش العربيه بدخن ولا حاجه
ولما غيرت بقت بدخن والدخان بقي بيظر علي السرعات وأنا ماشي بسرعات عاديه تقريباً تحت ال100 مفيش دخان ولكن بعد كده يبدأ الدخان يظهر

**albasha** · 08-08-2011 09:21 AM

المشاركة الأصلية كتبت بواسطة shawkylotfy

انا عندى الميجان 2005 ماشية 99 الف كيلو وبطلع دخان ابيض لما ادوس بمزين جامد او اقف فى اشارة مدة طويلة هل لو حطيت زيت الشنبر دة يحل المشكلة ؟

جرب مش هتخسر حاجه العبوه ب 15 جنيه بس هات حاجه مضمونه أحسن علشان التجربه تبقي بفايده ويمكن تنجح
بس نصيحتي ليك أعمل زي ما هعمل بعد كده هغير زيت معدني عادي 5000 وهغير قبل معاده
ممكن يكون السبب عندي أني كنت بستعمل زيت 5000 وغيرت لزيت 10000
وعامةً أنا كنت بغير الزيت علي 4000 بالفلتر وبريح بالي بصراحه لكن الفتوه بتاعة ال10000 فشلت في عربيتي

**Karim_Monir** · 08-08-2011 12:06 PM

فعلا مالهاش علاقة الكيلومتر بالزيت
ليها علاقة ب حالة الموتور
انا معدي ال 100 الف برضه
وبحط كاسترول ايدج وفاضل على الغيار الفين ولا حاجة
يعني عامل بيه 13
وزي الفل لا بينقص ولا بيشيط ولا اي كلام من ده
تلاقي الموتور عندك تعبان بس