شوية استفسارات عن الميجان

**ragaee** · 10-08-2011 02:53 PM

يا وحووش الرينو و بالذات الميجان، أنا اشتريت عربية ميجان 2008 مستعملة، العربية الفئة التانية عاملة 35000 كيلو وعايز منكم شوية استفسارات:
أولاً، منين أعرف (مبدأياً) ان العربية مش ماشية أكتر من الكيلو متر ده و مش ملعوب فى عدادها، أنا بمعلواتى البسيطة قلت أبص على الجنوط و فعلا شكلها مش مستهلك فهل ده دليل؟
ثانياً، العربية مافيهاش سنسور طارات مع ان فى بين العدادات شاشة فيها مؤشرات للأربع عجلات ولما سئلت البائع قالى ان السنسور مش موجود فى الفئة دى و بينزل فى البانوراما بس، فهل الكلام ده مظبوط؟
ثالثا، عايز اجرب سنسور المساحات، قولولى ازاى اشغله اصلا

وشكرا ليكم

**amr_elbazz** · 10-08-2011 04:07 PM

يا اهلا بيك ومبروك عليك الميجان وربنا يحفظهالك
كشف فى التوكيل بس هو الى يقدر يحدد الكيلو متر الفعلى للعربية علشان للاسف فى ناس معندهاش ضمير بتلعب فية والكشف الظاهرى مش مقياس خالص
موضوع السنسور للعجل هى بتكون مجهزة فى الشاشة بس مش راكب وانا معايا بانوراما ومفيهاش بردو .. وبالتوفيق انشاء الله

**ragaee** · 10-08-2011 04:15 PM

شكراً ليك يا عمرو باشا، و ياريت لو حد يتكرم و يقولنا ايه المطلوب أعمله علشان أفعل السنسور ده، يعنى ايه المطلوب تركيبة و فين و بكام :)

**yalahwy2010** · 10-08-2011 04:16 PM

سنسور المساحات .....نزل دراع المساحات لأول وقفة للدراع (ده كدة وضع الأوتوماتيك)
وانزل حط مية على الزجاج الأمامى ....بس املى الزجاج بالمية....المفروض ان المساحات تشتغل لوحدها....وسرعة المساحات بتزيد كل لما المطرة بتزيد....(أوتوماتيك)
وألف مبروك على العربية وربنا يديك خيرها ويكفيك شرها

**ugaritian** · 10-08-2011 05:33 PM

المشاركة الأصلية كتبت بواسطة ragaee

شكراً ليك يا عمرو باشا، و ياريت لو حد يتكرم و يقولنا ايه المطلوب أعمله علشان أفعل السنسور ده، يعنى ايه المطلوب تركيبة و فين و بكام :)

+1 نقطة غاية في الاهمية.

**abasse** · 10-08-2011 06:34 PM

المشاركة الأصلية كتبت بواسطة amr_elbazz

[size=3]
موضوع السنسور للعجل هى بتكون مجهزة فى الشاشة بس مش راكب وانا معايا بانوراما ومفيهاش بردو .. وبالتوفيق ان شاء الله

السنسور فى التوكيل وتقربيا كان عامل 200 وحاجة الواحد حد هنا سأل عليه فى التوكيل بس فى كلام أن متعب شوية وأما تغير الفردة أو تزودها بيحتاج يتظبط تانى

**amr_elbazz** · 10-08-2011 07:14 PM

المشاركة الأصلية كتبت بواسطة abasse

السنسور فى التوكيل وتقربيا كان عامل 200 وحاجة الواحد حد هنا سأل عليه فى التوكيل بس فى كلام أن متعب شوية وأما تغير الفردة أو تزودها بيحتاج يتظبط تانى

شكرا يا باشا على المعلومة

**Ahmed Selim** · 10-08-2011 09:26 PM

المشاركة الأصلية كتبت بواسطة abasse

السنسور فى التوكيل وتقربيا كان عامل 200 وحاجة الواحد حد هنا سأل عليه فى التوكيل بس فى كلام أن متعب شوية وأما تغير الفردة أو تزودها بيحتاج يتظبط تانى

أنا مش فاكر السعر بالظبط بس هو هيبقى متعب ساعة ما تعمل tire rotation بس

يعنى لو هتغير الكاوتش أو تزود هواء مش هيأثر عليه.

الحاجة الوحيدة اللى بتأثر عليه هى تغيير مكان الجنط اللى هو راكب عليه.

المعلومات دى من عربية تانية غير الميجان + زكريات عن موضوع للميجان كان عضو عمله.