الموضوع: إستطلاع : عربيات سيئة السمعة

المشاركة الأصلية كتبت بواسطة ashouhdy

على فكرة الفيرنا اكصدمها و عضمها ناشف فعلا ... وشوفتها بعينى فيرنا لبست فى تاكسى لادا من ورا التاكسى اتعج ذى البسكوتة و الفيرنا يدوبك استعدلنا الاكصدام بأيدنا

لكن مشكلتها ان ماتورها جبااااار والجرى بيها سهل جدا وبالتالى الحوادث بتكون قاسية جدا

غير كدة العربية الفيرنا عربية ممتازة جدا فى الاعتمادية والصيانة وقلة الاعطال والماتور والتكييف ... لكن هو الاستخدام الخاطئ اللى دايما عواقبة وخيمة

اختلف معاك
اللى انت حكيته ده يعتبر حاله شاذه والله اعلم ظروف الحادثه كانت ايه

لكن الفيرنا فعلا صاجها ضعيف والقوايم بتاعتها ضعيفه
جارى لسه طالع من حادثه ومكانش ماشى فوق ال 100 ولا حاجه بس العربيه ضاعت وهو كمان كان حيبقى ضاع لولا انه مكانش رابط الحزام فمع الخبطه اتحدف على الكرسى اللى جنبه والعربيه اتطبقت فوقيه وراحت على الجنب التانى وكانت فيه عربيه نقل جايه حتكمل عليه لولا ستر ربنا وطبعا هو طلع منها بحبه حاجات صغيره بستر ربناه لانه فعلا اللى يشوف العربيه يستحييييييييييييييل ان اللى طالع منها ده سليم

لان السقف نزل على كرسى السواق


كل ده بسبب وهو بيعدى من اتوبيس صغير وعدى منه والاتوبيس مشافهوش راح خبطه خبطه صغيره من ورا وطبعا العربيه بقت زى الريشه فى الرياح راحت فى كل الاتجاهات


فعلا من رأيى مع انى بحب الفيرنا عن اللانوس ولكن الفيرنا الامان بتاعها فى الضيااااااااااااااااااااا اااااع

المشاركة الأصلية كتبت بواسطة abou_ruqi

اعتقد ان اي عربية لو اصطدمت في جسم ثابت على سرعة اعلى من 100 حتبقى حادثة موت
وعلى السرعة دي البي ام حتتساوى بالهيونداي

انت بتتكلمك ازاى استاذى الفاضل
وحكمت على الموضوع ده بناء على ايه

كان فيه حادثه لعربيه بى ام من كام شهر على طريق محور التعمير فى اسكندريه والعربيه خبطت فى الصور الخرسانى ووقعت من فوق الكوبرى وكانوا بسرعه تعدى 160 كيلوا ومعمول موضوع عنها هنا فى المنتدى
انا مش فاكر تفاصيلها بالظبط
بس اغلب التعليقات كانت بتوضح ان لو عربيه تانيه من عربيتنا التعبانه كان زمان كل اللى فيها اتفرموا من قوة الصدمه

هو فرق الفلوس اللى بيبقى اضعاف التمن 5 مرات بيروح فين ماهو بيبقى فى مواصفات الامان دية بنسبه كبيره

المشاركة الأصلية كتبت بواسطة ashouhdy

ياباشا الخبطة الصغيرة دى على سرعة 100 دى بتقلب كورفيت مش فيرنا

دة دى الحركة دى يعنى اشهر حركة تستخدم فى المطاردات الشرطية الامريكية لقلب العربيات !!

لا يا باشا ممكن الموضوع يتلم مش تخبط فى الخرسانه وتلف وتعدى الناحيه التانيه وتخبط الناحيه التانيه وتقف

ابسط حاجه كانت خبطت فى الخرسانه اول مره ووقفت منا شوفت عربيه لانسر بتاعه واحد اعرفه برضه وهو بيجرى اتخبط من ورا كل اللى حصل ان العربيه طلعت فوق الرصيف

لكن العربيه خفيفه فعلا مش هزار


طب ياسيدى العربيه لفت ولبست ولفت ولبست تانى لو القوايم بتاعه العربيه ماسكه نفسها واللى عملها يعرف يعنى ايه امان ويعنى ايه اللى جوه الكابينه مينفعش من خبطه القوايم والسقف ينزلو على كرسى السائق

اظن السائق المفروض يتعمله حساب برضه ولا عادى كده دى حياه بنى ادم وعشان كده العربيه برغم مميزاتها سعرها رخيص

المشاركة الأصلية كتبت بواسطة abou_ruqi

بص محدش مؤمن باهمية عناصر الامان قدي
انما كل العناصر دي علشان الحوادث تحت المية فوق المية ربنا يتولاهم بقه
والحدثة اللي حضرتك بتحكيها دي اولا ستر من ربنا ثانيا محدش يقدر يجزم بالسرعة كانت كام لحظة التصادم
وادي بي ام خبطة في روفر وكل اللي جواها ماتوا والسرعة كانت فوق المية


كل الكراش تيست بيتم على سرعة 60 في جسم ثابت وده الاستاندرد العالمي

انت بتدفع فلوس كتير علشان الامان في حوادث تحت المية اما بعد كده مفيش شركة في العالم توعدك بالامان
وكل حادثة وليها ظروفها

+111111111111
البي ام اللي كان يقصدها الاستاذ مصطفى هيا e 36 يعني زي دي :



‪Crash Test 97 BMW 3 series euro ncap test‬‏ - YouTube


‪Bmw and Volvo crash test at 60 mph/ 90 km/h each‬‏ - YouTube

المشاركة الأصلية كتبت بواسطة abou_ruqi

اعتقد ان اي عربية لو اصطدمت في جسم ثابت على سرعة اعلى من 100 حتبقى حادثة موت
وعلى السرعة دي البي ام حتتساوى بالهيونداي

المشاركة الأصلية كتبت بواسطة abou_ruqi

بص محدش مؤمن باهمية عناصر الامان قدي
انما كل العناصر دي علشان الحوادث تحت المية فوق المية ربنا يتولاهم بقه
والحدثة اللي حضرتك بتحكيها دي اولا ستر من ربنا ثانيا محدش يقدر يجزم بالسرعة كانت كام لحظة التصادم
وادي بي ام خبطة في روفر وكل اللي جواها ماتوا والسرعة كانت فوق المية


كل الكراش تيست بيتم على سرعة 60 في جسم ثابت وده الاستاندرد العالمي

انت بتدفع فلوس كتير علشان الامان في حوادث تحت المية اما بعد كده مفيش شركة في العالم توعدك بالامان
وكل حادثة وليها ظروفها

وجهة نظر تحترم ابورقيه

المشاركة الأصلية كتبت بواسطة eng f3lix

+111111111111
البي ام اللي كان يقصدها الاستاذ مصطفى هيا e 36 يعني زي دي :



‪crash test 97 bmw 3 series euro ncap test‬‏ - youtube


‪bmw and volvo crash test at 60 mph/ 90 km/h each‬‏ - youtube

الموضوع ده كان عمله كريم منير لو تفتكره وكان ماشى على السكه دية ولقى العربيه طايره على 160 تقريبا والله اعلم
انا مش فاكر تفاصيله بصراحه