الموضوع: تخلص من هذه السيارة

المشاركة الأصلية كتبت بواسطة raed badr El Kelany

نصيحة الى كل مالكى الاسبرانزا

السلام عليكم
انا كان عندر سيارتين a516 ولشدة اعجابى جدا بها للاسف - ومع الوقت اكتشفت كل المصايب ( العفشــــــــــــــــــــ ــــــة ) ( التكييف ) ( الباور ) ( واشياء كثيرة جدا ) ( أسعار قطع الغيار الصينـــــى ) ( عدم وجود قطع الغيار خارج التوكيل ) - ونتيجة للعلاقة الطيبة بينى وبين بعض العاملين بالتوكيل كنت ارى كل المشاكل واعلمها واعلم تماما زى ما التوكيل عارف ان المشاكل ملهاش حل - لان المشكلة فى المنتج والتجميع وان العفشة بها عيب لا يمكن حله الا بتغيير عمود الدركسيون والمساعدين وتعديلها - وذلك يخالف التعاقد بين الوكيل المصرى والشركة الصينية

وبناء عليه - سوف تظل المشكلة قائمة الى ان ينتهى ضمان السيارة ثم يقوم الضحية ماللك السيارة بأجراء التعديل على نفقته فى حالة اذا كانت السيارة اصلا موجودة وصالحة للاستخدام بعد الضمان .

وفى النهاية اتخذت قرار البيع بعد معاناة استمرت من شهر سبتمبر 2006 تاريخ استلام الى شهر ديسمبر 2007 تاريخ بيع احدى السيارتين

والحمد لله اشترت سيارة اوبترا - ربنا اكرمنى بها بعد عناء وزيارات اسبوعية لتوكيل اسبرانزا

ألف مبروك يااستاذ raed badr El Kelany‏ العربية الاوبترا ربنا يديك خيرها ويكفيك شرها الاوبترا فعلا عربية جامدة وممتازة ومحترمة وبتسوى راس احسن عربية صينية عملت الصح انك بعتها وخلصت منها وعقبال ماتبيع السبيرانزا التانية وتشتري احسن منها وانا معك 100/100 ومع اعتذاري واحترامي لاراء وتجارب مالكي العربيات الصينية ان العربيات الصينية بشكل عام ودون اجماع او تحيز لأي ماركة صينية سيئة ووحشة ومابتنركب والصين الدولة الاولى في العالم في انتاج المنتجات السيئة والرديئة هذا رأيي وعن تجربة كتير من الناس اللي بعرفها والسلام عليكم

هي الصين مزعلاكو في ايه ؟
دي اكبر كيان اقتصادي في العالم بعدما تخطي اليابان و الولايات المتحده
كون الاسبرانزا مش كويسه- و ده رايكم و رأي العديد من اللي ركبوها - مش علشان هي صيني علشان بتتجمع في بلدنا الغاليه مصر لكن لو استوردت العربيه من هناك هتبقي احسن من اي عربيه بتتجمع في مصر حتي لو الماني
بالنسبه للعربيه الاسبرانزا انا راكب a 516 موديل 2008 و كنت راكب قبلها سويفت ياباني موديل 1993 صحيح الياباني ناعم في سواقته بس انا بحس ان ربنا كرمني في اختياري للاسبرانزا هي فيها عيب واحد مضايقني بس ان شاء الله هلاقيله حل الاو هو تزييق في العفشه علي السرعات القليله الاول والتاني في الشوارع المكسره بس

المشاركة الأصلية كتبت بواسطة mohamed_mohsen

مش معني الصين انها اكبر كيان اقتصادي في العالم ان العربيات الصيني حلوه....الصيني دلوقتي ممكن يكون مجازفه لكن لو بصينا ل10 سنوات قدام .... هيبقي مكتسح و هيقرب من تمن الكوري حاليا
و ده رأيي و ارجو ان حضرتك ماتزعلش مني
تحياتي,,,,

انا مش زعلان منك بس لو شوفت شكل العربيه ال A516 الاصليه في معارض الصين او المعارض العالميه زي فرانكفورت هتلاقي اختلاف شديد من حيث المضمون صحيح الشكل واحد من بره بس من جوه و التقفيل مختلف تماما ..........زاحنا بنتكلم علي اسبرانزا تقفيل مصري مش صيني

المشاركة الأصلية كتبت بواسطة mohamed_mohsen

مش معني الصين انها اكبر كيان اقتصادي في العالم ان العربيات الصيني حلوه....الصيني دلوقتي ممكن يكون مجازفه لكن لو بصينا ل10 سنوات قدام .... هيبقي مكتسح و هيقرب من تمن الكوري حاليا
و ده رأيي و ارجو ان حضرتك ماتزعلش مني
تحياتي,,,,

كمان 10 سنين بعد مانتهلك تجارب ونستنزف فلوسنا هيكون ليهم منتجات حلوة اكيد.
لكن في حاجة لازم الكل يبقي عارفها الصين مش قليلة ولا حاجاتها وحشه لكن احنا تجارنا الي بينقوا الفئات والخامات التعبانة لرخصها فبذلك كلمة الصين عندنا معناها اردئ نوع وازفت خامة ودي حقيقه مش هتزول