بعيدا عن الكآبة و الاكتئاب

**OlaOsman** · 08-05-2008 10:38 PM

طبعا الوضع اللي حاصل في البلد لا يخفى على أحد.. و مش سايب لنا مساحة للفرحة او السعادة.. انما تعالوا ندور على حاجة بتفرحنا.. يعني نحاول نفتكر حاجة في حياتنا بتسعدنا او تفرحنا.. حاجة نفتكرها نلاقي الابتسامة نطت على وشنا.. موقف جميل مريت بيه.. خطر في بالك صورة حد بتحبه.. حاجة كنت مستنيها من زمان و هاتحصل.. خبرحلو لسه سامعه.. أي خاطرة تيجي على بالنا تفرحنا او تدخل على قلوبنا السعادة و لو للحظة :o

انا عن نفسي لسه جاية من برة.. كنت في الأزهر بارك مع مجموعة من بنات منتدى آخر بقالنا 6 سنين نعرف بعض و أصحاب.. قضينا وقت روووووووووعة.. ضحك من القلب و قلوب صافية و حب في الله :)

برغم كل اللي حاصل برضه انا بقالي يومين مبسوطة عشان بدأت أتقدم شوية في السواقة و إدراكي للعربية و الطريق بأه احسن الحمد لله :)

تعالوا نخرج برة الضغوط اللي احنا فيها و نتشارك لحظاتنا السعيدة :)

**engamrnour80** · 08-05-2008 10:49 PM

فكرة حلوة خليتى الواحد سرح فى ايام الجامعة و ايام الخطوبة ...يااااااااااااااااااه
طالعة بالنار من صدرى الواحد بيفكر يركب تكييف داخلة عشان يحافظ على دمه
احيكى جدا يا اخت علا على فكرتك
انا احسن حاجة مهونه على اليومين دول ان اختى لقت شغل و ربنا كرمها الحمد لله

**aif** · 08-05-2008 10:52 PM

انا برضه فرحان جدا ....
الحمد لله بعد مجهود مضني وشاق و وقت طويل وعصيب ....
وبعد قلق كتير وليالي ما شفناش فيها النوم
الحمد لله ......
ابراهيم ابني نجح واتخرج من البيبي كلاس ....
والسنة اللي جاية ان شاء الله يروح كي جي ون
..........
ومحمود خلص امتحان كي جي تو وفي انتظار النتيجة
ربنا معاه .....
تفتكرو ح ينجح

**Islam_galal** · 08-05-2008 11:24 PM

أحسن حاجة بتهون عليا لما أرجع البيت و أشوف زوجتي و ابني (زيزو) مبسوطين و من غير مشاكل
حقيقي تحس ان كل حاجة تهون بعد كده

**alaa_dash** · 08-05-2008 11:59 PM

لو فيه حد بيسهر لغاية ساعة كمان ..لو يعرف يصلي اربع ركعات على 2 بنية قيام ليل و ركعة وتر ..و يقرا ايات من القران ...

و يدعي ربنا بكل اللي يقدر عليه من خير لنفسه و اهله و بلده الناس كلها ..و يا سلام لو حد بيصلي الفجر جماعة ...قبلها بنص ساعة ..ادعي ..ربنا يتنزل للسماء الدنيا ...مش يمكن تكون ساعة اجابة ؟

خصوصا ان بكرة الجمعة..او حد فينا يكون نيته سليمة و يستجاب لدعاه ؟...و بالنسبة للحاجة الحلوة ..البلد بعد الفجر بتبقى حلللووووووة اوي و رااايقة و الهوا جميل ..ربنا يمتعكوا بأوقاتكوا..:)

**OlaOsman** · 09-05-2008 10:14 AM

بارك الله لكم جميعا و جزاكم الله خيرا على محاولة إخال البهجة على قلوبنا :)

**Noha.M** · 09-05-2008 02:23 PM

اكتر حاجة مفرحانى دلوقتى يا علا بجد ان الحمد لله مبسوطة جدا من العربية و حاسة

انها بيتي الصغير و الحمد لله كان اختيار موفق جدااااا

الحمد لله

**MohabSaeed** · 09-05-2008 02:53 PM

فى خبر سمعته امبارح وفرحنى جدا ... احد اصدقائى حيتجوز ان شاء الله كمان شهرين ..... قعد اتخيل ايام ماكونا لسة فى ثانوى .. وازاى الايام مرت بسرعه " سبحان الله :)

حاليا انا عامل مود " هادى " .... ومشغل موسيقى " Chillout " . :)

شكرا على فكره الموضوع ........ فعلا محتاجين نفتكر حاجة حلوه ...... محتاجين تفائل :)
:):):)