الموضوع: نفسي اعمل مشروع ومش عارف ابدا منين

المشاركة الأصلية كتبت بواسطة mesaharaty

فى رأيى المتواضع إن لو حضرتك ماعندكش خبرة فى المجال يبقى حاول فى الأول تكون البداية على الضيق من حيث فارايتى البضاعة وكميتها.
بمعنى آخر خلى مشروعك متخصص مثلا فى بيع قطع غيار ماركة معينة فى الحالة دى حضرتك حتكون علاقاتك البيعية مركزة مع عملاء الماركة وتجار الجملة بتوعها برضه وبالتالى حيكون فيه تركيز وعدم تشتت .

بالتوفيق وابقى قول لنا حضرتك عملت إيه علشان أنا برضه بافكر فى مشروع زى ده

الف شكر على ردك ورايك الصحيح وبالتاكيد سيتم الاخذ به عند اتخاذ القرار باذن الله

السلام عليكم و رحمة الله و بركاته
انا يا اخى عملت عدة مشاريع و اقدر اقوللك نصائح عامة بخصوص اى مشروع
حضرتك عايز تعمل مشروع فى مجال السيارات

-اولا ورش الصيانة ( ميكانيكى او كهربائى الخ)
لازم حضرتك تكون صنايعى فى المجال اللى هتفتحه يعنى مثلا ورشة ميكانيكى لازم اكون انا اصلا ميكانيكى و ممكن استعين بصبيان او بصنايعى اضافى معايا لكن ما ينفعش و اياك تعمل ورشة ميكانيكى و انت قاعد على الكرسى بتقبض فلوس و صنايعية هما اللى شغالين و انت مش فاهم حاجة

-ثانيا محلات قطع الغيار
و دى صنعه فى حد ذاتها لانك لازم تكون فاهم فى العربيات كويس و عندك دراية بمشاكلها و انواع قطع الغيار و اختلافات من نوعية فروق القطع عن بعضها من موديل لموديل (مثلا عربيتى اكسنت 98 خليجى بتفرق فى عوامة البنزين عن موديلات فوق 2000 فى اتجاه مسامير الربط) بتوع قطع الغيار بيبقوا عارفين الرفايع دى واحنا فى مصر بنتعامل مع محل قطع الغيار زى الصيدلى لما بتروح تقوله عندى صداع او بطنى بتوجعنى و اعرف محلا كتير قفلت او التراب معشش عليها بسبب ان صاحبها بياع و خلاص مش فاهم

-فيه اخ فى الردود بيقترح انك تشتغل فى مكان او محل فترة تاخد خبرة فى المجال اللى انت عايزه و دى نصيحة ذهبية

-لما تيجى تفتح محل تفتحه فى سوق الشئ اللى بتبيعه يعنى ما افتحش محل ملابس فى الحرفيين مثلا او العكس وكمان بالنسبة لقطع الغيار تحاول تبقى فى موقع قريب من ورش صيانة كتير
لو هيكون معاك مساعدين او خلافه فدى مشكلة المشاكل لان العمالة متعبة جدا اما طماع او غير امين او لا يحسن العمل و لا يحاول الفهم

-لازم كمان تتاكد من مصادر البضاعة و هل المصدر ده بيديك اسعار كويسة و لا نصاب و تلف على المحلات العادية و تشوف اسعار الحاجة ايه و تاجر الجملة هيديك بكام و تشوف راس المال اللى هتبدا بيه هيكفى لفرش المحل صح و لا ﻷ

-الانطباعة الاولى تدوم يعنى الزبون لما يجيلك مرتين او 3 بيسال عن حاجات و ما يلاقيهاش مش هيجيلك تانى و فيه اخ فى المنتدى اقترح عليك تشتغل فى حاجات محدودة و انا رايى ان ده غلط ممكن تحدد عربيات معينة الكورى مثلا او الالمانى بس يبقى عندك كل حاجة للتخصص بتاعك

-لازم تعمل دراسة جدوى بسيطة على الاقل تحسب فيها المنصرف شهريا (ايجار المحل و فاتورة الكهربا و مرتب العامل و الاتصالات و المواصلات) و اقل دخل متوقع و هنا اقصد الربح

-مهم اوى انك تعتمد على برنامج محاسبى تدير به النشاط بحيث ان البرنامج دايما بيديلك تقارير عن معدلات الاداء و الدخل و المنصرف لانى شفت ناس كانوا شغالين بالبركة و اتفاجئوا بان كان بيصرف من راس المال و هو مش حاسس

-ممكن اوى اول سنة لو بتجيب مصاريف المحل بس من غير اى مكسب ليك فيبقى كويس و ان شاء الله تنمو بعد كده

-ايجار المحل تحاول تطول المدة على قد ماتقدر 5 سنين او 7 و لو اكتر ياريت لان العادى ان صاحب المحل لازم يزود عليك بعد المدة ما تخلص و خصوصا لو شافك نجحت و ساعات بيطمع و يطلعك و يعمل هو نفس النشاط

-الصراحة مش حاضر فى بالى اى حاجة تانية دلوقتى لو عندك تساؤل و لو اعرف اجاوبك ان شاء الله او اسالك حد اعرفه و اعتذر عن سوء تنسيق الافكار و ما تخافش مش هافتى ان شاء الله

طب احنا ممكن نمسك فكره فكره و اكيد هنلاقى ناس مجربين و ممكن يفيدونا فى الحوار ده .. يعنى مثلا اسهل مشروع خاص بالعربيات من وجه نظرى مغسله عربيات متهيئلى مش مكلف و مش محتاج خبره و فى نفس الوقت مربح ... ياترى حد عارف اى معلومات عن المشروع ده؟

المشاركة الأصلية كتبت بواسطة meeezo333eg

السلام عليكم و رحمة الله و بركاته
انا يا اخى عملت عدة مشاريع و اقدر اقوللك نصائح عامة بخصوص اى مشروع
حضرتك عايز تعمل مشروع فى مجال السيارات

-اولا ورش الصيانة ( ميكانيكى او كهربائى الخ)
لازم حضرتك تكون صنايعى فى المجال اللى هتفتحه يعنى مثلا ورشة ميكانيكى لازم اكون انا اصلا ميكانيكى و ممكن استعين بصبيان او بصنايعى اضافى معايا لكن ما ينفعش و اياك تعمل ورشة ميكانيكى و انت قاعد على الكرسى بتقبض فلوس و صنايعية هما اللى شغالين و انت مش فاهم حاجة

-ثانيا محلات قطع الغيار
و دى صنعه فى حد ذاتها لانك لازم تكون فاهم فى العربيات كويس و عندك دراية بمشاكلها و انواع قطع الغيار و اختلافات من نوعية فروق القطع عن بعضها من موديل لموديل (مثلا عربيتى اكسنت 98 خليجى بتفرق فى عوامة البنزين عن موديلات فوق 2000 فى اتجاه مسامير الربط) بتوع قطع الغيار بيبقوا عارفين الرفايع دى واحنا فى مصر بنتعامل مع محل قطع الغيار زى الصيدلى لما بتروح تقوله عندى صداع او بطنى بتوجعنى و اعرف محلا كتير قفلت او التراب معشش عليها بسبب ان صاحبها بياع و خلاص مش فاهم

-فيه اخ فى الردود بيقترح انك تشتغل فى مكان او محل فترة تاخد خبرة فى المجال اللى انت عايزه و دى نصيحة ذهبية

-لما تيجى تفتح محل تفتحه فى سوق الشئ اللى بتبيعه يعنى ما افتحش محل ملابس فى الحرفيين مثلا او العكس وكمان بالنسبة لقطع الغيار تحاول تبقى فى موقع قريب من ورش صيانة كتير
لو هيكون معاك مساعدين او خلافه فدى مشكلة المشاكل لان العمالة متعبة جدا اما طماع او غير امين او لا يحسن العمل و لا يحاول الفهم

-لازم كمان تتاكد من مصادر البضاعة و هل المصدر ده بيديك اسعار كويسة و لا نصاب و تلف على المحلات العادية و تشوف اسعار الحاجة ايه و تاجر الجملة هيديك بكام و تشوف راس المال اللى هتبدا بيه هيكفى لفرش المحل صح و لا ﻷ

-الانطباعة الاولى تدوم يعنى الزبون لما يجيلك مرتين او 3 بيسال عن حاجات و ما يلاقيهاش مش هيجيلك تانى و فيه اخ فى المنتدى اقترح عليك تشتغل فى حاجات محدودة و انا رايى ان ده غلط ممكن تحدد عربيات معينة الكورى مثلا او الالمانى بس يبقى عندك كل حاجة للتخصص بتاعك

-لازم تعمل دراسة جدوى بسيطة على الاقل تحسب فيها المنصرف شهريا (ايجار المحل و فاتورة الكهربا و مرتب العامل و الاتصالات و المواصلات) و اقل دخل متوقع و هنا اقصد الربح

-مهم اوى انك تعتمد على برنامج محاسبى تدير به النشاط بحيث ان البرنامج دايما بيديلك تقارير عن معدلات الاداء و الدخل و المنصرف لانى شفت ناس كانوا شغالين بالبركة و اتفاجئوا بان كان بيصرف من راس المال و هو مش حاسس

-ممكن اوى اول سنة لو بتجيب مصاريف المحل بس من غير اى مكسب ليك فيبقى كويس و ان شاء الله تنمو بعد كده

-ايجار المحل تحاول تطول المدة على قد ماتقدر 5 سنين او 7 و لو اكتر ياريت لان العادى ان صاحب المحل لازم يزود عليك بعد المدة ما تخلص و خصوصا لو شافك نجحت و ساعات بيطمع و يطلعك و يعمل هو نفس النشاط

-الصراحة مش حاضر فى بالى اى حاجة تانية دلوقتى لو عندك تساؤل و لو اعرف اجاوبك ان شاء الله او اسالك حد اعرفه و اعتذر عن سوء تنسيق الافكار و ما تخافش مش هافتى ان شاء الله

اخي العزيز ميزو
فعلا كلام في غاية الاحترام والاهميه وجزاك الله خيرا على كل هذه الافكار
وانا معاك في كل كلمه ذكرتها ولا اخفي عليك اني بالفعل فكرت في مشكلة عدم المعرفه ومشكلة الصنايعيه كتير جدا بس كنت فاكر اني بمرور الوقت ممكن اتعلم بس واضح ان معظم الاراء وحضرتك اكدت المعلومه اني ماينفعش ابدا في الانشطه دي وانا مش فاهم فيها نهائيا
علشان كده خلينا نركز في الفكرة الوحيده اللي فاضلالي وهي مغسلة السيارات وممكن بعض خدمات السيرفس الى جانبها علشان انا فعلا شايفها اقل الافكار السابقه احتياجا للخبرة والمصنعيه مع بقاء نقطة الحاجه للصنايعيه بس اعتقد انها باذن الله حتكون ابسط من صنايعية باقي الانشطه اللي بيكونوا متخصصين
علشان كده ياريت تقوللي رايك ايه في النشاط ده وياريت بنفس التفصيل والتحليل المحترم اللي شفته في مشاركتك دي
والف مليون شكر ليك على كلامك الموزون ده

المشاركة الأصلية كتبت بواسطة omaroof

كلام محترم فعلا 100%
لازم تدرس المكان وتعرف ايه اللى انته عاوزه بالضبط
سمعت عن كورسات لادارة المشاريع وتقريبا كدا بيديك الخطوط العريضه لمعظم المشاريع الناجحه وكمان بيديك نمازج لمشاريع فشلت واسباب فشلها
حاول تشوفها

اخي العزيز عمر
اشكرك على الاهتمام وفكرة الدورات التدريبيه اللي حضرتك طرحتها هنا فكرة محترمه بالتاكيد
وارجو ان تدلي برايك فيما جد من افكار وهي موضوع المغسله ان كانت قد مرت عليك من قبل

المشاركة الأصلية كتبت بواسطة _ahmed_casper_

طب احنا ممكن نمسك فكره فكره و اكيد هنلاقى ناس مجربين و ممكن يفيدونا فى الحوار ده .. يعنى مثلا اسهل مشروع خاص بالعربيات من وجه نظرى مغسله عربيات متهيئلى مش مكلف و مش محتاج خبره و فى نفس الوقت مربح ... ياترى حد عارف اى معلومات عن المشروع ده؟

اخي العزيز احمد
بالفعل راي سليم وانا طلبت كده من اخوانا في المنتدى لان المناقشات السابقه واراء الاعضاء المحترمين اكدولي ان ماينفعش افتح حاجه انا مش خبير فيها او حتى على الاقل ماعنديش فكرة في الصنعه تحميني من استغلال الاخرين لضعف موقفي
علشان كده استقريت تقريبا على فكرة المغسله اللي حضرتك برده واضح انك ميال ليها وياريت نشوف راي اخواتنا هنا ايه بعد ما الافكار كلها صفت على فكرة واحده علشان نبقى مركزين وكلامنا يبقى في المفيد باذن الله

بص هيا الفكره دى انا بفكر فيها بس مشكلتى فى التكاليف و معرفش هتحتاج ايه بالظبط بس انا لما بروح اغسل و ادفع ٢٠ جنيه و بلاقى عربيات كتير اللهم لا حسد بلاقيها بتكسب جامد 
بس اللى عايز اعمله انها متكنش مغسله و خلاص . لا يكون فيها تلميع بوليش و واكس و مكان بيع معطرات و شويه فوط و فرش و الكلام ده و ممكن تبيع زيوت و كده و تكون حاجه نضيفه