الموضوع: نفسي اعمل مشروع ومش عارف ابدا منين

المشاركة الأصلية كتبت بواسطة elhelwany188

ربنا يوفقك ان شاء الله

جزاك الله خيرا على الدعوة الجميله

المشاركة الأصلية كتبت بواسطة newcar2011

معاك فلوس تعال وهقولك على شغلانه حلوه هنستورد خامات طباعه وادعيلى

والله انا ماعنديش مانع اشتغل في اي شيء ناجح (باذن الله طبعا) بس احب افهم التفاصيل الاول قبل ما ناخد القرار
لو تحب نتكلم على الخاص او الماسينجر
في انتظار الرد
وشكرا للفكرة الجميله

المشاركة الأصلية كتبت بواسطة amro1965

شكرا لتوضيحك لبعض الامور الهامه
كما اشكر حضرتك على اسماء الشركات التى تبيع جمله واكيد ارخص من المولات
لكنى اسال حضرتك بالنسبه لتحميل ويندوز واوفيس وبعض البرامج الاخرى
حضرت تعرف جيد ان ثمن نسخه ويندوز وافيس ونسخه حمايه من الفيروسات اصلى فقط ممكن يكونوا ثمن جهاز الكمبيوتر جديد
وبسبب اطلاعى بشغلى وبعض شركات الصيانه نسبه 95 فى المائه بيحملوا بنسخ غير اصليه الا من رحم ربى وهذا ليس وليد اليوم ولكن من زمان
اذا اردت ان تطاع فعليك بما يستطاع
عمرى فى حياتى ماحملت على جهازى الشخصى نسخه اصليه بسبب غلو ثمن الاسطوانات الاصليه

على فكرة حضرتك بتقول 95% من الشركات بتحمل نسخ غير اصلية و انا بقولك 100% لان حتى اللى عنده نسخة اصلية فهى مرخصة لعدد معين من الاجهزة 1 او 2 او حتى 10 و هو بينزلها لـ 100 جهاز كل يوم
يا باشا المسالة مش مسالة اذا اردت ان تطاع فامر بما يستطاع
المسالة واحد عامل منتج و بيبيعه بسعر معين و السعر ده فى بلده مناسب جدا ايه يعنى 100 دولار مثلا او 200 دولار فى امريكا ثمن للعبة او ويندوز او اوفيس طبعا اكيد فى هناك ناس بتستعملهم بدون ترخيص برضه ده موجود فى كل مكان انما احنا عندنا مرجعية شرعية بتقولنا حلال او حرام
المسالة هو عامل منتج بسعر معين و اللى ماعهوش ما يلزموش و طالما انا مش معايا ثمن الحاجة الاسلام يمنعنى من سرقتها (اسمها سرقة و بلاش نضحك على نفسنا)

انا شايف ان الرجال يعرفوا بالحق و الحق لا يعرف بالرجال اقصد ان مش علشان ناس كتير بتعمل شئ معين اصبح حلال ما ينفعش لان عندنا مرجعية

على فكرة فيه بدائل ممتازة و مجانا انا دلوقت بقالى عدة سنين باشتغل بلينوكس اوبونتو ممتاز جدا و ثابت كالصخرة ولا فيروسات و لا يحزنون و العيال طول النهار قاعدين قدامه يشغلوا اى حاجة و يمسحوا و يخربوا و ما بيقعش و بينزل كمان مجموعة اوبن اوفيس مجانية برضه بتغنيك عن ميكروسوفت اوفيس و كل البرامج بتاعة ويندوز لها بدائل ممتازة ما عدا الالعاب العاب لينوكس مش ممتازة على ادها بس فيه محاكى على لينوكس بيشغل العاب ويندوز بس كده هنرجع لمشكلة ان اللعبة نفسها غير شرعية
هتقوللى الناس ما بتستعملش النظام ده ليه هقولك الناس عدو ما تجهل والله هبوس ايد اهلى علشان يغيروا النظام على اجهزتهم و مش عايزين:b4_556:
بس مش هينفع تفتح محل صيانة و تعتمد على انك تنزل لينوكس للناس مفيش حد هيطلبه اساسا هى مشكلة و ما اعرفش حلها ايه و كانت من اكبر الاسباب اللى خلتنى اسيب المجال خالص

هكلمك لو عندك استعداد

المشاركة الأصلية كتبت بواسطة newcar2011

معاك فلوس تعال وهقولك على شغلانه حلوه هنستورد خامات طباعه وادعيلى

بعد ازنك طبعا واحد صاحبى عارض عليا الحوارده عايز افهمو بعد ازنك

السلام عليكم
بصراحه انا ماليش فى الثور ولا فى الطحين غير انى عضو فى المنتدى قليل المشاركات لاء تقدروا تقولوا معدوم المشاركات.
بس من قرائتى لهذا الموضوع حبيت اشكر كل من شارك فيه على الروح الطيبه والتعاون بداية من صاحب الموضوع الى كل من شاركه.
وياريت الروح دى نراها فى كل مجالات حياتنا لانى للاسف عندى سؤال محيرنى مش عارف ليه بنلاقى الروح دى على النت انما فى الشارع والبيت لاء؟؟؟؟؟؟؟؟؟؟؟؟؟؟
ربنا يصلح حالنا جميعا والله سر السعاده الاخوه والتعاون والجماااااااااااعه.
اشكركم واسف انى خرجكتكم عن الموضوع واسف لصاحب الموضوع انا حبيت اشد على اياديكم لتجدوا على الخير معينا.

المشاركة الأصلية كتبت بواسطة newcar2011

هكلمك لو عندك استعداد

اخي العزيز ما انا قلتلك عندي استعداد اشتغل في اي مشروع ناجح ومدروس
بس الاول نفهم التفاصيل وبعدين القرار بيكون سهل باذن الله طالما التفاصيل بتكون واضحه وبيكون في خبرة وسابق معرفه بالموضوع طبعا
ولو خايف على الفكرة ومش عاوز تشرحها غير لما تاخد وعد اني ادخل معاك يبقى حضرتك حتتعب قوي لانك مش حتلاقي حد معاه راس مال يدخل في اي شيء كده عمياني من غير ما يعرف كل التفاصيل الاول
سيبها على الله وخللي عندك ثقه في الله ان ماحدش حيسرق رزقك
كلمني وقوللي تفاصيلك ولو عجبني الموضوع حادخل معاك ولو ما عجبنيش حاقولك بكل صراحه
واطمن اني مش حاسرق منك الافكار بتاعتك علشان انا عاوز ربنا يرزقني بالحلال
واظن القرار في ايدك وانا قلت كل اللي عندي لحضرتك
وعلى فكرة انا من ساعتها اضفتك على الماسينجر وكنت منتظر ردك لكن لقيتك كاتب الرد ده فكان لازم اطمنك وارد عليك لاني فهمت من كلامك انك خايف من سرقة افكارك فقلت اطمنك
وشكرا لك