طلمبة البنزين سخنت بدون سبب و العربية كانت هتولع و ربنا ستر برجاء المساعدة

**MITSUKERO** · 14-08-2011 10:06 PM

انا طبعا بشكر كل الاعضاء هنا علي الاهتمام ده بجد الف الف شكر

بالنسبة للطرمبة فانا عايز ارفع الصور ليكم عشان الناس تشوف ايه اللي حصل بالظبط لان الموضوع بهدلة بس المشكلة اني مش عارف ارفع الصور ازاي ولا انا ولا صاحب العربية

بالنسبة للبنزين اللي مونه فهو بيمون من بنزينة وطنية بتاعت الجيش اللي علي الطريق الزراعي فقط او من ابو رواش جنب القرية الذكية غير كده بيبقي صعب و بيمون 92 بس ده غير الانتظام في صيانة العربية كل 5000 كيلو في التوكيل

فيه نقطة نسيت اقولها : هو لما كنا بنبقي مع بعض و يفول كان ريحة البنين بتدخل جوه تعمينا و راح التوكيل كذا مرة قالوله عادي ده الفايص !! هو معاه لانسر و انا معايا لانسر و اي حد فيها بيفول عمر ما ريحة البنزين كانت بتبقي بالمنظر ده ابدا لدرجة انه بقي يفول علي اول تكة من المسدس بتاع البنزين عشان الريحة

بالنسبة للفيوز فهو ضرب فعلا اول ما الطرمبة ساحت و ده من ستر ربنا لانه ضرب متأخر شوية بعد ما الدنيا باظت تماما

ياريت نشارك بعض في الرأي يمكن نوصل لحل و بشكركم مرة تانيه علي اهتمامكم

**FBIAhmed** · 14-08-2011 10:51 PM

فيه حد عمل شغل في طرمبة البنزين او حساس التانك حتى لو في التوكيل او ممكن يكون عيب تقفيل من قبل كده لان ده معناه جوان التانك مكنش مقفول كويس و جوان التانك ده بيبئا تحت الكنبه و عدم قفله كويس يخلي البنزين يطلع من تحت الجوان و يجمع تحت الكنبه لما تفول و ده عن تجربه في عربيه فليشيا و بمرور الوقت بياكل عزل السلوك البلاستيك و يعمل قفله و يسبب الفيلم ده و ده هو سبب مشكله حضرتك هاتقولي مفيش شغل اتعمل ناحية التانك هاقولك و انا على طول بفول و مفيش ريحه بتطلع خالص انا صني 2011

مع تحياتي و هدي اعصابك

**MITSUKERO** · 15-08-2011 12:23 AM

المشاركة الأصلية كتبت بواسطة fbiahmed

فيه حد عمل شغل في طرمبة البنزين او حساس التانك حتى لو في التوكيل او ممكن يكون عيب تقفيل من قبل كده لان ده معناه جوان التانك مكنش مقفول كويس و جوان التانك ده بيبئا تحت الكنبه و عدم قفله كويس يخلي البنزين يطلع من تحت الجوان و يجمع تحت الكنبه لما تفول و ده عن تجربه في عربيه فليشيا و بمرور الوقت بياكل عزل السلوك البلاستيك و يعمل قفله و يسبب الفيلم ده و ده هو سبب مشكله حضرتك هاتقولي مفيش شغل اتعمل ناحية التانك هاقولك و انا على طول بفول و مفيش ريحه بتطلع خالص انا صني 2011

مع تحياتي و هدي اعصابك

انا عصابي هادية والله متخافشي يا استاذ احمد اكيد ضغطي مش هيعلي عشان ترشيح زيت من عربية صني زيرو هههههههههه فاهمني ولا اوضح ههههههه ده مصر كلها عرفت يا باشا

انا بس زعلان من اللي حصل و اللي مزعلني اكتر ان العربية متحافظ عليها جدا و صيانة في ميعادها يعني ذنبه انه مش بيستهلك العربية يقوم مياخدشي حقة من الضمان ؟ ده غير انه راح التوكيل كذا مرة عشان موضوع ريحة البنزين ولا حد فكر يوصل لحل اساسا كله قاله طبيعي

ربنا يعمل اللي فيه الخير بس حد يقولي ارفع صور ازاي لو سمحتم

**SonaSteel** · 15-08-2011 12:36 AM

قدر الله وماشاء فعل ...... وربنا يجيرك في مصيبتك ويخلفك خيرا منها ان شاء الله
الحمد لله انها جت علي قد كده ... ومتقولش ده كان ممكن وكان ممكن
نصيب والحمد لله وربنا يصبرك
وده لينك رفع الصور
رفع الصور
وربنا ييسرلك كل خير

**kisho55555** · 15-08-2011 06:09 AM

متابع معاكوا يا جماعة ...

واول حاجة يعملها ... يعمل محضر فى القسم بميعاد دخول العربية التوكيل والكشف عليها بالتواريخ ... شعان يقدمه فى جهاز حماية المستهلك ....