الموضوع: يا تري انا صح ولا غلط

سبحان الله كأنك قلت اللى فى قلبى

سبحان الله أنا بأفكر عكس تفكيرك

نفسي أرجع من الغربة وبأحن لمصر

لكن نزلت قبل رمضان وحسيت إني غريب الكل نسيني وأغلب اللي أعرفهم إما ماتوا أو متغربين أو كبروا أو بيشتغلوا في محافظات تاني والأطفال كبرت وما بقتش عارفهم وحاولت أسترجع شعوي قبل ما أسافر بره من ثمانية سنوات ما قدرتش

حسيت بإكتئاب كان هيوصل معايا لاكتئاب مرضي

ما قدرتش أتحمل الفرق بين الامارات ومصر وخصوصا في مدينتي

بإختصار كل شئ في مدينتي مش منظم وماشي غلط وكل حاجة هنا ماشية بنظام شديد

وفي النهاية لقيت نفسي حجزت وسافرت تاني

ومش عارف آخرتها إيه وياكي يا بلدي

المشاركة الأصلية كتبت بواسطة khaloooda

عايز يسيب وضع مستقر ومضمون - في نظر الناس - ويروح يبدأ من جديد
ويا عالم ينجح ولا لأ

ما فيش حاجة اسمها وضع مستقر

الدنيا مش مضمونة لا في مصر ولا بره مصر والأحداث هتلف على الكل ولو كل واحد نام في بيته

وقديما قالوا : يفوز باللذات كل مغامر


نفس الكلام اللي كان بيتقالي ولازال لما بأفكر أعمل حاجة غير مألوفة أو آخذ قرار ضد ما يسمى الاستقرار زي مثلا لما استقلت من وظيفة حكومية هنا في الإمارات وكل واحد يقولي يا راااااااااااجل في حد يسيب وظيفته الحكومية بنفسه ويروح يجرب على شغل بره
ده اللي بيتفنش من الوظيفة الحكومية بينتحر

الناس كلها بتتمنى الوضع الفلاني اللي انت فيه - يا راجل ما تتبطرش على النعمة

الكلام ده كله حطه ورا ضهرك وخد القرار اللي يناسبك ويناسب مشاعرك

المهم إنك تستمع جيدا لنصائح الغير ولو لقيت كلامهم صح خد بيه ولو لقيته مش ماشي مع تفكيرك سيبه

لأن العند في رأيي إنك إما ما تديش لنفسك فرصة تستمع لتجارب وآراء ونصائح الآخرين
أو إنك تستمع ليها وتلاقي كلامهم صح وتعمل انت الغلط علشان ما تنزلش على رأي حد

لكن لو انت سمعت كويس واتقنعت برأي معين اعمله وسيبك من الكل طالما ان القرار ده يخصك انت فقط


انا عن نفسي نفسيا مش بأرتاح في الغربة ولو كانت باريس وعلشان كده لو طلبت رأيي هأقولك سيب سكنك وروح حي أرقى أو أهدأ زي التجمع الخامس أو الرحاب أو حتة نضيفة ولو في محافظة تاني بدل ما تهاجر

لكن قد تكون مشاعرك مختلفة عن تفكيري


تقبل تحياتي

ما فيش حاجة اسمها وضع مستقر

الدنيا مش مضمونة لا في مصر ولا بره مصر والأحداث هتلف على الكل ولو كل واحد نام في بيته

المشاركة الأصلية كتبت بواسطة khaloooda

عاوز رأيكو في حاجة يا جماعة

انا عايش هنا في مصر
في وظيفة ممتازة ووضع كويس ماديا واجتماعيا
لكن فعلا مبقتش قادر

اعصابي تعبت من حرقة الدم والمشاكل كل يوم ومحدش عاوز يشتغل ومحدش عاوز يطبق قانون وبلطجة وقلة ادب - خناقة الصبح ومشكلة بالليل
مرة مع واحد يخبطلك عربيتك ومرة مع واحد جي يبلطج عليك ومرة مع تاني عاكس او ضايق حد من اهل بيتك .....

طول عمري
من وانا لسه طالب
وانا امنية حياتي مش اني ابقي في الوظيفة او المنصب الفلاني او اني يبقي معايا كذا في البنك او يبقي معايا عربية كذا او اتجوز فلانة او .. او .....
لكن احلامي كانت ببسااااااااطة :
نفسي اعيش في بلد محترمة
نفسي افتح عيني الاقي قانون بيطبق علي الكل
ومهما يكون صارم - هحترمه
نفسي ملقيش غوغاء وحوش وبلجية افتروا بيقطعوا في فروة الناس ولحمهم وبيهدوا في البلد يوم بعد يوم
نفسي اتنفس هوا نضيف
نفسي اشرب مية نضيفة من الحنفية ، مابقاش محتاج اني اجيب مية معدنية تستهلك جزء من راتبي كل شهر عشان المية اللي نازلة من الحنفية غييييييييييير ادمية
نفسي لما حد يغلط يطبق عليه القانون فورااااا ومسمعش كلمة " معلش "

نفسي اخلص مصلحة من غير رشوة

باختصار انا حققت هنا حاجات كتير حلوة
مستقبل مادي ومهني واجتماعي يصعب علي اي حد وصله انه يسيبه

لكن المرحلة اللي وصلت ليها من حرقة دم واعصاب
ده من القرف تقريبا مليش نفس للاكل
بطلت اضحك
من زماااااااااااااااان

المهم انا بفكر اسيب كل اللي حققته هنا
معايا قرشين كويسين
وشقة ممكن ابيعها

واهاجر
والله مش طلبا لسعة في الرزق
السعة في الرزق مطلوبة اه والرسول نفسه استعاذ بالله من الفقر
بس انا اللي عندي هنا يعيشني عيشة ممتازة

بس انا عندي استعداد اضحي بكل اللي هنا واسافر اي بلد محترمة
تحترم ادمية الانسان
تتعامل مع خام البني ادم بصرف النظر عن القالب اللي تشكل فيه
وزير ... او غفير
اي بلد الاقي فيها الامان والادمية
الاقي قانون ونظام صارم وحازم يطبق علي الكل
هسيب كل ده واسافر حتي ل كان اللي هخده هناك اقل من اللي هنا
يكفيني فقط اي دخل يضمن لي حياة ادمية كريمة
مش عاوز اكتر من كده

لاني شايف انه حياتي في بلد محترمة وجو حضاري
ده في حد ذااااااااااااته بفلوس

يا جماعة ده انا مش بسلم علي واحد من اصحابي او قرايبي اللي بره اللي وببقي عاوز اقله :
لو قدرت مترجعش ... مترجعش

ايه رأيكو ...
اضحي باللي هنا وادور علي هجرة ابدأ فيها من الصفر في سبيل حياة في جو حضاري وادمي
ولا اقعد هنا واستحمل

تعبت فعلا
اعصابي تعبت
ومش باينلها نهاية

الحكاية مش حكاية ثورة ولا مبارك ولا اول نفس حرية والكلام ده
الحكاية ان احنا كمصريين غااااااااااااالبيتنا ترفض النظام وتعشق الفوضي والهمجية
انا اتخيل مثلا لو قدر للثورة النجاح وجه رئيس جمهورية راااااااااااجل وحاول يصلح وحط نظام جديد وحاول يمشي الناس عليه

مع الاسف هيفشل
لانه عشان يغير محتاج يلعب في الجينات الوراثية لغاااااااااالبية الشعب المصري
فيه قلة مثقفة ومحترمة وتتمني التغيير وتحب النظام
لكن هيعملوا ايه يا ولداه مع جيييييييش جرار من الهمجية والغوغائية والفوضي

يا ريت حد يديني رأيه
ويا ريت لو حد عنده تجربه في موضوع السفر للخارج او الهجرة واستفاد منها
يقولي
ايا كان رأية
مؤيد او معارض لفكرة الهجرة

وشكرا

كأنك قولت النفسى أقوله بالظبط .. أذا جاتلى الفرصه ان شاء الله هامشى لأنى رفضت السفر قبل كده و ندمت .. مش معنى كده أنى بشجعك لكن اذا ربنا رزقنى بالسفر هيكون قرارى .