الموضوع: هل توافق على سن قانون يفرض على النساء فى المجتمع ارتداء الحجاب ؟

المشاركة الأصلية كتبت بواسطة أبومعاذ

شوية أسئلة يا ترى حد هيجاوبها؟
طب لو الدولة بقت مدنية هتعملوا زي فرنسا و تمنعوا النقاب بدعوى انه مش من الدين ولا هتمنعوا الحجاب بدعوى انه مفيش نص صريح بالحجاب؟ وياترى اللحى (جمع لحية) هتبقى ممنوعة بدعوى ان مظهرها سيئ و المساجد هيبقى مسموح بدخولها في غير أوقات الصلاة ولا دي أنشطة أرهابية ؟ وهل أصلا ينفع أدخل المسجد من غير كارنيه؟ ومناهج الدين هنرفعها من التعليم بدعوى عدم خلط الدين بالتعليم؟ و أيه كمان؟ يا ترى أيه اللي هيحصل لو أدعياء الحرية مسكوا البلد.....ربنا يستر

أقسم بالله العظيم أن أكون أول من يخرج في مظاهرات أو اعتصامات ...... لو إلي حضرتك بتقول عليه دة حصل


عندما أطالب بالحرية ....... فإني أطالب بها للجميع ...... للجميع ....... من أقصى اليمين حتى أقصى اليسار

المشاركة الأصلية كتبت بواسطة nabaster

«إن الذين يحبون أن تشيع الفاحشة في الذين آمنوا لهم عذاب أليم في الدنيا والآخرة، والله يعلم وأنتم لا تعلمون»

a.yakout

كدة ما يصحش ....... الأية الكريمة في غير محلها تماماً

المشاركة الأصلية كتبت بواسطة hobiko

أقسم بالله العظيم أن أكون أول من يخرج في مظاهرات أو اعتصامات ...... لو إلي حضرتك بتقول عليه دة حصل


عندما أطالب بالحرية ....... فإني أطالب بها للجميع ...... للجميع ....... من أقصى اليمين حتى أقصى اليسار

[/size]

أمال أية الهدف من الموضوع دة اللى خلى الأعضاء يقعوا فى بعض وحرق دمنا طول النهار ؟؟؟؟

أنا شايف إن كثير من المصوتين بلا مسيحيين
عشان كده شايف إن قانون زي ده ممكن يكون ناجح لو حيطبق على المسلمات فقط
وسابوا الميسيحيات بمزاجهم طول مفيش حاجة خارجة

المشاركة الأصلية كتبت بواسطة د.أحمد السعيد

طب بس يبقى فيه حريه ان اللى عايزه تلبس نقاب محدش يضايقها و يمنعها من دخول الامتحان او من دخول نادى ؟؟؟

و اكيد لو الموضوع متروك للحريه فيه فرصة اكبر للبنات انها تقتنع و ربنا يهديهم
لكن لو الموضوع اجبار هنلاقى مهازل من الاكراه و الاحساس بالغصب على شىء و بالتالى هتبقى البنت كارهه كل ما يمت للدين بصله

طبعاً دة حق أصيل و مشروع ...... المنقبة دي مواطنة مصرية مرفوض بعنف كل أشكال التمييز ضدها

المشاركة الأصلية كتبت بواسطة ghosts

أمال أية الهدف من الموضوع دة اللى خلى الأعضاء يقعوا فى بعض وحرق دمنا طول النهار ؟؟؟؟

حضرتك فاكر إن هدف الموضوع هو منع النقاب و الأذان و دخول المساجد بالكرنيه و منع تربية اللحية ؟؟؟؟؟؟؟؟؟؟!!!!!!!!!!!!!!!!!!

حضرتك فهمني غلط خالص


أنا بطالب بالحريه لكل الناس على حد سواء ....... حرية لا يجور فيها طائفة أو جماعه على طائفة أو جماعة أخرى من أبناء الوطن الواحد


أن عايز الحرية لكل الناس ....... للشاب السارح و للسلفي الصالح ...... على رأي إبراهيم عيسى :)


أن ضد فكرة الإجبار بكل اشكالها ...... مادام لم يأمرنا الله بالإجبار


قلتها قبل كدة ....... بس الإخوة إلي مع موضوع الإجبار على الحجاب مخدوش بالهم


انتو في أيدكم كنز ....... أبواب الدعوة و الإصلاح و الإرشاد لأفراد المجتمع مفتوحة كما لم يحدث قط منذ سنوات طويلة


الأن لا يوجد من كان يرهبكم ولا يعتقلكم ولا يحاربكم ....... في ايدك تدعو المجتمع كله للطريق القويم بالتي هي أحسن و أقوم


ليه تلجأ لفكرة الإجبار و سن القوانين و العقوبات ؟؟؟؟؟!!!!!!


ليه ؟؟؟؟؟!!!!!!

عايز اعترف إعتراف .......


أنا تعمدت اني أخلي التصويت مرئي ...... كل الناس تقدر تشوف مين صوت بإيه


لازم كل واحد مننا من هنا و رايح مايخفش يقول رأيه في أي حاجة ....... و مايخفش إنه يعلن الرأي دة كمان


مهما حاولوا يربونا و يعودونا على العكس


و لازم نفهم ...... إن مهما اختلفنا في الأراء ....... فالإحترام موجود و متبادل