هل توافق على سن قانون يفرض على النساء فى المجتمع ارتداء الحجاب ؟

**hossam20102010** · 17-08-2011 04:44 AM

بالنسبة للناس الى موافقة

اولا :السلفيين مبيقتنعوش بحاجة اسمها حجاب

ثانيا الحجاب بالنسبة لهم هو (((((((((((((النقاب))))))))))))))))

ثالثا: لما كله يبقى منقبات ... هيتفتح باب خلفى مضر جدا بالدولة .. الحرامية هيلبسو نقاب عشان محدش يشوفهم....سورى يعنى البنات اياهم ... برده هيلبسو نقاب عشان (محدش يعرف انهم شغالين فى المجال ده) ..الخ

يعنى النقاب وهو حكمه سنة وليس فرض...الحجاب هو الى فرض مش النقاب

انما هيستخدم فى اعمال السرقة وفى اعمال منافية للاداب !!!!!!!!!!!!

**Mik_t4** · 17-08-2011 04:56 AM

المشاركة الأصلية كتبت بواسطة hossam20102010

بالنسبة للناس الى موافقة

اولا :السلفيين مبيقتنعوش بحاجة اسمها حجاب

ثانيا الحجاب بالنسبة لهم هو (((((((((((((النقاب))))))))))))))))

ثالثا: لما كله يبقى منقبات ... هيتفتح باب خلفى مضر جدا بالدولة .. الحرامية هيلبسو نقاب عشان محدش يشوفهم....سورى يعنى البنات اياهم ... برده هيلبسو نقاب عشان (محدش يعرف انهم شغالين فى المجال ده) ..الخ

يعنى النقاب وهو حكمه سنة وليس فرض...الحجاب هو الى فرض مش النقاب

انما هيستخدم فى اعمال السرقة وفى اعمال منافية للاداب !!!!!!!!!!!!

يا باشا قيس علي دا كتير
واحد كان لابس زي المنقبات واخد بنت 17 سنة من السوق كانت بتدور علي حاجة معينة وعمل صوتة زي البنات واخدها في مكان بعيد واغتصبها وبهدلها والاخر ناس لقوها متبهدلة ومرمية في الارض الزراعية وجمبها الجلبية والنقاب والبنت فضلت في غيبوبة اسبوعين لانة ضربها علي راسها ولما فاقت من الصدمة او الخبطة رجليها اتشلت
وحصلت اكتر من مرة يمسكو رجالة لابسين منقبات سواء في اتوبيسات او اماكن عامة

**nouranwar** · 17-08-2011 05:22 AM

المشاركة الأصلية كتبت بواسطة now2005

فكرتك وصلت عن رفضك لتطبيق قانون للحجاب على غير المسلمات .. انما الزيادة في تعليقك هو وقاحة .. انا لا قبلها شخصيا .. انا كان ممكن ما علقش عليك .. و لكن تعليقك منافي للياقة .

!!!!!!!!!!!!!!!!!!!!!!؟؟؟؟؟؟؟؟؟؟؟؟

ايفرام ميقصدش حاجة وحشة طبعا الراجل ده انا اعرفه كويس و طبعا ميقصدش اي حاجة وحشة
حضرتك اتسرعت في حكمك فقط :(

**nonetta** · 17-08-2011 06:04 AM

زي ما في اماكن بتمنع دخول المحجبات والمنتقبات
انا اقترح ان يكون في مزايا كتير يحصل عليها المحجبات دون غيرها
اماكن يحظر دخولها لغير المحجبات
حظر القيادة بدون حجاب
وهكذا
هتلاقي الواحدة نفسها مضطرة تلبس الحجاب في كل نشاطات حياتها
ودي طريقة مختلفة عن سن القانون اللي دايما هتلاقي فيه مخالفين
حيث نستمتع دائما بمخالفة كل قانون

**medo_2060** · 17-08-2011 06:31 AM

المشاركة الأصلية كتبت بواسطة amahmed

لا, لا أوافق فى حالة عرض الأمر على

مش بالاجبار انما بالاقتناع
لان ممكن نعمل القانون و الناس تتفنن في كسره بالاسبانش و البنطلونات الضيقة يبقي كده لم نحقق شئ
يجب ان يكون الامر نابع عن قناعة و ثقافة سائدة في المجتمع و توعية شاملة باتفاق الازواج و التفاهم مع اولياء الامور
و يجب الغاء اي اوامر تمنع لبس الحجاب في وظائف معينة

و جدير بالذكر ضرورة ترك الحرية للبس النقاب و توفير موظفات الامن في الجهات الحكومية لمراجعة البطاقات و كشف الوجوه للتأكد من شخصية المنقبة

+111111
الله ينور عليك..قلت الى عايز اقوله وبطريقه احسن كمان

**ahmad--ezzat** · 17-08-2011 06:44 AM

الاولى انهم يفرضوا الصلاه لان للاسف فى ناس كتير مش بتصلى لحد دلوقتى

**shaddadfalcon1** · 17-08-2011 09:27 AM

المشاركة الأصلية كتبت بواسطة hossam20102010

بالنسبة للناس الى موافقة

اولا :السلفيين مبيقتنعوش بحاجة اسمها حجاب

ثانيا الحجاب بالنسبة لهم هو (((((((((((((النقاب))))))))))))))))

ثالثا: لما كله يبقى منقبات ... هيتفتح باب خلفى مضر جدا بالدولة .. الحرامية هيلبسو نقاب عشان محدش يشوفهم....سورى يعنى البنات اياهم ... برده هيلبسو نقاب عشان (محدش يعرف انهم شغالين فى المجال ده) ..الخ

يعنى النقاب وهو حكمه سنة وليس فرض...الحجاب هو الى فرض مش النقاب

انما هيستخدم فى اعمال السرقة وفى اعمال منافية للاداب !!!!!!!!!!!!

المشاركة الأصلية كتبت بواسطة mik_t4

يا باشا قيس علي دا كتير
واحد كان لابس زي المنقبات واخد بنت 17 سنة من السوق كانت بتدور علي حاجة معينة وعمل صوتة زي البنات واخدها في مكان بعيد واغتصبها وبهدلها والاخر ناس لقوها متبهدلة ومرمية في الارض الزراعية وجمبها الجلبية والنقاب والبنت فضلت في غيبوبة اسبوعين لانة ضربها علي راسها ولما فاقت من الصدمة او الخبطة رجليها اتشلت
وحصلت اكتر من مرة يمسكو رجالة لابسين منقبات سواء في اتوبيسات او اماكن عامة

ده علي اساس ان الحراميه دوول مستنيين بفارغ الصبر القانون ده عشان يلبسو نقاب وينزلو يسرقو؟
هو الحرامي هيغلاب؟
ده حق يراد به باطل

وعلي فكره محدش حتي الأن اجمع ان النقاب فرض ولا سنه في رايين وكل راي ليه ادلته لكن الاجماع علي انه مستحب وفي حالة ان المراه تكون جميله يبقي فرض عليها
وزي ماقال الشيخ يعقوب : بالنسبه للبنت اللي بتلبسه يوم القيامه لو طلع فرض يبقي معصتش كلام ربنا ولو طلع فضل او سنه يبقي خدت ثوابها لكن العكس بقي ايه اللي هيحصل ساعتها؟

بصراحه حجة الحراميه مع احترامي ليكم حجه واهيه

**shaddadfalcon1** · 17-08-2011 09:37 AM

المشاركة الأصلية كتبت بواسطة mik_t4

معلش مينفعش نفرض انة للصالح اعام لانة فرض ديني بحت زي ما بتقولم
فا بالمنطق متنفزوش علي حد مبيتبعش الدين الي بيفرض الفرض دا
وبالنسبة لحكاية الاثارة والكلام دا احنا معندناش حاجة اسمها فتنة ومحدش بيتحاسب عندنا عن اخطاء حد فا لو شايفين حاجة مش لطيفة قدامنا منبصش وخلاص مش هنجيب كل حاجة علي البنت
فياريت منقلش مصلحة عامة ودكا احنا معندناش حاجة من دي فمتتطبقش علينا
والموضوع ديني بحت لو كان قانون مش موجو د في الدين وحد طلعة كدا بردو كان هيبق فية نقاش بس مكنش هيبق بطابع ديني

يااستاذ مايك مفيش حاجه اسمها معندناش اثاره
دي غريزه في البني ادم ويمكن انت تكون بتغض بصرك في غيرك مش بيعمل كده وطبعا المفروض كلنا نغض بصرنا بس انا مش همشي في الشارع قدامي وورايا ويمين وشمالي ابقي ماشي اتلفت زي الحرامي وفي الأخر مش بلاقي غير اني ابص في الأرض او في السما وفي كلا الحالتين هلبس في اول حاجه تقابلني

الموضوع ليه علاقه بالحد من نشر الرذيله بغض النظر عن الدين وبالنسبه للبنت فالوقايه خير من العلاج
يعني هو انت ينفع يبقي عندك محل مجوهرات وتسيبه مفتوح ومن غير حراسه ولما تيجي تاني يوم تلاقيه مسروق تقول ده غلط المفروض كل واحد يشوف محل مفتوح يدير وشه الناحيه التانيه ؟ مش الاولي اني احصن نفسي عشان مندمش بعد كده ؟ برده بعيد عن الدين؟