أوافق طبعا .. لأسباب كتير .. أهمها ان الله سبحانه و تعالى فرض الحجاب و غيره من أوامر الدين مش عشان يضيق علينا حاش لله و انما عشان مصلحتنا فى الدنيا و الاخره .. و الحته دى مهمه جدا انها تكون فى ذهن كل فرد و لو ترسخت فى أذهاننا هتوفر علينا مشاكل كتير.
الله سبحانه و تعالى يقول فى سورة طه:
"قال اهبطا منها جميعا بعضكم لبعض عدو فإما يأتينكم مني هدى فمن اتبع هداي فلا يضل ولا يشقى ومن أعرض عن ذكري فإن له معيشة ضنكا ونحشره يوم القيامة أعمى"
شفت ..فلا يضل ولا يشقى فى الدنيا .. اذا اتباع أوامر الله سبحانه و تعالى تحقق السعادة فى الدنيا قبل الاخره .. و دى فكرة مش موجودة عند ناس كتير .. يعنى تلاقى شاب يقول لك أنا هعيش حياتى و بعدين التزم بأه و اصلى و كده .. أو بنت تقول أنا هعيش حياتى و بعدين أتحجب و التزم .. و ده غلط طبعا .. السعادة فى اتباع أوامر ربنا سبحانه و تعالى و الدليل انك معظم الشباب الملتزم تلاقى انه أصلا كان شاب بيحب يعيش حياته و كده .. ده دليل انه وجد فى الالتزام بشرع ربنا لذه أكبر بكتير من اللى كان بيعمله.
من ناحية تانية .. واجب على الحاكم انه يعمل على مصلحة شعبة .. و ما دمنا قلنا فوق ان المصلحة فى اتباع أوامر ربنا سبحانة و تعالى .. اذا فيجب على الحاكم انه يبذل قصارى جهده عشان يحقق الهدف ده.
ربنا سبحانه و تعالى بيقول فى سورة الحج:
"الذين إن مكناهم في الأرض أقاموا الصلاة وآتوا الزكاة وأمروا بالمعروف ونهوا عن المنكر ولله عاقبة الأمور"
عارف عامله زى ايه .. و لله المثل الأعلى .. لما تلاقى ابنك الصغير بيلعب بسكينة فتقوم تاخدها منه .. هيعيط .. هتديهاله؟ أكيد لأ.
و طبعا حب الله سبحانه و تعالى لعباده أكبر بكتيييير من حب الأب لابنه
نفس الفكرة حاجة مضره ليك و هتسبب لك أذى .. الواجب على الحاكم انه يمنعها عنك .. وفى نفس الوقت يبنى البنية التحتية فى عقول الناس ان كل أوامر ربنا سبحانه و تعالى فيها الخير لينا.
المفضلات