هل توافق على سن قانون يفرض على النساء فى المجتمع ارتداء الحجاب ؟

**shaddadfalcon1** · 16-08-2011 04:27 AM

المشاركة الأصلية كتبت بواسطة sharpen

عيب على حضرتك الكلام اللى بتقولة - انا اعرف ان حضرتك من الاعضاء المحترمين بشدة -
عيب عيب عيب تشبة نفسك ...
كدة تبقى فقدت ميزة العقل والارادة اللى ربنا ميزبيها الانسان عن غيرة من الكائنات

انا مش فاهم ايه العيب في كلامي

اعتبر الموضوع زي الصحبه الصالحه

عمرك ماشفت واحد بيبقي من جواه كويس بس عدم وجود صحبه صالحه او حد يزقه علي الطاعه مش بيبقي كويس ولما يبقي معاه حد زي صاحب او زوجه صالحه بياخد بايده لطريق الهدايه ؟

طيب انا لما امشي في الشارع وابقي مش متزوج ومش قادر اتزوج وطول مانا ماشي في الشارع شايف بلاوي ياتري ده احسن ولا لما يبقي الشارع كله او نسبه كيبره منه محجبات بغض النظر عن سبب تحجبهم ايه لاني مش هعدي علي واحده واحده واسالها انتي لابساه عن اقتناع ولا لآ لكن الظاهر ليا انها هتبقي محترمه وجواها ده اللي اعلم بيه ومش هيضرني بحاجه

اتمني تكون فهمت وجهة نظري

**AhMeD EzZ** · 16-08-2011 04:32 AM

مش بالاجبار انما بالاقتناع

**MOUSTAFA_SAAD** · 16-08-2011 04:49 AM

الحجاب بتاع اليومين دول اساسا ولا ينفع ببصله

**SkyBird** · 16-08-2011 05:25 AM

ضد الاجبار على ارتداء الحجاب بالقانون و لا اي فروض مشابهة
الحدود المنصوص على عقوبتها دينيا يجب فرضها بالقانون وعلى المسلمين فقط
والله اعلى واعلم

**sharpen** · 16-08-2011 05:50 AM

المشاركة الأصلية كتبت بواسطة shaddadfalcon1

انا مش فاهم ايه العيب في كلامي

اعتبر الموضوع زي الصحبه الصالحه

عمرك ماشفت واحد بيبقي من جواه كويس بس عدم وجود صحبه صالحه او حد يزقه علي الطاعه مش بيبقي كويس ولما يبقي معاه حد زي صاحب او زوجه صالحه بياخد بايده لطريق الهدايه ؟

طيب انا لما امشي في الشارع وابقي مش متزوج ومش قادر اتزوج وطول مانا ماشي في الشارع شايف بلاوي ياتري ده احسن ولا لما يبقي الشارع كله او نسبه كيبره منه محجبات بغض النظر عن سبب تحجبهم ايه لاني مش هعدي علي واحده واحده واسالها انتي لابساه عن اقتناع ولا لآ لكن الظاهر ليا انها هتبقي محترمه وجواها ده اللي اعلم بيه ومش هيضرني بحاجه

اتمني تكون فهمت وجهة نظري

فية فيلم كوميدى اسمة the animal
بطولة Rob Schneider
بيدور عن شاب شرطى حصلتلة حادثة عربية و اضطر طبيب بيطرى علشان ينقذة ينقلة اعضاء من انيملز مختلفة- المهم قلة انت هاتعيش طبيعى بس فى رغبتين اتنقلوا ليك مع الاعضاءومش هاتقدر تسيطر عليهم (و دول مسيطر عليهم نسبيا فى الانسان الطبيعى ) وهما الاكل والتكاثر
وبيدور فكاهة الفيلم عن الموضوع عن المواقف اللى بيتعرضلها سواء فى المطاعم او الشوارع

**Dr Ahmed** · 16-08-2011 05:59 AM

أوافق على أى شئ ينشر الفضيلة ويبعد الرزيلة
مستوى الفتنة فى الشوارع بسبب النساء فوق الوصف وتعدى كل الحدود
كل العورات أصبحت واضحة كأن أرباب البيوت لا يعرفون دينهم ولا يغارون على محارمهم

الموضوع مش علشان المحترمة والمحتشمة وكلمات اللف والدوران .. الموضوع لتنضيف شوارع المجتمع من أهم أسباب الذنوب ...

**ainshouka** · 16-08-2011 06:30 AM

ابتدي أعمل توعية للناس

لما الناس تعرف يعني ايه فرض وانه امر الهي والاقي الناس تستهجن من لا يرتدي الحجاب الشرعي وتراه ان عدم ارتدائه فعل مشين وعصيان لأوامر الله
يبقي ايه المانع اني اسن قانون يفرض ارتداء الحجاب في الشوارع

**mahmoudysf** · 16-08-2011 06:33 AM

اوافق طبعا
في حاجة خطيرة لاحظتها في بعض الردود
وهي لازم تكون الواحدة مقتنعها عشان تتحجب
انا شايف ان اللي بتفكر كدة او اللي بيردد الكلام ده لازم يستتاب
لانه غير مقتنع بفرض من فروض الله
وانا شايف دول ينطبق عليهم قول الله عز وجل
(أَفَتُؤْمِنُونَ بِبَعْضِ الْكِتَابِ وَتَكْفُرُونَ بِبَعْضٍ فَمَا جَزَاءُ مَنْ يَفْعَلُ ذَلِكَ مِنْكُمْ إِلَّا خِزْيٌ فِي الْحَيَاةِ الدُّنْيَا وَيَوْمَ الْقِيَامَةِ يُرَدُّونَ إِلَى أَشَدِّ الْعَذَابِ وَمَا اللَّهُ بِغَافِلٍ عَمَّا تَعْمَلُونَ)
اللي شايف ان فيه فرض في الاسلام مش عاجبة يغير ملته لما يتوافق مع هواه ولما يتفق معهم
وايه رايكم لو حد جه وقال انا مسلم ولاكن ش مقتنع بالصلاه ولا بالزكاه ولا بالصوم
هيكون الرد ايه ساعتها دي حرية شخصية وسيبوة لما يقتنع
الموضوع دين واوامر ونواهي
وليس ما يطلبة المستمعون لنرضى او نرفض

**Moe86** · 16-08-2011 06:52 AM

كل حاجة بايظة فى البلد بقالها 30 سنة

هنسيب كل دة و نمسك بقى فى فرض الحجاب بالعافية

مش مهم نبقى جهلة و فقراء و صحتنا بايظة و شوارعنا وسخة
المهم نبقى لابسين الحجاب بالعافية !!! رغم ان ديننا بيقول لا إكراه فى الدين, بس إحنا شعب مظاهر و خلاص

**misoalex** · 16-08-2011 08:26 AM

لا إكراه في الدين قد تبين الرشد من الغيّ

انتو بتتناقشو فيه ايه

حجاب ايه اللى بالعافيه طب واللى متحجبه بالعافيه دى حتاخد ثواب ؟؟؟؟؟؟؟؟؟؟؟

على فكره انا اسرتى وعائلتى كلها محجبه وانا لست ضد الحجاب اطلاقا
ولكن انا ضد البلطجه

مشاهدة نتائج الإستطلاع: هل توافق على سن قانون يفرض على النساء فى المجتمع ارتداء الحجاب ؟

الموضوع: هل توافق على سن قانون يفرض على النساء فى المجتمع ارتداء الحجاب ؟

LinkBack

أدوات الموضوع

عرض

-

-

-

-

-

-

-

المواضيع المتشابهه

الفرق بين المجتمع الشرقى و المجتمع الغربى

الكلمات الدلالية لهذا الموضوع

المفضلات

المفضلات

ضوابط المشاركة