الصينى وسنينة

**eng_mkhalaf** · 22-05-2008 01:11 PM

المشاركة الأصلية كتبت بواسطة zeyad1810

امرك يا باشمهندس خلف

معلم زياد مش ناوى تغير وتنضم لينا بقى

**zeyad1810** · 22-05-2008 01:46 PM

المشاركة الأصلية كتبت بواسطة eng_mkhalaf

معلم زياد مش ناوى تغير وتنضم لينا بقى

واسيب البونتو لمين ؟ ماقدرش

**eng_mkhalaf** · 22-05-2008 02:18 PM

خلاص براءة يا عم وعقبال الجراند بونتو

**ahmed_bq** · 22-05-2008 04:35 PM

انا ليا راي يا جماعة في الموضوع ده انا قريت الكلام كله اللي كاتبينه الاعضاء وفيه اراء صراحه غير موضوعية

الاسبرانز سعرها 68 الف جنيه وفيها اوبشن تحفه كلام سلبم؟؟؟
المفروض لما نقارنها بعربيه مش نقارنها بلانسر ب 100 وشويه ولا كرولا ولا غيرها

لا قارنها بعربية من نفس السعر وقارن الاوبشن والخ
وكمان انا لو دافع 120000 في عربيه وتطلع بايظه او صوتها عالي او الكلام ده تبقى مصيبه سودا

اصل انا لو جايب عربية تمنها 100 الف جنيه وبتقارنها باسبرانزا تمنها 68 يبقى معلش بدال دخلت في مقارنه معا عربيات جامده كده ومفيش خلاف عليها كا ماركات ... تبقى العربية دي زي الفل من الاخر.

ليه بقى تعالى نحسبها سوا

لو اشتريت عربية ب 120000 واشتريت عربية تانيه ب 68000 وتنساهم الاتنين ... وبعد 3 او 5 سنين نيجي تاني نتحاسب ... دي عملت صيانه بكام ودي بكام في الفتره دي

معتقدش ان الاسبرانز لو وحشه حتى هتصرف في 3 او 5 صيانه ب 50000 مستحيل

دا لو موتسيكل او عربية معموله تحت السلم مش هتصرف كده
ودا طبعا على اساس ان العربية اللي ب 120000 مصرفتش مليم

ايه رايكو في المقارنه والتحليل دول

ملحوظه: انا مش معايا اسبرانزا انا معايا كورولا 98 ... بصراحه بفكر ابيعها واجيب سبرانزا ودي اللي فوق ده هوا وجهة نظري

**ahmed_bq** · 22-05-2008 04:52 PM

وكمان الصين دي بلد كل العالم بيخاف منها كا صناعات ..ز اكيد لو كانت هفأ مكنش حد عبرها
دي يا جماعة من الدول العظمى في الصناعات وكمان دول بيعملو قنابل نووية مش بمب

يعني مش الصين وحشة في كل حاجة وسبب رخص اسعارها عشان العمالة

شوفو اللينك ده كنت كاتبه في موضوع تاني
http://www.nilemotors.net/Nile/showt...t=20055&page=3

انا عايز رايكو بجد من جميع الجوانب
عشان جايز انا غلطان في وجهة نظري

**zeyad1810** · 23-05-2008 11:01 AM

بص يا احمد انت فعلا بتتكلم صح احنا مستحيل نقارن اسبرانزا بلانسر احنا ممكن نقارنها بدايو او فيرنا لان دى عربيات فى نفس السعر

وموضوع الحسبة بتاعتك دى والصيانة اللى هتتصرف على العربية الصينى دة مش مقياس لان الواحد لما بيجيب الزيرو بيكون علشان يرتاح من هم الصيانة والمصاريف وخلافة بس بردة فى عربيات ماركات مشهورة بتجيبها زيرو وتطلع فيها مشاكل

انت قولت فى اللينك بتاعك مش معنى ان الصين رخيصه يبقى سيئه لان الكل عارف ان العماله في الصين رخيصه جدا وارخص من العماله المصريه كمان ...
طبعا دة شىء اكيد بس غالبا المشكلة بتبقى فى المستوردين انهم بيحاولوا يكسبوا اكبر نسبة ربح فبيقللوا فى الجودة جااااااامد والكلام دة عن معظم البضائع الصينى لان الناس دى بتديك على قد فلوسك جودة يعنى مابتقولكش لا على اى حاجة

الصين مبقتش من الدول العظمى من فراغ انا عن نفسى شايفها من اكبر و اقوى الدول الصناعية فى العالم حاليا وكمان قوى عسكرية بتخوف امريكا اللى مخوفةالعالم كلة

**ahmed_bq** · 24-05-2008 09:03 AM

كلامك كده سليم 100% ...بالنسبه طبعا ان احنا منقارنهاش بعربيات مش من نفس الفئة السعرية بتاعتها وبردو مش كل العربيات الغالية بتبقى سليمة 100%

طيب انا من وجهة نظري الشخصية ان الاسبرانزا هتحل محل الدايو لانوس والنوبيرا من حيث الانتشار ...

السبب لاني انا زمان لما كنت بشتري عربيتي الكرولا سنة 98 كان ساعتها الاكسنت نازله وكانت كل الناس بتقول دا عربية منظر بس وورق في ورق وكوري والكوري دا مش اد كده وبتاع

دلوقتي الكوري بقى كويس .. والكل بيدور وبيبقى نفسه في عربية كوري

كل اللي قال ان العربيات الصيني لسه تحت الاختبار لانها مش بقالها فترة في السوق ... هوا دا عين العقل والمنطق السليم ... ودي نفس الكلمة اللي خدتها من ميكانيكي شاطر اوي ... واللي يخلي الواحد يشك فيها ان كمالياتها جامده اوي وسعرها كده ... ممكن تكون هيا نازله بسعر رخيص عشان العمالة الصينية وممكن كمان تكون نازله كده عشان تعمل سوق لنفسها والدليل انها بتغلى مش بترخص

بالنسبة للفيرنا ..ز معا احترامي الشديد للي شكرو فيها .. انا بعتبرها عربية سيئة ... ودا من خلال تجربة من عدة زملاء اشتروها ... وقالو ياريتنا كنا جبنا اسبرانزا

انا بتمنى من الناس انها تناقش الموضوع بصورة موضوعية معللة الاسباب من غير تعصب عشان انا وانتا نستفيد وكلنا نستفيد ونطلع باراء صحيحة من حيث تقييم العربية اللي انا بحس انها هتبقى العربية الشعبية رقم واحد قريب