ورشة فولكس

**tears** · 08-10-2011 03:33 AM

بص يا باشا ومتزعلش نفسك انا معايا 2008 كامله ماعدل فتحة السقف 10 ايرباج العربيه حاجه خرافه ماشاء الله كنت جايبها من 5شهور ب 105000 الف بالنسبه العيب الوحيد القاتل فى كل الموديلات كمبرسور التكيف لازم يتغير بالنسبه لقطع الغيار
1- فاتر هواء 250 ج كل 10000 كيلو متر
2-بوجيهات 240 ج كل 10000 كيلو متر
3-سير كاتينه وبليه 650 ج بيتغير كل 80000 كيلو متر
4-سير دينامو 250 ج كل 10000 كيلو متر
5-فلتر تكيف كربون 250 ج
6-زيت فتيس 200 ج للكيلو +فلتر فتيس 250 ج وبتاخد 5كيلو زيت
7-زيت موتور طبعااا كاسترول الاصلى كل 15000 مش فاكر بكام
بالنسبه لقطع غيار استيراد معقوله ولو غاليه متنساش انك راكب جولف 5 مش 6 جولف اغلى شويه بس انا اشتريت كذا حاجه
1- مرايه كامله 500 ج
2-سدركامل للعربيه 1500 ج علشان السدر كله بلاستيك
3-الاكصدام الامامى 1500
4-الاكصدام الخلفى 1200
5-شكمان كامل 1500
واى خدمه اناتحت امرك ويارب يوفقك للتحفه دى

**mido_antouhh** · 08-10-2011 04:16 AM

انا وصلت اخيرا لحل الصوت ده
الصوت طلع من الجكمان
والحمدلله مش علبه البيئه دى العلبه الى فى نص تنصحونى اعمل اه بالله عليكو
؟؟؟؟؟؟؟؟؟؟؟؟؟؟؟؟؟

**dr_napster** · 09-10-2011 01:36 AM

السلام عليكم ......

شباب الخير انا جبت ولله الحمد باسات 2000 العربيه بجد حلوه وانا حابيت العربيه دي بس المشكله اني مش عارف اصلحها عند مين عندي كام مشكله كده واتمنا اجد الحل والمساعده
اولا :
لما بحط رجلي على البنزبن بحس بخبطه بتسحب للأمام ولما اشيل نفسها بس لوره طبعا ده وانا ماشي بيها أحد الاصدقاء قالي عمود شداد فتيس وفي واحد قالي دي مفيهاش عمود شداد دي فيها قواعد فتيس ومتور والحمد لله كلهم كويسين طب فين المشكله ؟؟؟؟ مش عارف؟؟؟

ثانيا :
العربيه بتبطل لوحدها ايه السبب ؟؟؟

ثالثا :

السحب بينعدم لما اشغل التكيف هل ده ليه علاقه بسير وبليه التكيف ولا ايه ؟؟؟؟

رابعا :

صوت تزييق من تحت لما بكبس بنزيين وطالع من السكون ايه السبب ؟؟

خامسا :

عايز مكان واحد محترم بيفهم في العربيه عشان اطمن عنده

واخيرا

اجيب قطع الغيار من فييييييييين وشكرا و اسف على الاطاله

شباب معلش الي يقولي اعمل كده عند مين ياريت يوصف لي المكان لأني ابيض في عالم الالماني وشكرا

**man_66666661** · 10-10-2011 12:54 PM

لو سمحت يا باشمهندس انا معايا جيتا 2009 خليجى وعندى مشكلة وبصراحة مش عارف اعمل ايه بسمع صوت تقه لما بدوس بنزين والصوت ده مش بيظهر الا لما بكون مشغل التكييف ادوس بنزين ممكن تظهر فى اوقات وممكن لا وتظهر ساعات لما برفع رجلى من على الدواسه وهى بترجع نقله ادوس تانى تظهر ومش بتبان لو انا مش مشغل التكييف .
المشكلة التانية العربية تبقى ماشية مثلا على الثالث وتبجى تنقل الرابع احس انها مكتومه يعنى وانا مثبت رجلى على البنزين ومش تفوق الا لو نزلت نقله يعنى من الرابع الى الثالث ومش عارف اعمل ايه .

**mido_antouhh** · 10-10-2011 04:01 PM

ممكن حد بفدنى اعمل اه اغبر الماسوره الى فى نص بلدى ولا اعمل اه وهل ليها اضرار ولا ادور عليها مستعمل ممكن حد يفدنى
؟؟؟؟؟؟؟؟؟؟؟؟؟؟؟؟؟؟؟؟؟
وهل لو مغيرتهاش وسبتها شويه ممكن تبوظ حاجه تانيه؟؟؟؟؟؟؟؟؟؟؟؟؟؟؟
مستنى ردك يا يشمهندس

**mido_antouhh** · 11-10-2011 02:01 AM

?????????????????????????????????????
???????????????????????????????????????
???????????????????????????????????????
???????????????????????????????????????????

**M.Mostafa80** · 12-10-2011 05:00 PM

[QUOTE=mido_antouhh;3873853353]انا وصلت اخيرا لحل الصوت ده
الصوت طلع من الجكمان
والحمدلله مش علبه البيئه دى العلبه الى فى نص تنصحونى اعمل اه بالله عليكم
؟؟؟؟؟؟؟؟؟؟؟؟؟؟؟؟؟[/QUOTE
غير العلبه اللى فى النص بواحده جديده وارتاح واتهنى وانسى الزنه من الأخر

المشاركة الأصلية كتبت بواسطة dr_napster

السلام عليكم ......

شباب الخير انا جبت ولله الحمد باسات 2000 العربيه بجد حلوه وانا حابيت العربيه دي بس المشكله اني مش عارف اصلحها عند مين عندي كام مشكله كده واتمنا اجد الحل والمساعده
الف مبروك ربنا يكفيك شرها ويديك خيرها
اولا :
لما بحط رجلي على البنزبن بحس بخبطه بتسحب للأمام ولما اشيل نفسها بس لوره طبعا ده وانا ماشي بيها أحد الاصدقاء قالي عمود شداد فتيس وفي واحد قالي دي مفيهاش عمود شداد دي فيها قواعد فتيس ومتور والحمد لله كلهم كويسين طب فين المشكله ؟؟؟؟ مش عارف؟؟؟
اكشف على قواعد الموتور كويس
ولازم تعملها السيرفيس بتاعها لأنك اكيد مش عارف الحاجه اللى فيها بقالها قد ايه
تغيير سيور وفلاتر وزيوت وتيل فرامل وتربيط عفشه والكشف عليها

ثانيا :
العربيه بتبطل لوحدها ايه السبب ؟؟؟
فى الغالب محتاج تنضف البوابه مع السيرفيس اللى قلتلك عليه فوق

ثالثا :

السحب بينعدم لما اشغل التكيف هل ده ليه علاقه بسير وبليه التكيف ولا ايه ؟؟؟؟
دا محتاج يكون اداء البوبينه وسلوك البوجيهات والبوجيها ممتاز واحتمال كبير تروح الشكوى بعد السيرفيس

رابعا :

صوت تزييق من تحت لما بكبس بنزيين وطالع من السكون ايه السبب ؟؟

دا ممكن يكون بسبب العفشه او قواعد الموتور زى ما قلت قبل كدا
خامسا :

عايز مكان واحد محترم بيفهم في العربيه عشان اطمن عنده
محمد سمير وهانى عصمت جسر السويس خلف حديقه بدر شارع الأربعين بعد المزلقان على اليمين

واخيرا

اجيب قطع الغيار من فييييييييين وشكرا و اسف على الاطاله
من اشرف الشهابى فى شارع دمشق لو جديد ومن مجدى البيومى لو استيراد الناس دى حاجتهم نضيفه بس اغلى من السوق شويه

شباب معلش الي يقولي اعمل كده عند مين ياريت يوصف لي المكان لأني ابيض في عالم الالماني
زى ما قلتلك محمد سمير وهانى عصمت بس استحمل زحمتهم شويه
وشكرا

المشاركة الأصلية كتبت بواسطة man_66666661

لو سمحت يا باشمهندس انا معايا جيتا 2009 خليجى وعندى مشكلة وبصراحة مش عارف اعمل ايه بسمع صوت تقه لما بدوس بنزين والصوت ده مش بيظهر الا لما بكون مشغل التكييف ادوس بنزين ممكن تظهر فى اوقات وممكن لا وتظهر ساعات لما برفع رجلى من على الدواسه وهى بترجع نقله ادوس تانى تظهر ومش بتبان لو انا مش مشغل التكييف .
راجع قواعد موتور وبص على قاعده الكمبروسر او الكمبروسر نفسه ممكن يكون فى مشكله ودى مشكله شائعه فى جيتا وجولف واسكودا اوكتافيا
المشكلة التانية العربية تبقى ماشية مثلا على الثالث وتبجى تنقل الرابع احس انها مكتومه يعنى وانا مثبت رجلى على البنزين ومش تفوق الا لو نزلت نقله يعنى من الرابع الى الثالث ومش عارف اعمل ايه
اعمل سيرفيس العربيه لو معملتوش بقالك فتره ونضف بوابه
.

المشاركة الأصلية كتبت بواسطة mido_antouhh

ممكن حد بفدنى اعمل اه اغبر الماسوره الى فى نص بلدى ولا اعمل اه وهل ليها اضرار ولا ادور عليها مستعمل ممكن حد يفدنى
؟؟؟؟؟؟؟؟؟؟؟؟؟؟؟؟؟؟؟؟؟
وهل لو مغيرتهاش وسبتها شويه ممكن تبوظ حاجه تانيه؟؟؟؟؟؟؟؟؟؟؟؟؟؟؟
مستنى ردك يا يشمهندس

زى ما قلتلك غير العلبه اللى فى النص من حد محترم ومينفعش تلغى العلبه اللى فى النص وتحط مكانها ماسوره العربيه هتتعب منك جدا

**tears** · 12-10-2011 11:57 PM

دى الورشه دى لو حقيقيه كلن زمانك كسبت دهب بس انا معترض على ميكانيكى محمد سمير وهانى عصمت ومعاك جداااااااااااااااااا فى الشهابى ومجدى البيومى ناس 100 100 الحاج مجدى راجل محترم كب حلجته استيراد بجد مش خلع تامين زى الباقى بس هو اغلى شويه لسه مقلبله امبارح كان فى انجلترا جايب رسالة جولف 5 عربيات زيرو وطبعاا نابنى من الحب جانب