ورشة فولكس

**mido_antouhh** · 23-02-2012 03:43 AM

مساء الخيرعلى كل الفلكسويه
انا معايا بولو 2001
انا حاسس ان العربيه بتاكل بنزين زياده عن المعدل الطبيعي الى قريت عنه فى المنتدى هنا
فكنت عايز اعرف اه هيه الاسباب الى تخلى العربيه
تستهلك بنزين زياده ؟؟؟؟؟؟؟؟؟؟؟؟؟؟؟
مستنى ردك يا بشمهندس بقالك مده غايب عن الورشه لعل يكون المانع خير

مع العلم انى لسه مغير
فلتر هوا وبنزين
ومنظف البوابه والرشاشات
وعامل باسيك سيتنج من الجهاز وسحب العربيه زي الفل
ياريت حد يفيدنا ونبى انا من اليكس وبعمل صيانتى كلها عند حد مشهور الوى فى اليكس فى الفولكس ومحترم وبيفهم اوى
ما شاء الله عليه

**lamis73** · 25-02-2012 09:54 AM

المشاركة الأصلية كتبت بواسطة madsir

لو ريموت زي ده

لو زي ده يبقي دي الطريقة

Change battery in folding key with remote control for Volkswagen Golf, Jetta, Passat, Rabbit and GTI | my-gti.com

لو مش هوا حاولي تدوري في جوجل هتلاقي طريقة

شكراً للمساعدة ،ريموت السيارة مثل الموضح في الصورة,,,,فألف شكر مرة أخرة على حسن التعاون

**yousefkaram** · 25-02-2012 11:51 AM

مساء الفل عليكو
نا معايا بيتل 1978 1200 سي سي كاربراتير الصغير المشكله الكربراتير بيطفح و بيخااي العربيه تشرق و هي دايره و تبطل الموضوع ده كان حصل قبل كده و انا عند الحج مديح اللي في شارع سنان - الزيتون و غير الابره و مشيت زي الفل المشكله دلوقتي انا ف بلد جمب طنطا و مش عارف ارجع القاهره ازاي انا ممكن افك و اعمل اي حاجه بس حد يقولي اعمل ايه بالظبط ارجو متتأخروش عليا في الرد و اسف على الاطاله

**ersa** · 26-02-2012 01:42 AM

انا معروض عليا بولو 2003 1.6عايز اعرف حلوا ولا لأ و لو عايز اكشف عليها اروح فين ؟؟

**M7MAD** · 05-03-2012 01:46 PM

انا عندي باسات ٢٠٠٧ دوست كيك داون لاقيت صوت تخبيط جامد زاي حديد بيخبط في بعض , ده ممكن يكون ايه؟

**mina2210** · 06-03-2012 04:52 PM

المشاركة الأصلية كتبت بواسطة m7mad

انا عندي باسات ٢٠٠٧ دوست كيك داون لاقيت صوت تخبيط جامد زاي حديد بيخبط في بعض , ده ممكن يكون ايه؟

بص علي القواعد او شداد الفتيس

**madsir** · 07-03-2012 03:23 AM

المشاركة الأصلية كتبت بواسطة m7mad

انا عندي باسات ٢٠٠٧ دوست كيك داون لاقيت صوت تخبيط جامد زاي حديد بيخبط في بعض , ده ممكن يكون ايه؟

بنسبة كبيرة قواعد و شداد
هتروح للميكانيكي بتاعك يبص عليهم الاول
وبرضه تعدي علي حد بتاع شكمانات يكون امين وفاهم وتخليه يبص علي الشكمان من تحت يمكن يكون كاوتشه واقعه ولا حاجه بس هيا في الغالب يعني قواعد

**ahmed_newwwww** · 31-03-2012 10:25 PM

اشتريت سيارة بولو 2001 باور وتكييف وسنتر فى الابواب الامامية فقط وهى ماشيه 69000كيلو ورحت كشفت عليها عند واحد متخصص المانى سعيد جولف اللى فى شارع 45 فى اسكندرية للى يعرفه وهو كشف عليها كمبيوتر ونزل تحتها وشاف الساشيه والبودى وشاف العادم والحمد لله قالى انها مش عامله حادثة وانها فبريكه والماتور فبريكه والفرش فبريكه بس هى كان الكلاكس مش شغال كويس والامبير مش شغال فصاحبها قالى انه هيصلحهملى عند كهربائى بتاعه ولما اخدتها لقيت طبله الباب بتتحرك وبتعلق يعنى بضطر افتح الباب الثانى وافتح الباب من جوه والرعاش مش شغال والسنتر ساعات بيعلق يعنى ساعات بيشتغل وساعات لأ وفيه جنوطيين عايزيين يتغيروا يعنى هما شغالين بس عايزيين يتغيروا بعد كده وبعد ما اشتريتها ثانى يوم جيت ادورها مدرتش فحطيت فيها بنزيين وحاولت ادورها ثانى فدارت بعد ثالث مره وللعلم صاحبها كان مغيرها الموبينه والحساسات وبوجيه لانه كان ركنها وانا شوفتها وهى مركونه وكل اللى يشوفها قالى انها فبريكه وهو ده اللى شجعنى اشتريها لانى شوفت كذا عربية وكانوا عاملين حوادث والشاسيه والمدادات معوجين انا اشتريتها ب 37000 جنية يا ريت تردوا عليه وتفيدونى هل كده فيها مشكله كبيرة فى الكهرباء ولا الحاجات دى ممكن تتصلح وبكام يا ريت تقولولى السعر ده كويس ولا اتضحك عليا فيها ويا ريت تردوا على بسرعه عشان لو فيه حاجه ممكن ارجعها لصاحبها وهخسر الف جنيه بالله عليكم

**titos_81** · 01-04-2012 02:26 AM

المشاركة الأصلية كتبت بواسطة ahmed_newwwww

اشتريت سيارة بولو 2001 باور وتكييف وسنتر فى الابواب الامامية فقط وهى ماشيه 69000كيلو ورحت كشفت عليها عند واحد متخصص المانى سعيد جولف اللى فى شارع 45 فى اسكندرية للى يعرفه وهو كشف عليها كمبيوتر ونزل تحتها وشاف الساشيه والبودى وشاف العادم والحمد لله قالى انها مش عامله حادثة وانها فبريكه والماتور فبريكه والفرش فبريكه بس هى كان الكلاكس مش شغال كويس والامبير مش شغال فصاحبها قالى انه هيصلحهملى عند كهربائى بتاعه ولما اخدتها لقيت طبله الباب بتتحرك وبتعلق يعنى بضطر افتح الباب الثانى وافتح الباب من جوه والرعاش مش شغال والسنتر ساعات بيعلق يعنى ساعات بيشتغل وساعات لأ وفيه جنوطيين عايزيين يتغيروا يعنى هما شغالين بس عايزيين يتغيروا بعد كده وبعد ما اشتريتها ثانى يوم جيت ادورها مدرتش فحطيت فيها بنزيين وحاولت ادورها ثانى فدارت بعد ثالث مره وللعلم صاحبها كان مغيرها الموبينه والحساسات وبوجيه لانه كان ركنها وانا شوفتها وهى مركونه وكل اللى يشوفها قالى انها فبريكه وهو ده اللى شجعنى اشتريها لانى شوفت كذا عربية وكانوا عاملين حوادث والشاسيه والمدادات معوجين انا اشتريتها ب 37000 جنية يا ريت تردوا عليه وتفيدونى هل كده فيها مشكله كبيرة فى الكهرباء ولا الحاجات دى ممكن تتصلح وبكام يا ريت تقولولى السعر ده كويس ولا اتضحك عليا فيها ويا ريت تردوا على بسرعه عشان لو فيه حاجه ممكن ارجعها لصاحبها وهخسر الف جنيه بالله عليكم

اولا مبروك عليك و ربنا يكفيك شرها و يديك خيرها بص يا سيدى لو العربيه سليمه اوى و الشاسيه تمام يبقى السعر كويس جدا و الحجات اللى انت قولتها دى مش مشكله العربيه سوقها ماشى من 43 ل 47 لو سليمه و حسب الحاله و عموما انا معرفش مين سيد جولف ده بس عندك 2 ممكن تروح ليهم تتاكد من العربيه كموتور و كهرباء الشيخ ابراهيم اللى فى المندره اوطبعا احمد هريسه اللى فى كوم الدكه و الاهم انك تشوف سمكرى معلم يبصلك عليها و بكده تقدر تقرر اذا كانت تنفعك ولا لا بس هى العربيه 1000 ولا 1400 ولونها ايه؟؟ ربنا يوفقك للصالح

**Mahmoudyoussif** · 01-04-2012 09:56 AM

يا جماعه انا عربيتي بولو 95 فوكس 1300 العربيه واكله 3 كيلو زيت في 5 الاف كيلو

والعربيه لا الشكمان بيدخن ولا البواجي بتعرق ولا اي حاجه تدل ان العربيه ضايعه ... و التكيف شغال عادي و الموتور

صوته هادي مش عالي يعني ... انا مش عارف هل دا ممكن يكون تسريب محتاج اولسيه مثلا ولا ايه ... ردوا عليا عشان

بصراحه انا دماغي ورمت