الموضوع: ورشة فولكس

اوضح ايه بالضبط يا دكتور وانا تحت امرك

زيت كاسترول للموتور طبعاا انا معايا جولف 5 2008 ونفس صيانة الجيتا سير الكاتينه كل 80 الف والفتيس كل 80 الف وفلتر البنزين وفلتر الهواء البوجيهات وسير الدينامو والتكيف كل 10 الاف وفى حاجه انا مش متاكد منها المهندس محمد مصطفى بيقول ان زيت الفتيس المفروض 8 كيلو بس انا مغير 5 كيلو وده كلام مركز الصيانه هو والفلتر والكيلو ب 200 جنيه وزى ما قلت لحضرتك اشتر كل حاجه من عند الشهابى من مصر الجديده شارع دمشق
بالمناسبه اخبار التكيف معاك ايه بالذات الصبح والجو حر شغال كويس

عندي مشكلة ركبت تيل و بيصفر
اول ما ركبتو كان بيصفر جامد دلوقتي اقل شوية
هو مش اصلي و جيبو من واحد معرفة حسبي الله و نعم الوكيل لو غشني
ايه الضرر لو سبتو شوية

المشاركة الأصلية كتبت بواسطة dr_mim81

بجد ربنا يبارك فيك ويكرمك
بالنسبة لزيت الفتيس دة بيتكلف كام وبياخد كام كيلو وحضرتك انا كنت سمعت ان زيت الفتيس بيتغير علي 80 الف وواحد قال انة غيروا عند 97 الف اصل صراحة انا ناوي ابيع العربية في شهر 12 وبسمع ان تغير الزيت دة بيتكلف تقريبا 300 جنية ولا راي حضرتك اية؟
وحضرتك ممكن تقولي رقم تليفون مركز هاني عصمت دة لو سمحت
انا اسف لو بتقل عليك

بص لو مبدأك البيع ومش عايز تصرف يبقى اعمل الصيانات الخفيفه بس لما تبيع تقول للى بيشترى العربيه محتاجه ايه من باب الأمانه
وللأسف مش معايا رقم هانى دلوقتى

المشاركة الأصلية كتبت بواسطة tears

زيت كاسترول للموتور طبعاا انا معايا جولف 5 2008 ونفس صيانة الجيتا سير الكاتينه كل 80 الف والفتيس كل 80 الف وفلتر البنزين وفلتر الهواء البوجيهات وسير الدينامو والتكيف كل 10 الاف وفى حاجه انا مش متاكد منها المهندس محمد مصطفى بيقول ان زيت الفتيس المفروض 8 كيلو بس انا مغير 5 كيلو وده كلام مركز الصيانه هو والفلتر والكيلو ب 200 جنيه وزى ما قلت لحضرتك اشتر كل حاجه من عند الشهابى من مصر الجديده شارع دمشق
بالمناسبه اخبار التكيف معاك ايه بالذات الصبح والجو حر شغال كويس

ارشح معاك جدا زيت كاسترول لأن هوا دا الزيت المعتمد لمواتير فولكس
واحب اقول ان الفتيس فى حاله فكه بالكامل بياخد 8 كيلو فى حاله الغيار العادى بالفلتر بياخد 5 والأفضل للفتيس يتغيرو ال 8 بالكامل عشان ربنا ما يجيبش مشاكل كل سنه وانت طيب
وعلى فكره دا كلام فولكس مش كلامى لو تقصدنى انا
من مصلحتكم ان الزيت يتغير كل 60 مش كل 80 التكلفه عاليه شويه بس دا هيطول عمر الفتيس لأنك ما بتسيبوش لأخر لحظه انا فى عربياتى بعمل كدا يعنى كنت راكب فورد وكنت بعملها صيانتها بدرى عن مواعيدها وكنت راكب فولكس بولو ودى السبب فى دخولى فى عالم فولكس وحببتنى فيه وخلتنى اتعلم كتير فى الفولكس عموما لحد ما بقى الموضوع بالنسبالى مش مجرد هوايه وخلانى اجيب برنامج كشف الأعطال والكابل الأصلى الخاص بيه اللى كلفنى ساعتها 410 دولار من روز تيك المبرمج الأصلى للفاج وبعدها بقى اتعلمت التكويد وعرفت شغل الدفاير واتعمقت فى القرايه ودراسة مواتير فولكس من خلال ايتكا وطبعا شغل الكهربا من ايلسا بس للأسف فى حادث للاب بتاعى فقدت الخرايط بتاعت ايلسا

المشاركة الأصلية كتبت بواسطة lonely_2409

باشا أولا أشكرك على الرد و كل سنه و إنت طيب.
ممكن حضرتك تفيدني في:

• مين أحسن واحد أغير عنده زيت الفتيس و الفلتر و يا ترى أجيب له الزيت و لا أجيبه من عنده و ياترى الزيت الأصلي أجيبه منين و سعره كام هو و الفلتر و أهم حاجه يكون عنده ضمير و مش غالي.
• بالنسبه لزيت الفتيس بيكون 5 لتر و لا 8 لتر.
  
• حد فاهم كويس في الألماني و عنده جهاز الترا سونيك و أهم حاجه يكون عنده ضمير و مش غالي.
• عفشجي محترم بيفهم في الألماني و أهم حاجه يكون عنده ضمير و مش غالي.
• لو عند حضرتك تصور للتكلفه يبقى جزاك الله عني ألف خير.
• ياريت لو كلهم قريبين من بعض لأني مش من القاهره.

و كل عام و حضرتك و جميع أعضاء المنتدى بألف خير.........
[/overline]

الزيت زى ما وضحت لو الفتيس اتفك بالكامل هياخد 8 لتر زيت ولو اتغير غيارعادى بياخد 5
افضل واحد هانى عصمت محمد سمير ومركز جوزيف وفى تكنو وان ولو انت مش خليجي يبقى التوكيل افضل وأفضل فى الحالات دى دى العيش لخبازه ولو اكل نصفه
انا اعرف واحد لتنظيف الرشاشات لكن دا الحاجه الوحيد ه اللى ينفع يعملها ودا مكانه فى المعادى
اللى هيشتغل فى الفتيس هيشتغل فى العفشه وهو مغمض لأنه هيبقى تخصصه اصلا فولكس
التكلفه مش هقدر افتى واقول لحضرتك كام
نسيت أقول ان الزيت هاتو من اشرف الشهابى ش دمشق مصر الجديده
وربنا يوفقك

المشاركة الأصلية كتبت بواسطة bob12345

عندي مشكلة ركبت تيل و بيصفر
اول ما ركبتو كان بيصفر جامد دلوقتي اقل شوية
هو مش اصلي و جيبو من واحد معرفة حسبي الله و نعم الوكيل لو غشني
ايه الضرر لو سبتو شوية

التيل اللى ركبته مش اصلى ونسبه النحاس فيه عاليه عشان كدا بيصفر
يفضل تجيب التيل الأصلى من اشرف الشهابى وتركبه عشان ميبوظش الطنابير