الموضوع: مسافر دمياط انهارده علشان اعمل عملية الليزك ان شاء الله

حمد الله على سلامتك يا استاذ مصطفى وربنا يديم عليك الصحة

المشاركة الأصلية كتبت بواسطة mr_vampire

مبروك مقدما ان شاء الله.
-فكرتني بأيام لما عملتها من خمس سنين في اسكندرية. كان في بنت بتعملها قبلي وانا هدخل بعدها. البنت خرجت معيطة وعينها حمرااااااااااااااا قومت قولتله شكرا يادكتور خلاص انا غيرت رأيي ومتقلقش هجيبلك واحد صاحبي يعملها بدالي عشان متزعلش.

-المهم اقنعني ان ده بنت ومشاعرها مرهفة لكن احنا رجاااااااااااااااااااالة ومتاكلش معانا ميت عملية. المهم عرف يثبتي وسخني فقولت ماشي. دخلت بقي وتوكلت علي الله وطول العملية بقي كالاتي:

-فالاول بيديك بنج فالعين: انا مش حاسس بعيني يادكتور ده عادي ولا ايه ؟؟؟؟؟

-بعد كدة بيفصل عدسة العين: الدنيا ضلمت ياكتور ده عادي ولا ايه ؟؟؟؟؟؟

-بعد كدة تسمع صوت حاجة بتنزن كدة وهي عملية كي الشبكية فالصوت ده عادي يادكتور ولا ايه ؟؟؟؟؟؟؟؟؟؟؟؟

-بعد كدة تشم ريحة شياط ( ههههههههههه) فيه ريحة شياط يادكتور ده عاااااااااااااادي ولا اييييييييييييييييه ؟؟؟؟؟؟؟؟؟؟؟؟؟

-ونفس القصة عالعين التانية.

بعد العملية عيني مزغللة : دكتور انا عيني مزغللة انتو نصبتو عليا ولا ايييييييه. الدكتور والممرضة اللي معاه ميتين ضحك وبيقولولي بصراحة عمرنا ماشوفنا حالة بالمنظر ده كان فاضل تكة وتقطعلك لسانك عشان تسكت شوية وتسيبنا نركز في العملية.

علي مدار اسبوعين تلاتة بقي تليفون كل يوم عيني لسة مزغللة يادكتور.

هيكتبلك قطرة كدة مسيلة للدموع ( زي بتاعة الامن المركزي بس لغرض طبي ) عشان تخلي العين رطبة لان الليزيك بيجفف العين وهتفضل فترة ( رجل بلا قلب قصدي بلا دموع ). فلازم القطرة ده عشان ترطب العين.

وبعد اسبوعين تلاتة ان شاء الله هتشوف الدنيا بمنظور تاني خاااااااااااااالص وهيبقي عندك احساس ان النضارة لسة علي منخيرك لانك متعود ان الرؤية الواضحة بيها.

طمنا عليك بقي يامعلم لما ترجع ان شاء الله.

طب وبعد 5 سنين يا باشا مااشاء الله حاسس انه نظرك كويس ومش بيقل ولا ايه ؟ وانت نظرك كان كام وكان فيه استجماتيزم ولا لا

المشاركة الأصلية كتبت بواسطة medicalist

طب وبعد 5 سنين يا باشا مااشاء الله حاسس انه نظرك كويس ومش بيقل ولا ايه ؟ وانت نظرك كان كام وكان فيه استجماتيزم ولا لا

هو انا مكشفتش تاني من بعد العملية علي مدار الخمس سنين لان الحمد لله الدنيا حلوة ومش مديقاني. قبل العملية كان تقريبا علي ماتذكر 2.5 وكان عندي قصر نظر. ومكنش فيه الحمد لله استيجماتيتزم. بس كل حالة ليها ظروفها. لان قبل العملية بيعمل كشوفات وفحوصات وبيشوف العملية ملائمة للشخص ولا لاء.

بالتوفيق ان شاء الله ياشباب للي ناوي يعملها.

حمدالله علي سلامتك .... علي فكره انا عملت العمليه دي من ثلاث سنوات و هي عمليه كويسه بتحس بفرق كبير قبل و بعد العمليه بس حافظ علي عينك من الشمس حاول تلبس نظاره شمس و بالاخص في الايام الحر و في الايام دي ابعد عن شاشه الكمبيوتر والتلفزيون.... انا بعد ثلاث سنوات احتاج الي نظاره فقط لمشاهده التليفزيون من بعيد و ايضا القياده ليلا لان في زغلله و بالذات في الاماكن المفتوحه و الاضاءه العاليه و في الايام الحر احتاج لقطرات مرطبه للعين و طبعا نظاره الشمس

المشاركة الأصلية كتبت بواسطة elrasy

ما انا هتجنن واعمل الليزك بس خايف من المضاعفات دى :_alshmokh11:

ويا ترى حضرتك بتعمل اية مع موضوع الزغللة وخصوصا وانت سايق باليل؟؟

الدكتور عملي نظاره للسواقه تقريبا مقاسها نصف