المشاركة الأصلية كتبت بواسطة ghazy12
يا جماعة الخير... ايه كمية المعلومات اللي عكس بعضها دي !!!!؟؟ نوصل للصح بالهدوء علشان الأعضاء تفهم بعد اذنكم
بالنسبة للالنترا... موديل 2005 مثلاً كان مالتي لينك... موديل 2009 كان مقصات... موديل 2011 تورشن بيم
السيراتو... موديل 2005 كان مالتي لينك... موديل 2009 بردو مالتي لينك... موديل 2010 تورشن بيم
مالتي لينك اسمه هو هو او مالتي آرم... Multi-link or multi-arm
المقصات ليها اكتر من مصطلح على حد علمي... Double wishbone or trailing arm
التورشن بيم بردو نفس الاسم... Torsion beam
نظام التعليق الغير مستقل زي التورشن بيم مهما كان نوع الـ setup و مهما كان مكان المساعد بردو
هو غير مستقل لانه في الاخر وصلة واحدة بين العجلتين, و بالتالي المساعد و مكانه مالهوش علاقة...
نظام التعليق المستقل زي المالتي لينك او المقصات او الماكفيرسون كمان...
نيجي للموضوع الاساسي... سؤال احمد باشا منطقي لان فعلاً نظام التعليق ده رخيص, يبقى ليه غليت !!!
حاجة واحده بس تخليني ممكن اقبل التورشن بيم بعد التجربة العصيبة اللي مريت بيها, وجود الـ esp...
اتمنى اكون قدرت اوصل الفكرة و اشرح الموضوع بشكل بسيط...
تحيــاتي للجميــع...