الموضوع: هو فيه ايه؟

بلاش الهرم و فيصل بالله عليكم.............كفاية عدد الفتيات اللى بيسوقوا فيه
و الله بقعد أعدهم كل يوم الصبح
وكتير ألاقيهم أكتر من الرجالة بكتير
لدرجة ان مرة لقيت نفسى كل اللى حواليا ستاااااااااااااات

قعدت أقول هو مفيش رجالة فى البلد و لا ايه؟؟؟؟

"معلش انا عايز اقول حاجة...

مينفعش حد يسوق على الطريق و هو لسة محتاج "يتعلم" او حد "يعدلة الدركسيون" او يكتب "تعليم"... اما تتعلم فى مدرسة سواقة و تبقى سواق يا تركب تاكسى

السواقة حاجة خطر و مش سهلة و مينعش حد يمارسها الا اذا كان متمكن... و بكرر متمكن... مش القصد انة مايكل شوماخر لكن على الاقل فاهم هو بيعمل ايه و عارف يتحكم فى العربية و فاهم يعنى ايه طريق

اللى لسة بيتعلم دة بيبقى ماشى بظرية التمشية فى شارع الشواربى... يقف امام المحل اللى يعجبة و يحود وقت ما يحب و يطلع و ينزل من على الرصيف بمزاجة و الحياه منجة... على الطريق اى خطاء من دول ممكن يكلف ارواح.... حرام عليكم

لو متعرفش تسوق متسوقش... لو قلبك خفيف و بتتخض من اقل حاجة متسوقش... لو مش عارف لسه تتحكم فى العربية صح متسوقش... اصلا مش فتونة ولا فهلوة... الغلطة بجون يا جماعة

ادخل مدرسة قيادة... اهى دى حيخلوك تسوق عربية وسط الناس و تضبش زى ما انت عايز بس العربية مكتوب عليها "تعليم" فى كل سنتى و الناس بتبقى عارفاها وواخدة بالها منها و عاملة حسابها لاى العاب خطرة من اللى بيتعلم... دا غير ان جنبك معلم (بضم الميم) بيرشدك و يدلك على اللى المفروض تعملة

اما السيطرة على العربية فا دى عايزة مكان فاضى و تدريب على تحريك العربية فى مساحات ضيقة و دى اقرب لاختبار الرخصة بتاع المرور... لو واحد بيعرف يسوق بجد مش حيسقط فى الامتحان لكن للاسف كل واحد داس بنزين و فرامل و لف الدركسيون فاكر انه بيسوق و لو عندة واسطة حيطلع رخصة و يبلى الناس فى الشارع

و الاستطلاع اللى كنت عملتة زمان بين ان ناس كتييييييير معاها رخص بالواسطة و ما امتحنتش اساسا.. انا ممتحنتش و انا بطلع الرخصة بي انا و الحمد لله بسوق... و المدام معاها رخصة بالواسطة بس متعرفش الفرق بين الدركسيون و فرامل اليد و طبعا عمرى ما حخليها تسوق كدة

معلش انا مختلف معاكم... مفيش حاجة اسمها "لسه بيتعلم"... فيه "لسه مش خبرة"... و دى مقبولة لان محدش بيتولد سواق ولا السواقة ليها كبير و الكل بيزداد خبرة كل يوم بيسوق فيه... انما لسه بيتعلم دى مصيبة
"
أنا مع الكلام ده 100%