هو فيه ايه؟

**aif** · 10-05-2008 08:03 PM

ربنا معاكي يا علا
انا مريت بنفس التجربة مع زوجتي
انا شايف انك لازم تكتبي ورقة كبيرة علي الزجاج الخلفي وعلي الشباك كذلك " عفوا .... تعليم "
لأن اللي وراكي ده مش عارف انتي ماشية ببطئ شديد ليه ؟؟؟ فطبعا له العذر انه يبقي متضايق
زوجتي لما حطيت لها اليافطة دي ومازالت محطوطة حتي الآن .. استفادت منها جدا
اللي بييجي وراها بيعرف انها بتتعلم فبيبعد عنها من غير ما يفتح بقه
اللي جنبها او حولها بيعرف انها بتتعلم فبيقصر السلامة وما يحاولش يقرب منها
ناس كتير ( الاغلبية ) بيتعاطفو معاها جدا وبيحاولو يساعدوها ... يخلوها تعدي قبلهم ...يشجعوها بكلمة او نصيحة .... وللعجب ان اكتر ناس بيحاولو يسعادوها وبيكونو زوق جدا ... سواقين اتوبيسات النقل العام .....
اما اكتر ناس بيضايقوها ومش بيطيقوا انهم حتي يهدو شوية لما يبقو ماشيين وراها وساعات بيشتمو كمان .... الستات ..تخيلوا
اما بتوع المكروباس فهما أساسا بيبقو فاكرين الورقة دي ان العربية للبيع ...أن معظمهم مش بيقرأ ويكتب
ده عن لسانها
انصحك يا علا لازم تكتبي الورقة دي بسرعة

**H.ibrahim** · 10-05-2008 08:14 PM

اهلا كده انتى على وشك الدخول للمفرمة !!! أأأأأأأأأأسف الشارع المصرى - كان الله فى عونك - و بكرة باذن الله هاتتعلمى و تخذى غرز علشان تحفظى على نفسك فى بلد الا منطق !!!!!!!:o:o:o

**tutankhamoun** · 10-05-2008 08:46 PM

أهلا أهلا أهلا بالأخت عُلا

أهلاً بكي في السيرك المفتوح
أكبر سيرك مفتوح في العالم
و هاتلاقي المسليات ببلاش حيث أن هذا السيرك به ما يُسلي و يحرق الدم
80 مليون بهلوان
من 5 إلى 6 مليون طفل بيسوق عربيات تصادم في الملاهي

و لو شاطرة

تأخدي خبطة أو خبطتين بس في اليوم الواحد و لو أنتي ميه ميه .... يبقى حكة واحدة أو أثنين بدل الخبطة

تحياتي الحارة و ترحيباتي بكي ............. و التذاكر ببلاش ........ كل اللي عليكي تعملي أنك تخرجي للشارع

بس كدا و العرض مجاني ........ و البهلونات شغالة 24 ساعة لمتعة الجمهور

**Karim_Monir** · 10-05-2008 09:49 PM

شوفي يا علا
ما ينفعش الاقي واحدة ماشية في صلاح سالم على 40 والطريق فاضي ومفتوح وتلاقيها ماشية في نص الطريق او على الشمال كمان
وبدون اي داعي ولا في اي ملف قريب
وكمان ممكن تلاقيها بتتطوح
اه والله بتطوح
فكرة احمد كلاتاتا جميلة فعلا وانا لما بلاقي عربية تعليم ببعد عنها
ولو حطيتي الورقة هاتفيدك كتير قوي
لكن اللي ماشي على اليمن ده يمشي براحتة انا ماللي
مرحبا بيكي في ارض المعارك

**aif** · 10-05-2008 10:17 PM

المشاركة الأصلية كتبت بواسطة karim_monir

شوفي يا علا
ما ينفعش الاقي واحدة ماشية في صلاح سالم على 40 والطريق فاضي ومفتوح وتلاقيها ماشية في نص الطريق او على الشمال كمان
وبدون اي داعي ولا في اي ملف قريب
وكمان ممكن تلاقيها بتتطوح
اه والله بتطوح
فكرة احمد كلاتاتا جميلة فعلا وانا لما بلاقي عربية تعليم ببعد عنها
ولو حطيتي الورقة هاتفيدك كتير قوي
لكن اللي ماشي على اليمن ده يمشي براحتة انا ماللي
مرحبا بيكي في ارض المعارك

الذ حاجة في اليافطة دي لما أكون انا اللي سايق .... الناس يبعدو عني ويوسعولي .... وانا فوريرة من بيتهم كما السهم

والانطباع اللي بيبقي علي وش الناس بيبقي ظريف جدا ..: " بقي دة لسة بيتعلم ... ده لما يتعلم ح يبقي مفتري " :D:D:D

**hazem_khidr** · 10-05-2008 11:16 PM

ماهو معلش يا علا ما تمشيش بالراحه علي الكورنيش و تقولي اصلي ماشيه في اليمين.
عاوزه تتعلمي روحي العبور او اي مكان فاضي اتعلمي براحتك.
انما المكان بيبقي زحمه بطبيعته و الناس مش طايقه نفسها.
انت عارفه في لامارات لما بيلاقو واحد ماشي بالراحه كده الشرطه بتوقفه و بيسحبوا رخصه

**abdelaziz-waleed** · 11-05-2008 05:55 AM

ولا يهمك يا علا بي كوووووووووووووووووووووووو ل
حاولي ماتخليش حد ينرفزك او يخرجك من تركيزك
التركيز مهم اوي الفترة ديه
شغلي الكاسيت وعيشي مع المرايات والتزمي بالقواعد على قد ما تقدري
ومالكيش دعوة باللي ورا سيبيه ياكل في نفسه
بس حاولي ما تمشيش في الحارة الشمال دلوقتي
والموضوع كله ان شاء الله مش هياخد معاكي شهر وهاتبقي كويسة اوي
الله يكون في عونك ويقويكي على المعركة

-

-

الموضوع: هو فيه ايه؟

LinkBack

أدوات الموضوع

عرض

-

-

-

-

-

-

الكلمات الدلالية لهذا الموضوع

المفضلات

المفضلات

ضوابط المشاركة