غسلت العربيه امبارح (فرح اخويا النهارده عقبال الاخوه العزاب اللى هنا) فى مغسله فى الزقازيق بناء على نصيحه زميل وطبعا فيه فرق كبييييييييييييييييييييييي يير فى النتيجه
غسيل شامل -موتور وشنطه وفرش وسقف وجنط-وتلميع ب 65 من غير بقشيش الصنايعي
وكان صنايعى واحد اللى قام بالعربيه كلها -مش جيش على الفاضى زى الجراج- وخلصها فى ساعه ونص وطبعا كانت داخله له مبهدله كالعاده
تلافيت عيوبى اللى فاتت ولزقت فى الراجل وكان قايم بالواجب لوحده بصراحه
التابلوه والكراسى رجعوا زى الجديد وبيلمعوا وفرش الباب كان تمااااااام
العربيه فى الاخر اتكيست وشويه معطر من اللى يفتحوا النفس
ودارت من اول مره مع انى كنت مقلق جامد من غسله الموتور وناوى مغسلوش الا بعد 4 شهور على الاقل
قبل مااغسل كلمت صاحب المغسله عن البقع قاللى مفيش حاجه اسمها بقع متتشالش ولما وريتهاله قالى : بصراحه هتخف بس مش هتتشال زى مانت فاكر (احترمته بصراحه) وكلامه طلع صح وخفت خالص
نس محترمين ويستحقوا 9,5 من 10 بالنسبه للفلوس والنتيجه الممتازه
وهبقى اصورهالكم بعدين
سلام علشان اجيب العريس من الحلاق :)
المفضلات