الموضوع: حد جرب يركب توربو او سوبر تشارجر للميجان.

http://www.nilemotors.net/Nile/169781-2-rs.html

^^^

مشكووووور

انا سحبت ايدي من موضوا الار اس نهائي ،لاني بصراحة مش قده.

انادي ايمن مومو، هل يمكننا تركيب سوبر تشارجر متوافق مع 1.6 يشد حيل العربية 10-15 حصان زيادة و تكون الامور في السليم.

للأسف موضوع إضافة شاحن (ايا كان نوعه ) إلى موتور ستوك موضوع صعب جداً ، وخصوصاً في موتور صغير 1600 cc ، وكمان موتور الميجان أصعب وأصعب .
فكرة الشاحن تعتمد على رفع كمية الهواء المستخدم في الحريق داخل كل سيلندر عن طاريء ضغط الهواء الداخل إلى الموتور (بحيث يبقى كمية هوا أكتر في نفس حجم الإسطوانة من غير ما نحتاج نكبرها ) ، يعني كأنك بتحوت 2000cc هواء جوا موتور سعته 1600cc فيكون الحريق أفضل ويطلع طاقة أكتر .


الموضوع دة فيه حاجات كتير لازم تتعمل معه ، أولاً الحريق الاقوى هيولد حرارة زيادة وضغط عالي ، يبقى لازم تبريد أكبر المطور وكمان نخفف نسبة إنضغاط الموتور ، يعني تغيير في دورة التبريد وتغيير في جسم الموتور أو البساتم .
تاني حاجة لازم كمية البنزين المحقونة في السيلندر تتناسب مع كمية الهوا إلي زادت ، يعني تعديل في كنترول الموتور .
تالت حاجة ودي إلي بتصعب الموضوع في الميجان إن موتور الميجان فيه تع؛يير في توقيت الصبابات بتاعة سحب الهواء (ودة إلي بيستخدم ترس الدفيزور )، لازم التوقيت دة يتعدل عشان يسمح بدخول كمية الهواء الجديدة في التوقيت المناسب ، يعني برضه تعديل في الكنترول .


يعني ببساطة الموضوع مش مجرب كباس هواء سوبر أو تربو ، لازم تكون تربو كيت كاملة مع كنترول جديد يكون بيشغل تربو ، هتلاقي نفسك صرفت على الموتور كتير في حين إنه برضه 1600 cc ، يبقى أحسن بالفلوس دي تجيب موتور جديد 2000cc أو أكبر .

المشاركة الأصلية كتبت بواسطة amr_elbazz

شكرا على ايصال الفكرة بشكل بسيط و واضح
ودة يطمعنى فى سوال لحضرتك ان امكن فى حال تعديل الموتور بالكامل من 1600 cc الى 2000cc يلزم تغير او تعديل فى نظام العفشة الحالية ولاا ممكن تكون مناسبة للمتور الجديد .. وشكرا لك

يا عمرو باشا اتفضل إسأل وخد راحتك في الطمع على الاخر :)
الموتور ال-2000cc العادي بتاع الميجان اداؤه أعلى من ال-1600cc لكن هو مش موتور رياضي ، وبالتالي هيدي تحسن في الأداء لكن مش محتاج تعديل في العفشة ،لأن مفيش إجهاد زايد على جسم العربية ، اللي يمكن يحتاج تحسين شوية هو الفرامل .