بتحايل على الناس انها تاخد زكاة الفطر وهما مش راضيين

**Ahmed A Rahman** · 25-08-2011 04:56 AM

انا بحب اني التزم بالفتاوى الشرعية والنصوص
زي ما احنا بنحب نمشي على اي حاجه مكتوبة في كتالوج العربية يبقى من باب اولى نمشي على الدين زي ما بيقول

واقتنعت بكلام د. أحمد عبد الغني ان زكاة المال تبقى مال وزكاة الفطر تبقى طعام

كل ما اقول واحد انا حجيب لك شيكارة رز 5 كيلو مثلا او اكياس مكرونة

يقولي لأ اصلي عندي ويحاول بذوق انه يفهمني انه محتاج فلوس

مش عارف اطلع زكاة الفطر !!!

بدءا من الشغالة والبواب ومرورا باي عمال اعرفها

مش عارف اعمل ايه !!!

**أحمد كمال** · 25-08-2011 05:00 AM

دي اشكال ضالة عايزة الحرق ....... اللي هيشرب بيهم سجاير و اللي و اللي

وديهم لاي دار ايتام محتاجين ...... بيحتاجوا الحاجات دي بالطن مش بالشيكارة .... ممكن ننزل سوا للدار اللي انا وديت لها السنة اللي فاتت

**أبومعاذ** · 25-08-2011 12:27 PM

وديها لمسجد من مساجد الجمعية الشرعية بيبقى عندهم لستة باسماء اسر كتييييييير فقيرة و بيطلعوا الزكاة حبوب زي ما أمر النبي صلى الله عليه و سلم "فرض النبي صلى الله عليه وسلم صدقة الفطر طعمة للمساكين ، وطهرة للصائم من الرفث واللغو فمن أداها قبل الصلاة فهي زكاة مقبولة ، ومن أداها بعد الصلاة فهي صدقة من الصدقات"

**نور القمر** · 25-08-2011 06:41 PM

انا اكتشفت ان الشغالات والبوابين دول احسن مننا ولا يجوز عليهم الزكاة اساسا
والله سنين بدي جزء من زكاة المال او صدقات للشغالات واجي اعرف بالصدفة بعد كدة ان كل كلامهم عن العوزة والاحتياج كان للاستعطاف
على سبيل المثال واحدة منهم دايما تشتكي انها قاعدة في اوضة مع زوجها واولادها وحماتها واولاد زوجها من امرأة اخرى وكانت دايما لها نصيب الاسد من زكاة الاموال اكتشفت ان كل ده كذب وانها بانية بيت وساكنة في شقة ومأجرة شقة اخرى
واللي يرفض ياخد الزكاة على شكل حبوب يبقى مستغني فعلا وغير مستحق للزكاة
ودي زكاتك لمسجد ثقة تبع الجمعية الشرعية هم عارفين المستحقين بجد

**mesaharaty** · 25-08-2011 07:22 PM

المشاركة الأصلية كتبت بواسطة أبومعاذ

وديها لمسجد من مساجد الجمعية الشرعية بيبقى عندهم لستة باسماء اسر كتييييييير فقيرة و بيطلعوا الزكاة حبوب زي ما أمر النبي صلى الله عليه و سلم "فرض النبي صلى الله عليه وسلم صدقة الفطر طعمة للمساكين ، وطهرة للصائم من الرفث واللغو فمن أداها قبل الصلاة فهي زكاة مقبولة ، ومن أداها بعد الصلاة فهي صدقة من الصدقات"

أفضل حل لسيادتك

**Ahmed A Rahman** · 25-08-2011 08:23 PM

ماهي المشكلة ان الاكل مبيكونش عامل ليهم مشاكل

يعني فوجئت ان الشغالة بتقولي انها بتحوش وبتجيب شوال من البلد لما بتسافر, انتوا عارفين ممكن يبقى سعره اقل, ممكن يبقى من ارض الفلاحين او ارض اهلها, او حتى تشتريه

شوال رز, شوال مكرونة, شوال دقيق , كده يعني وطبعا مش مهم بالنسبة ليها انهم يسوسوا

فلما قولتلها اني حجيب لها اكل لقيتها مش محتاجه خالص وبتقولي لو عايز انا ممكن ابيع لك !!!!!! وتطلع منه

فحسيت ان طبقة الشغالات والبوابين معظمهم بيعملوا كده على اعتبار انهم رايحين جايين على بلادهم

وبالتالي مش محتاجين اكل

وبرده مينفعش نقول انهم مش فقرا

-

-

-

-

الموضوع: بتحايل على الناس انها تاخد زكاة الفطر وهما مش راضيين

LinkBack

أدوات الموضوع

عرض

بتحايل على الناس انها تاخد زكاة الفطر وهما مش راضيين - انشر الموضوع فى :

-

-

-

المواضيع المتشابهه

حكم إخراج زكاة الفطر نقودا

زكاة الفطر

لا تتنسوا إخراج زكاة الفطر * مقدار زكاة الفطر ووقت إخراجها *

زكاة الفطر

رأي دار الافتاء في بعض الامور بخصوص زكاة الفطر

الكلمات الدلالية لهذا الموضوع

المفضلات

المفضلات

ضوابط المشاركة