عامل في عربيتي ....... , يا تري انت كمان عامل في عربيتك ايـه .... ؟؟؟

**dr.hazem** · 30-11-2011 05:01 PM

بالنسبة لتسليح الكاوتش عندنا انا شايف انه ملوش اي لازمه

تمن التسليح 120 جنيه وتمن الفرده جديده 180
و10 خوابير في الفرده كتير جدا جدا جدا جدا
ليه ياجدعان
ده لو حد مستقصدك مش هيحصل ان في عمر الفرده الواحده هتاخد 10 خوابير

الموضوع يجيب تمنه لو الفرده عندنا تمنها 700 جنيه وتسليحها ب 150

او لو الواحد ساكن جنب نجار ولا ميكانيكي..

تحياتي

**Amr Axel** · 30-11-2011 06:37 PM

د\ حازم كلامه مظبوط في موضوع التمن و الفردة يعني فردة بـ250 جنيه ادفع عليها 180 جنيه كتيير ده انا ازود 100 جنيه و اجيب فردة جديدة
الكلام ده لو انا جايب حاجة عالية اوي و سعر الفردة معدي الـ 600 جنيه اقول تستاهل بالرغم انها بتبقي مسلحة منها فيها هههههه
و عامة الفردة لما يتضرب فيها اكتر من 4-5 خوابير المفروض خلاص تترمي
و بالنسبة التمن الخابور بعمله بــ5 جنيه و ساعات بــ3 جنيه و نادر اوي لما شخص يدخل في عجلته 10 مسامير :) و بطلت اعملها و بعمل اللحام بالمكوة عشان احسن من الخوابير
الميزة اللي في موضوع التسليح انه ينفع الناس اللي مش هيقدروا يغيروا الكاوتش
بس برده التيوبلس ميزته انه حتي لو فيه مسمار ممكن تمشي عادي بالعجلة و لو افترضنا انها نامت شوية فيه حاجة ارخص و بـ 40-60 جنيه منفاخ الهوا ( الكومبرسور ) يتوصل ع الولاعة و تنفخ الكاوتش و تمشي لحد ما توصل لبنزينة و الكاوتش بيفضل محافظ ع الهوا طول ما العربية ماشية :)

**karimfahmy99** · 01-12-2011 03:47 AM

المشاركة الأصلية كتبت بواسطة Axel

د\ حازم كلامه مظبوط في موضوع التمن و الفردة يعني فردة بـ250 جنيه ادفع عليها 180 جنيه كتيير ده انا ازود 100 جنيه و اجيب فردة جديدة

اى فردة دى اللى ب 250ج ؟؟ انت راجل غنى

الكلام ده لو انا جايب حاجة عالية اوي و سعر الفردة معدي الـ 600 جنيه اقول تستاهل بالرغم انها بتبقي مسلحة منها فيها هههههه

اول مرة اعرف الحكاية دى

و عامة الفردة لما يتضرب فيها اكتر من 4-5 خوابير المفروض خلاص تترمي
و بالنسبة التمن الخابور بعمله بــ5 جنيه و ساعات بــ3 جنيه و نادر اوي لما شخص يدخل في عجلته 10 مسامير :) و بطلت اعملها و بعمل اللحام بالمكوة عشان احسن من الخوابير

بتلحم مكواة ؟ جميل انت عندك وقت لسة تصلح و تقف ابقى قولى كمان 5سنين هيبقى عندك وقت و لا لأ

الميزة اللي في موضوع التسليح انه ينفع الناس اللي مش هيقدروا يغيروا الكاوتش
بس برده التيوبلس ميزته انه حتي لو فيه مسمار ممكن تمشي عادي بالعجلة و لو افترضنا انها نامت شوية فيه حاجة ارخص و بـ 40-60 جنيه منفاخ الهوا ( الكومبرسور ) يتوصل ع الولاعة و تنفخ الكاوتش و تمشي لحد ما توصل لبنزينة و الكاوتش بيفضل محافظ ع الهوا طول ما العربية ماشية :)

كلام حلو ابقى اقف و زود براحتك - واحد صحبى ف طريف ما ف المعادى اتزنق ركن و نزل وقفت عربية جمبة نزلوا دغدغوا صحبى و كسر ف الفخد و كدمات بالوجهة و سرقوا العربية الا لو انت لعيب كراتية و لا حاجة متخفش انت -انا اشتريت عيالى و مراتى من الاخر

**Amr Axel** · 01-12-2011 03:18 PM

اه الفردة عندي جايبها بــ250 :)

بالنسبة التسليح انا بهزر مفيش تسليح يعني منه فيه او نازل مع الفردة

و اشمعني 5 سنين انا من دلوقتي ببقي مزنوق في الوقت عادي :)

الف سلامة لـصديقك معلش نصيبه جيه كده و زي مقولت هي مفيدة فعلا للناس اللي متقدرش تغير الفردة و اللي يقدر ليه حرية الاختيار :)

**TTP Egypt** · 01-12-2011 10:50 PM

بصراحه يا جماعه ان عندي ردود كتير أوي على موضوع إن اسعار تسليح الكاوتش غاليه أصاد اننا ما نواجهش مشاكل المسامير و الزجاج على الطريق (و دي حاجات إحنا ما بنعرفت نتفاداها خالص)
هذا مع مراعاة إن سعر المادة بيتغير طبقاً لحجم الكاوتش.
بس أنا ها أعرض رد أ/كريم منير على هذا التعليق

في اعضاء بتقول المنتج غالي
لكن غالي او مش غالي انت بتحددة على حسب احتياجاتك وظروفك
في واحد مشوارة صغير وعادي بالنسابلة الفردة بالنسبالة تنام ويفكها ووقتة عادي
في واحد وزنة ما يسصمحش انه يقعد في الارض يفك فردة
او عندة مشال صحية في ضهرة او ركبته
او سيدة مش هاتعرف تفكها وتغيرها
طيب لو ماشية في طريق سريع او على كوبري
هاتضر تمشي على الفردة النايمة لغاية ماتيوظ واحتمال كبير تبوظ سن الجنط
كام مرة هاتفك الجنوط وتركبها ولوجنوطك اسبو انت ضامن بتاع الكاوتش هايبوظ السن ولا يخربشلك ويجرح الجنط ولا هايدق على بروفايل الكاوتش عشان يحطة عالجنط وغيرها من المأسي بتاعت بتوع الكاوتش
لا الخوابير و المسامير وغيرها
انسي انك تلاقي عجلتك نايمة وشيل الفكرة دي من دماغك
في الشتاء الجميل والدنيا غرقانة مية وتنزل تلاقي العجلة نايمة هاتقعد فين تعمل ايه
في الصيف النار وانت مش طايق نفسك ويا سلام لو رايح مشوار مهم ولابس الحتة التمام فورمال بقي ولا غيرة وتنزل تقعد على ركبك تغير عجلة
حالات قطع الطريق وزميلنا شريف في قسم كيا
كلنا فاكرين الحادثة بتاعتة والبلطجية وقفوة بوضع خشبة فيها مسامير قدام العربية خاف ووقف
لكن لو انت حاطط المنتج ده هاتجيب المهاجم على كبوت عربيتك وتدوس بنزين باقصي قوة
انا بصراحة شايف المنتج بيوفرلي حاجات كتير اكتر من كونها رفاهية
عنصر الامان
كنت بتناقش مع استاذ محمد عن كون المادة تحمي من طلقة رصاص 9مللي
وبصراحة اجابتة عجبتني جدا لانه بيخاف على اسمه جدا اكتر من انه يبيع منتج
قاللي السمك اللي احنا بنحطة بيغطي لغاية قطر 7 مللي كثقب وده متاكدين منه تماما
قولتلة يعني لو اضرب طلقة 9 مللي هايكون فاضل 2 مللي ممكن اجري حتى بالعربية
قاللي مقدرش اعرض حياة انسان واضعها على المحك وهو واثق فيا واخذل الامانة
لكن جاري حساب النسبة اللي ممكن يزودها جوة الفردة من المادة الجيلاتينية دي عشان تغطي خطر الطلقة ال 9 مللي تماما
حبيت احييك احتراما يا محمد لاحترام عقلية ووعي الاعضاء وايضا ارواح الناس مش لعبة __________________

صفحة المنتدى الرئيسية على الفيس بوك
إضغط لايك لمتابعتنا هناك

---------

جروب ورشة نايل موتورز لدهان وتجديد السيارات على الفيس بوك

ورشه نايل موتورز لدهان وتجديد السيارات
--------------------------------------
Karim.Serag@GMail.com
-----------------------
لشكاوي الاشراف رجاء مراسلة
NileMotors.all@Gmail.com

محمد يسري
مدير المبيعات و التسويق
01006541113

**Amr Axel** · 01-12-2011 11:42 PM

كل ده كلام جميل و محدش معترض عليه و لا انا معترض ع الموضوع كله كل ما في الأمر اني بعرض وجهة نظري و اظن مفيهاش مشكلة
و اللي بحاول اوصله ان تنفيذ الموضوع ده بيعتمد ع حسب وجهة نظر او ظروف الشخص
يعني ع سبيل المثال انا مشاويري مش كتيير و اساسا الفردة متستاهلش اني احط اكتر من 50 في المية من تمنها عشان اعمل حاجة زي كده مش عشان الفلوس لكن انا شايف انها ملهاش لازمة بالنسبة ليا بالاضافة لو مثلا العجلة حصلها اي حاجة يعني مثلا اتلوحت او حصلها اي حاجة مفاجأة يبقي راح اللي عملته ع الفاضي

فيه غيري مثلا ظروفه انه ميقدرش يعملها نظرا لسعرها العالي ..... و هكذا

بالاضافة اني عايز اوضح برده ان الكاوتش تيوبلس معروف ان حتي لو دخل فيه مسامير و انا ماشي ع الطريق الفردة مش هتنام غير في حالتين اني اركن العربية فترة و ساعتها قبل ما اطلع اكيد ببص ع العجل عندي مش بطلع و بعدين بكتشف او ان المسمار يوقع و ده نادرا ما يحدث
من حوالي شهرين دخل في الكاوتش مسمارين و ركنت العربية و تاني يوم و انا نازل حسيت ان العجلة نايمة شوية روحت زودت عادي و فضلت لتاني يوم برده لقيتها نايمة حاجة بسيطة زي اليوم اللي قبله قولت هكشف لقيت فيها مسمارين مع العلم ان بقالي يومين ماشي بيهم فيها :)

فزي مقولت الموضوع كله وجهات نظر و احنا مجرد بنتناقش مش اكتر

**TTP Egypt** · 02-12-2011 03:51 AM

المشاركة الأصلية كتبت بواسطة Axel

كل ده كلام جميل و محدش معترض عليه و لا انا معترض ع الموضوع كله كل ما في الأمر اني بعرض وجهة نظري و اظن مفيهاش مشكلة
و اللي بحاول اوصله ان تنفيذ الموضوع ده بيعتمد ع حسب وجهة نظر او ظروف الشخص
يعني ع سبيل المثال انا مشاويري مش كتيير و اساسا الفردة متستاهلش اني احط اكتر من 50 في المية من تمنها عشان اعمل حاجة زي كده مش عشان الفلوس لكن انا شايف انها ملهاش لازمة بالنسبة ليا بالاضافة لو مثلا العجلة حصلها اي حاجة يعني مثلا اتلوحت او حصلها اي حاجة مفاجأة يبقي راح اللي عملته ع الفاضي

فيه غيري مثلا ظروفه انه ميقدرش يعملها نظرا لسعرها العالي ..... و هكذا

بالاضافة اني عايز اوضح برده ان الكاوتش تيوبلس معروف ان حتي لو دخل فيه مسامير و انا ماشي ع الطريق الفردة مش هتنام غير في حالتين اني اركن العربية فترة و ساعتها قبل ما اطلع اكيد ببص ع العجل عندي مش بطلع و بعدين بكتشف او ان المسمار يوقع و ده نادرا ما يحدث
من حوالي شهرين دخل في الكاوتش مسمارين و ركنت العربية و تاني يوم و انا نازل حسيت ان العجلة نايمة شوية روحت زودت عادي و فضلت لتاني يوم برده لقيتها نايمة حاجة بسيطة زي اليوم اللي قبله قولت هكشف لقيت فيها مسمارين مع العلم ان بقالي يومين ماشي بيهم فيها :)

فزي مقولت الموضوع كله وجهات نظر و احنا مجرد بنتناقش مش اكتر

متهيألي إحنا غطينا الموضوع ده خلاص في الموضوع بتاع "سلح كاوتش عربيتك" و مناقشتنا في اللينك ده
http://www.nilemotors.net/Nile/257880-a-12.html

أرجوك عرفني لو في حاجه تانية نحب نناقشها في الموضوع دة.

متشكر ليك على إهتمامك

محمد يسري
مدير المبيعات و التسويق
01006541113

-

-

-

الموضوع: عامل في عربيتي ....... , يا تري انت كمان عامل في عربيتك ايـه .... ؟؟؟

LinkBack

أدوات الموضوع

عرض

-

-

-

-

-

المواضيع المتشابهه

عامل عدة صوت فى عربيتك ؟ شاركنا وقولنا مكوناتها وكلفتك كام؟

صوت عامل ذي الزنه

تفتكر وضع شركات السيارات كمان 20 سنة يبقي عامل إزاي ؟

.:احذروا عامل البنزين . و عامل المطعم . والكاشيير .(( بعض الطرق للغش ))..

عامل ايه فى المطرة !!

الكلمات الدلالية لهذا الموضوع

المفضلات

المفضلات

ضوابط المشاركة