الموضوع: مشكله غريبه لقيتها فى فرده الكاوتش !!!

المشاركة الأصلية كتبت بواسطة wael abbass

لو الكاوتش مستهلك خلاص امشى عليه كده او خليه استبن ........ لكن احذر السرعه ....

انا امبارح كلمت مركز اسحاق حكيم وقلي انة بيصلح بس لزبينة يعني الي اشتري الكوتش من عندة فقط فسائلتة علي طريقة الاصلاح قلي بواسطة الخوابير وعندوش اي طريقة اخري ولا كوي عل البارد ولا الساخن
معني كدة مركز محترم ذي دة وبيصلح بالخوابير لزبينة يعني مش اي حد طياري ومش خايف علي سمعتة ولا زبينة لا يروحوا منة يبقي طريقوة الخوابير دة كويسة ولا اية بالظبط
ارجوا المشاركة بالرئ

لا يبقى سيبك منه فى التصليح ....لان الخوابير ده فعلا فاشله بكل المقايس .

ممكن تشترى منه بس لانه من الاماكن القليله الى ممكن تلاقى عنده انضف انواع الكاوتش " الاصلى " مش مضروب .... بمعنى عنده الرخيص والغالى .

المشاركة الأصلية كتبت بواسطة medozaed

المهم الكوتش عمر كام وعامل كام كيلو انا كان عندى فرده منمله وكنت بامشى عاليه اسبوع كامل

لا الكاوتش بقالى معايا كتير يعنى تقريبا 4 سنين .. اربع سنين ونص ... وماشى عليه 40 الف او اكتر شويه .... انا عارف انه عمره الافتراضى انتهى . بس انا مضطر امشى عليه كمان شويه .

ايام زمان .... الكاوتش كان ممكن يقعد فى عربيتنا 8 و 9 سنين !!!!!!!! ومكانش بيحصله حاجة :)


[QUOTE]

المشاركة الأصلية كتبت بواسطة alijandroo

لا والله انا مقصدتش إني أسئ الظن بيه
بس كل ما هنالك اني بقيت بانتبه لهم اكتر من الاول لما سمعت باللي ممكن يحصل
ده غير إني من كتر اللي شفته بقى صعب عليا أوي أثق في حد من الصنايعية
[/quote]

لا حضرتك طبعا عندك كل الحق انك تكون حذر " انا عن نفسى مش رايحله تانى لاسباب لسه حشرحها فى الاخر ".... الواحد لازم يحط عنيه فى وسط راسه وبالاخص فى موضوع الكاوتش . لانه خطير جدا . غير ان دلوقتى لو كاوتش باظ بسبب عامل معندوش ضمير فتغيره مكلف جدا " انا سألت على الاسعار وكأن دش ميه ساقعه نزل عليا " فمن ساعتها وانا بحسس على الكاوتش و ناقص انزل اطبطب عليه ولما بلاقى ازاز ببقى عاوز انزل اشيل العربيه علاشان ممشيش عليه :)
" اربع فرد كاوتش 16 * 205 - بيريلى ايطالى او ميشلان " اصلى " .. بحوالى3100 جنيه . يعنى كارثه .
نفس المقاس بس كومهو كورى بحوالى 1500 جنيه .

4 فرد كاوتش ال13 * 165 - بريدج استون ب 1200 جنيه
نفس المقاس اندونيسى انواع مش معروفه بحوالى 840 جنيه .
--------------------------------------------

* تحذير *
كل واحد ياخد باله من الكواتش ومايصلحوش عند واحد اى كلام " وبالاخص محطات البنزين "
لان دلوقتى معظم الصنايعية معندهمش ضمير .... وده من لسان الصنايعى الى اعرفه ... بقوله ايه الموضوع بتاع الكاوتش الى بيبقى فيه 10 تخرام والكلام الفاضى ده .... قالى كل الصنايعيه الى فى محطات البنزين بعملو كده لانهم بيدفعو ارضيه للبنزينه بتوصل ل 3000 جنيه حيجيبهم منين ؟؟؟؟؟ غير انه يعمل كده يطلعلك فى كل كاوتشه 10 و 12 خرم !!!!!

* المفاجئه *
انا رايح وعامل حسابى فى 7 تخرام فى الكاوتش زى ما بتاع الكاوتش الى فى 6 اكتوبر قالى وشوفت بعنيه ... وحوار التنميم ده .

لما رحت للصنايعى الى اعرفه ماجبتش سيره عن الى حصل معايا قولتله اكشف على الكاوتش لانه تقريبا اتخرم ...... المهم بالرغم من ان الكواتش كان مخروم الى انه وهو فى الشنطه مافضاش الهوا زى ماكونت متوقع !!!!!!!!! انا استغربت جدا الصراحه .

* المفاجئه التانيه *
ان الراجل لما جه نفخ الكاوتش ما نفخهوش بزياده اوى زى الباشا بتاع 6 اكتوبر ماعمل .... وكشف عليها ملقاش غير خرم واحد بس الى بينفس ... مكان المسمار .... ولا شفت تنميل ولا شوفت تنفيس .!!!!!!!! وركبت الفرده ورجعت بيها من القاهره ل 6 اكتوبر !!!!!!!

* الاستنتاج *
ان البيه بتاع الكاوتش الى فى 6 اكتوبر نفخ الكوتش زياده عن اللزوم " كما توقعت " ..... وده عمل حاجه فى الكاوتش وخلاه ينفس بالشكل ده و اعتقد انه كده بوظ الكاوتش .

* المحصله *
ماترحش تصلح كاوتش عن حد ماتعرفوش .... لانك حيشتغلك اشتغاله تمام جدا
الحل انك تركب الاستبن لغاية ماتروح عند واحد امين وتكون مجربه ويعملك الكاوتش .... حتى لو كان بعيد عنك .
- حذارى من استخدام الخوابير .
- لو رحت لصنايعى لسه ماتعرفوش وعمل فيلم ان الكوتش فى اكتر من خرمين .... ركب الاستبن وامشى فورا لانك كده وقعت فى واحد حرامى ومعندوش ضمير ... الى لو فعلا طلعلك اكتر من مسمارين مسمارين من الكاوتش " قدام عينك " و ده نادر جدا ...

لو فى اى حاجه حصلت تانى معايا حقلوكم ........... انا لسة بكره حنزل مشوار تمام حوالى 150 كيلو ........ وده تبقى تجربه للكاوتش .