الموضوع: باركولي الاول ---- و بعدين ساعدوني :)

ألاير ماس جه يا باشا ال طالع من المنافويلد ز ال بتبقي موصل عليه فلتر الهوا . ده بيبقي فيه فيشة كده ركبة
و حاول تشوف الخراطيم الريحه للايدلر و جاية منه

المشاركة الأصلية كتبت بواسطة gomgoma22

بسم الله الرحمن الرحيم
بفضل الله يا جماعه انا بقيت بيمر و أحدث بيمر ف المنتدي كمان
ربنا وفقني و اشتريت e30 النهارده بس
الحمد لله رب العالمين

دلوقتي بقي بما اني لسه بيمر مستجد عاوزكو تساعدوني خاصة ان عربيتي لسه عايزه شوية شغل

العربيه موديل 84 معدله 90 عليها مكنه 6 سليندر 2000 البيضا و فيتيس اوتوماتك
حتي الان دي معلوماتي عن العربيه

دلوقتي بقي هقولكم الحاجات اللي مضايقاني فيها و ياريت بجد تساعدوني لأني ابيض خالص يمكن ابيض من الموتور نفسه

معلش استحملوني لو الموضوع طويل شويه -- بس والله ده عشمي ف رجاله البي ام لزميل جديد
وخاصة اني لسه جايب العربيه النهارده و قلت اشارككم علطول عشان تفرحولي و تساعدوني
بسم الله الرحمن الرحيم

1- العربيه متسقطه اوي قدام و ورا و محطوطلها جنط 16 عريض --- ف لما بلف الفرده اللي قدام بتحك ف الرفرف وبرضه ورا لما باخد مطب الرفرف بينزل يحك ف الكوتش الخلفي \ دلوني اعليها ازاي وفين و هتتكلف كام

سمكري يلفلك دواير الرفارف و ريح دماغك

2- اهم حاجه بقي اللي معقداني ف عيشتي و هتكرهني ف البي ام بعد الشر يعني ---- السحب,
الموتور صوته لوحده وهي متموره عالي و حلو وشديد " ال ار بي ا مش شغال " بس الفتيس بقي
اول ما بديله غيار العربيه بحسها 800 سي سي مش 2000 !!!!! انا كان معايا كريستاله 1300 قبلها
والله العظيم حاسسها اقوي منها وبالمناسبه يا جماعه الموتور صاحبه لسه مغيره من 6 شهور
بس مش عارف ليه تقيل اوي كده ف السحب ؟!! و الكيك داون برضو تعبااااااااااان
انا بجد بعد ما فرحت بالعربيه حسيت ان الفيتيس و الموتور هيقفلوني منها
\ارجوكو دلوني و قولوولي اعمل فيها ايه و العيب ده من ايه ؟ واعملها عند مين ؟؟؟
اعرفلي الكورونا الريشيو بتاعها كام و الفتيس الي راكب نوعه و موديله ايه

3- حاجه كمان هي ان الفيتيس غياراته سايحه علي بعض يعني مفيش الكليك اللي بين كل غيار و التاني "اوتوماتك" \ دي بقي اعمل فيها ايه ؟؟
سايحه ازاي ... الفتيس ياباني ؟

4- الهاند بريك تقريبا ملهوش واير --- او سايب \ لأسوأ الظروف الواير تمنه كام ؟ و منين ؟
الواير بيتباع جديد .. ممكن رجلاش علي التيل او التيل بتاع فرامل اليد خلصان

5- العربيه عايزه شبكه امامي بطقم الفوانيس الاربعه لأن اللي فيها متبهدل\دلوني بكام و منين والفوانيس العاديه بكام و العدسه و الرينجات بكام ؟؟
هابعتلك رقم الراجل علي الخاص علشان ماتوقفش

6- صالون العربيه عايز يتشد برضو و شوية زراير عايزه تتغير و فرش الابواب و كده يعني -- عايزه شدة
سروجي بس يكون معلم \ ياريت برضو تدلوني علي حد و التكلفه بالتقريب كام ؟
حسب الشغل و حسب السروجي

7- التابلوه في زراير كتير اوي مش شغاله ولا اعرف اصلا بتاعة ايه و عداد ال ار بي ام مش شغال
وفي لمض كتير علطول شغاله ---- يعني باختصار برضو عايزه كهربائي محترم \ دلوووووني علي حد كويس و امين و عرفوني برضه هتتكلف كام ؟
موجود

8- الجنوط عندي 5 خرم بس كلهم مربوطين ب 4 مسامير بس وفي واحد مربوط ب تلاته !!
ف مش عارف برضو ده من الطنبوره ولا هي مسامير ناقصه ولو ناقصه اجيبها منين ؟
صوره؟

9- و اخيرا بقي عشان مطولش عليكم عايز اسأل علي اسعار شوية حاجات و اماكن بيعها :
المساعد بتاع الكبوت و بتاع الشنطه - المرايات الجانبيه و طقم الكهربا بتاعها - التابلوه كامل - فيتيس مانول
بعد ايه ههههههههههههههه
طبعا انا مش هقولكو اتمني مكنش طولت عليكم لأني عارف اني طولت عليكم --- بس والله عشان ده بجد من ثقتي ف الاعضاء المحترمه اللي مبتتأخرش عن تقديم المساعده و النصيحه لكل اللي يطلبها

اتمني يا جماعه تساعدوني و ترجعو تفتحو نفسي لل بي ام تاني واللي عندو اي معلومه اىييييييي معلومه يقولها او اسعار اي حاجه يشارك برضو
شكرااااااااا

خد الرقم..