باركولي الاول ---- و بعدين ساعدوني :)

**gomgoma22** · 02-09-2011 04:29 AM

بسم الله الرحمن الرحيم
بفضل الله يا جماعه انا بقيت بيمر و أحدث بيمر ف المنتدي كمان
ربنا وفقني و اشتريت e30 النهارده بس
الحمد لله رب العالمين

دلوقتي بقي بما اني لسه بيمر مستجد عاوزكو تساعدوني خاصة ان عربيتي لسه عايزه شوية شغل

العربيه موديل 84 معدله 90 عليها مكنه 6 سليندر 2000 البيضا و فيتيس اوتوماتك
حتي الان دي معلوماتي عن العربيه

دلوقتي بقي هقولكم الحاجات اللي مضايقاني فيها و ياريت بجد تساعدوني لأني ابيض خالص يمكن ابيض من الموتور نفسه

معلش استحملوني لو الموضوع طويل شويه -- بس والله ده عشمي ف رجاله البي ام لزميل جديد
وخاصة اني لسه جايب العربيه النهارده و قلت اشارككم علطول عشان تفرحولي و تساعدوني
بسم الله الرحمن الرحيم

1- العربيه متسقطه اوي قدام و ورا و محطوطلها جنط 16 عريض --- ف لما بلف الفرده اللي قدام بتحك ف الرفرف وبرضه ورا لما باخد مطب الرفرف بينزل يحك ف الكوتش الخلفي \ دلوني اعليها ازاي وفين و هتتكلف كام

2- اهم حاجه بقي اللي معقداني ف عيشتي و هتكرهني ف البي ام بعد الشر يعني ---- السحب,
الموتور صوته لوحده وهي متموره عالي و حلو وشديد " ال ار بي ا مش شغال " بس الفتيس بقي
اول ما بديله غيار العربيه بحسها 800 سي سي مش 2000 !!!!! انا كان معايا كريستاله 1300 قبلها
والله العظيم حاسسها اقوي منها وبالمناسبه يا جماعه الموتور صاحبه لسه مغيره من 6 شهور
بس مش عارف ليه تقيل اوي كده ف السحب ؟!! و الكيك داون برضو تعبااااااااااان
انا بجد بعد ما فرحت بالعربيه حسيت ان الفيتيس و الموتور هيقفلوني منها
\ارجوكو دلوني و قولوولي اعمل فيها ايه و العيب ده من ايه ؟ واعملها عند مين ؟؟؟

3- حاجه كمان هي ان الفيتيس غياراته سايحه علي بعض يعني مفيش الكليك اللي بين كل غيار و التاني "اوتوماتك" \ دي بقي اعمل فيها ايه ؟؟

4- الهاند بريك تقريبا ملهوش واير --- او سايب \ لأسوأ الظروف الواير تمنه كام ؟ و منين ؟

5- العربيه عايزه شبكه امامي بطقم الفوانيس الاربعه لأن اللي فيها متبهدل\دلوني بكام و منين والفوانيس العاديه بكام و العدسه و الرينجات بكام ؟؟

6- صالون العربيه عايز يتشد برضو و شوية زراير عايزه تتغير و فرش الابواب و كده يعني -- عايزه شدة
سروجي بس يكون معلم \ ياريت برضو تدلوني علي حد و التكلفه بالتقريب كام ؟

7- التابلوه في زراير كتير اوي مش شغاله ولا اعرف اصلا بتاعة ايه و عداد ال ار بي ام مش شغال
وفي لمض كتير علطول شغاله ---- يعني باختصار برضو عايزه كهربائي محترم \ دلوووووني علي حد كويس و امين و عرفوني برضه هتتكلف كام ؟

8- الجنوط عندي 5 خرم بس كلهم مربوطين ب 4 مسامير بس وفي واحد مربوط ب تلاته !!
ف مش عارف برضو ده من الطنبوره ولا هي مسامير ناقصه ولو ناقصه اجيبها منين ؟

9- و اخيرا بقي عشان مطولش عليكو عايز اسأل علي اسعار شوية حاجات و اماكن بيعها :
المساعد بتاع الكبوت و بتاع الشنطه - المرايات الجانبيه و طقم الكهربا بتاعها - التابلوه كامل - فيتيس مانول

طبعا انا مش هقولكو اتمني مكنش طولت عليكو لأني عارف اني طولت عليكو --- بس والله عشان ده بجد من ثقتي ف الاعضاء المحترمه اللي مبتتأخرش عن تقديم المساعده و النصيحه لكل اللي يطلبها

اتمني يا جماعه تساعدوني و ترجعو تفتحو نفسي لل بي ام تاني واللي عندو اي معلومه اىييييييي معلومه يقولها او اسعار اي حاجه يشارك برضو
شكرااااااااا

**Donzi** · 02-09-2011 04:32 AM

الف مبروك على العربية و ربنا يديك خيرها و يكفيك شرها يااااااااااااااااااااا رب

**Donzi** · 02-09-2011 04:33 AM

للاسف مش هاقدر اساعدك في اي حاجة انا بس حبيت اباركلك

**Mik_t4** · 02-09-2011 11:37 AM

مبروووووووووووووووووووووو وووووك بجد امنيت حياتي اجيبها
بس ياريت تقولنا جبتها بكام وكدا عشان انا بسمع ان سعرها عالي دلوقت
وعموما الشباب ردو عليك واتمني تكون استفدت منهم
بس كلمنا عن العربية شوية

**gomgoma22** · 02-09-2011 02:01 PM

Donzi شكرا ليكي وربنا يباركلك

fahd_628 شكرا لردك - هو فعلا قاصص من السوست -- و بالنسبه للفتيس اللي اقصده ان الحركه مابين كل غيار و التاني ناعمه بمعني ان من ال P لل R لل D وباقي الغيارات عصاية الفيتيس بتتحرك بسهوله اوي زياده عن اللزوم يعني المجري بتاعتها ناعمه جدا

بالنسبه لحربي ده مكانه فين ؟ و طقم السوست ايه انسب نوع و تمنه ؟

**gomgoma22** · 02-09-2011 02:05 PM

E30power - الله يبارك فيك يا باشا و مشكوووور ع المعلومات القيمه
ياريت ترفعلي صورة التابلوه بتاعك
بالنسبه للسوست الانوس دي هل بتركب زي ما هي ولا بيتعمل فيها اي تغيير ؟؟ و تمنها كام ؟
و شكرا ليك بجد ع الافاده
وياريت لو في اسعار كمان يبقي كتر خيرك :)

**E30power** · 02-09-2011 03:48 PM

سست الانوس هيا هيا بتاعتها الاورجنال بس الفرق اقصر واطرى منها ..من غير تعديل يذكر انا كمان الى ركبتها لوحدى بتفك مسمار المساعد من تحت بتشيل الستسة وبتركب الستستة الجديدة وتربط المسمار تانى .... ب 200 جداد استراد هتلاقيها ب 100 بس خليك فى الجديد احسن وصدقنى افضل كتير من الاورجنال حتى بتاع الستة ومبهبطة حلو ومش بتحك زى ما انتا قاصص ...

http://www7.0zz0.com/2011/09/02/12/754949790.jpg

دية الساعة الكمبيوتر الى بقولك عليها

**gomgoma22** · 02-09-2011 08:54 PM

Mik_t4 شكرا ليك و ربنا يوفقك يا رب وتجيب احلي منها :)

E30power شكرا يا باشا ع الصوره و تابلوه فعلا جميل ماشاء الله ربنا يبارك
بس في حاجه غريبه !! انا عندي دراع كمان زياده تحت دراع المساحات و مش عارف بتاع ايه !!!