بص انا هبارك الاول وهكتفى بكدة دلوقتى :]:]:]:

الطبلوة القشرة بس تقريبا ب 350 ج ...العدادات ب 350 على بعضها برنجات كمان انا جايبها ...

الطبلوة كامل بالكنصولة بالدرج بالعدادات بفبرة الدركسيون دية كمان جبتهم ب 1000 ...تقريبا زى الجديد بالظبط انا وكمان الساعة الكمبيوتر .... التركيب كان ب 300 ج ..زى الجديد بالظبط هبقى ارفعلك صورتة كمان شوية لو حابب


بالنسبة لواحد ....العربية دية متتركبش غير وهيا متسقطة غير كدة شكلها بيكون زبالة ...فى كتير بيغلطو غلطة قص السوست والعربية بتبوظ منهم ....انا عندى مركب سوست الانوس علشان الاسبور ناشفة عندى شويتين ..الانوس هتنزل العربية وتهبطها وفى نفس الوقت العربية مريحة معاك ..انا عندى جنط ال 16 برضك وعامل كدة ومركب صادادات والحياة لزيزة جداا وكمان هايرها درفتات ...

المسامير امرها سهل جداا وبيتباعو فى اى حتة ...

الشبكة بالفوانيس لو نويت تغير غير بالى فيها رنجات ...عموما علامة الدبانة النيكل دية لوحدها ب 65 جديدة استيراد ب 100ج ..

موتورك حلو عموما وعزمة جميل بس لازم ميكانيكى يكشف عليها علشان يقولك فيها اية ..

انضف كهربائى بى ام فى الحرفين اسمة محمود ... بس مشكلتة انو غالى شويتين ...
مساعد كبوت ب 100 شنطة عندك مش مساعد بتكون سوستة ..المريات انا جبت بتوع الام ب 450 كهربا
بس بتخلص ب 400 ممكن كمان ...


باختصار جدااااا ..حاجات عربيتك كلها رخيصة متقلقش وهتلاقيها فى الحرفيين ...بتخش عند اى حد وبتاخد الى انتا عايزة وانتا وشطارتك فى الفصال