طريقة جواز جديده حد يعرف ازاى ؟

**أحمد كمال** · 02-09-2011 11:03 PM

المشاركة الأصلية كتبت بواسطة a.saad

مشكلة الاجانب لو رجعت بلاده ومعاها العيال

و انا قلت في ردي فوق ان المشكلة دي ممكن تتحل من الاول

**Mshawky** · 02-09-2011 11:08 PM

والله يابو كمال كفيت ووفيت نا كنت داخل اعمل زيك اخد اقتباس وارزع الناس ديه ردود ههههههه بسانت سبقتنى بردود منطقيه جدا وفعلا كل واحد بيحكم وخلاص بدون اى دليل وا تجربه

بس شكلك مخنوق اوى من الجواز كان ليك تجربه خنقتك ولا ايه؟ ههههههه

**Ghamrawy** · 02-09-2011 11:18 PM

يا رب الموضوع ده يوصل لنقطة مفيدة
يحل مشاكل كتيير

**Dr Ahmed** · 02-09-2011 11:22 PM

احجز لى معاك تلاتة

**AmatoALLAH** · 02-09-2011 11:35 PM

بجد يا جماعه انا بشجعكم انكم تشوفوا الموضوع دا منه تعفوا اخوات مسلمات و في نفس الوقت انتم مش متقبلين المصريات فما تظلموا حد منهم معاكم لان الموضوع بيبئي نفسي بالدرجه الاولي

بالضبط كده زي الاخوه اللي علي حق الغير عرب , و الله و انا بتفرج علي قناة الهدي بقول هو الواحد مائبلش حد من الناس المحترمه دي ليه

الاخ المصري اللي عامل فيها اخ و يقولك قال الله و قال الرسول و اقلهن مهورا اكترهن بركة و في الاخر الافندي لما تيجي تقوله انزل صلي الفجر يقول ركبي و حضرته لسه جاي من ماتش كوره خلصان 3 الفجر

خلوا الواحد ساكت احسن مش بس انتم اللي شايلين و انتم اللي نفسكم في اخوات بجد يعرفوا الاسلام بحق :)

**No Comment** · 02-09-2011 11:58 PM

المشاركة الأصلية كتبت بواسطة أحمد كمال

خلاص لو اهله مش عاجبهم يدفعوا له هما تمن جوازته من مصرية !!!!!!
ـــــــــــــــــــــــــ ــ
الشبكة بس؟ و النيش و الكريستالات و الصيني و التحف و الفرح و الفستان و كل الخوازيق اللي مالهاش تلاتين لازمة
ـــــــــــــــــــــــــ ــ
اتحدى اي زميلة على الموقع تقول لي النيش لزمته ايه غير الفشخرة و المنظرة الكدابة عالناس؟ قطعة موبيليا غرضها الوحيد المنظرة ...... عشان اقول للناس بصوا بصوا بصوا انا عندي كريستالات و صيني بكذا الف جنيه (و لا بيتلمسوا و لا بيتاكل و لا بيتشرب فيهم) ........
ـــــــــــــــــــــــــ ــ
و اصحابي كتير متجوزين مصريات و الموضوع فشل في اوقات قصيرة برضه ........ و واحد صاجبي متجوز امريكية مسلمة من سنة 2003 و مخلف منها و الموضوع ماشي لوز العنب .......
ـــــــــــــــــــــــــ ــ
و ليه دايما نفترض ان اجنا بس المسلمين الحقيقيين و الباقيين سهل يرتدوا و سهل مش عارف ايه؟؟؟؟ انزل جوامع مدينة نصر و شوف المسلمين و المسلمات الاسيويين و الاوروبيين عاملين ازاي و تعالى اتكلم معايا بعدها ...... نفسي ايماني و تقواي يبقوا نص الناس دي .......
ـــــــــــــــــــــــــ ــ
و لا جوة ....... خلاص........ كمية البنات اللي مش لاقية جواز بقت مش طبيعية و اتفرج في اي مجتمع حضرتك بتتردد عليه (مكان عملك ..... جامعة ..... نادي ....... الخ) ...... الجواز بقى لمن استطاع اليه سبيلا ...... و مع ذلك البنات و اهالي البنات (اس البلاوي كلهم بالذات امهات البنات) لا يزالوا في قمة التناكة و تبقى عايزة تتجوز الان ديلون و يبقى صغير و مليونير و يجيب شبكة بمش عارف كام (و اما الدهب غلي مش يحسوا على دمهم لا التسعيرة عليت يعني اللي كانت بتقبل بشبكة ب 20 بقت بتعوز 40) و لازم الشقة فين و لازم فرح يتصرف فيه دم قلبه و لازم و لازم و لازم ........ و التخوين من اولها و امضي القايمة و اكتب المؤخر التنين و مش عارف ايه ........ و مش عارفين ان الراجل لما بيطهق بيسيب الدنيا بما فيها اصلا و مش فاهمين ان مش حاجة حلوة ان جوز بنتهم يبقى عايش معاها و هو مش طايقها بس عشان متكتف بالفلوس اللي عليه ....... حاجة تقرف يا اخي ......

و في الاخر يزعلوا ان الشباب عايز يتجوز اجانب ما هو بيتجوزها بدبلة !!!!!!!!! ...... و لو التجربة فشلت هو خسران ايه ....... عالاقل الاجانب بعد الطلاق ما بيردحوش لبعض !!!!!

ههههههههههههههههههههههه ... سورى يعنى (يخرب بيت اللى يزعلك) .
بس بصراحة عندك حق ... طب خد دول عندك .

الـ شبكة ونيش ومن غيرهم متلزمنيش .. الـ قايمة ومؤخر علشان البنت تعرف تتفشخر .. الـ فرح مليان طُرح علشان يبقى الجو مرح .

**No Comment** · 02-09-2011 11:58 PM

والغلبان العدمان الصدمان .. اللى بيكُون نفسه من زمان
علشان يجمع القرشان اليتيمان .. اللى هيتصرفوا فى يوم وليلتان
على فرح وهبل واى بتنجان .. ولا حد بيبقى بالمسكين دريان
انه جاب الفلوس بطلوع الأيمان .. ويمكن بالديون يبقى غرقان
علشان يرضى أهل المدام .. وما يصبر عليهم الا قوى البنيان
اللى اكتملت جوازته بستر الرحمان .. قبل ما يتجنن ويروح الموريستان .

وكفاية كدة علشان نازل دلوقتى ههههههههه .

**Donzi** · 03-09-2011 01:58 AM

المشاركة الأصلية كتبت بواسطة no comment

هههههههههههههههههههههه ... لا رد فى الجون .
بس مع احترامى لحضرتك ... زى ما قال زميل من شوية ليكى فوق .
بناتنا مش مطلوبين بره للأسف ...! :n_no[1]:

و مين قال لحضرتك ان احنا بناتنا محتاجين يتطلبوا برة ؟؟ هما مش سلعة عشان يبقوا محتاجين يبقى عليهم طلب برة !!

بس على فكرة و للعلم بالشىء كل المصريات اللي عايشين برة او بتجيلهم فرصة شغل او دراسة برة مصر بيتزوجوا من اجانب

بالظبط زي الاجنبية اللي جاية تدرس في مصر دي ما بتتجوز من اهل البلد اللي هي فيها و دا شىء عادي جدا

لكن مش معنى كدا ان المصريين و المصريات بيسيبوا اهل بلادهم مخصوص عشان يدوروا على اجانب

المشاركة الأصلية كتبت بواسطة medo_2060

لع اللع معندناش حريم يطلع بره البلد ثم احنا مطلوبين بره وانتو لا عمرى ما شوفت اوروبى ولا روسى متجوز مصريه

وكمان يا جماعه قصدها تقولكم ان احنا شكلنا وحش وبنخرب النسل ههههههههه انا كنت عايز اهدى النفوس بس عارف مش هتتحملوا

طبعا بنهزر والله اعلم بالنيه بقى ان كانت هزار ولا جد

لا في كتير مصريات متجوزين اجانب بس انت اللي مش واخد بالك و متعرفش لانكم بتبصوا للموضوع من ناحيتكم انتوا بس

المشاركة الأصلية كتبت بواسطة أحمد كمال

و في الاخر يزعلوا ان الشباب عايز يتجوز اجانب ما هو بيتجوزها بدبلة !!!!!!!!! ...... و لو التجربة فشلت هو خسران ايه ....... عالاقل الاجانب بعد الطلاق ما بيردحوش لبعض !!!!!

و مين قال بس ان احنا زعلانين اساسا ؟؟؟ ابدا خالص والله

دا نصيب في الاول و في الاخر و كل واحد بياخد نصيبوا ، الزعل بس بيبقى على طريقة تفكير الشباب و البنات اليومين دول و نظرة الرجالة للبنات انهم مش لاقيين جواز و نظرة البنات للرجالة انهم مش بتوع مسئولية و مش ماليين عنيهم

للاسف البنات اليومين دول من كتر ما اشتغلوا و اتحملوا مسئولية و اتعاملو مع ناس و شخصيات مختلفة بقى حكمهم على الرجالة اصعب بكتييييييييييييير من زمان و بقى عندهم قدر من الاستقلالية عالي جدا لدرجة انهم شايفين انهم ممكن مايتجوزوش خالص و يبقى بالنسبالهم اوك مش مشكلة

و الشباب شايفين ان البنات كتير و على قفى من يشيل و مش لاقين جواز و ان الواحد من دول لو شاور لاي بنت هاتجيلوا جري و لما بيجلرب بيصتدم بالرفض لانه من الاول كان حاسبها غلط

البنت لو في راجل عرف يملى دماغها و قلبها انسوا بقى خااااااااااااااالص انها تبص لفلوس و مظاهر و دا على اساس انها بنت عاقلة اصلا بل على العكس دي ممكن تحارب اهلها و الدنيا كلها عشان اللي بتحبوا و النماذج دي كتير اوي و واقعية

-

-

الموضوع: طريقة جواز جديده حد يعرف ازاى ؟

LinkBack

أدوات الموضوع

عرض

-

-

-

-

-

المواضيع المتشابهه

طريقة سرقه جديده لنج

حد يعرف طريقة فك تكويد الكونترولات

ازاى استلم عربية جديده (زيرو)

حد يعرف التيدا الهاتشباك ال6221076020165افئه النازله جديده بكام؟

ازاى تشتنرى شقه جديده وتبقى مطمن؟

الكلمات الدلالية لهذا الموضوع

المفضلات

المفضلات

ضوابط المشاركة