الموضوع: مميزات التوكتوك

والله انا معاك فى كل كلمة قلتها وفعلا عايزين نسئل حد هوة فيه ايه فى مصر سليبين البلد كده للبلطجية وقطاع الطرق والتكاتك وفعلا انا شفتها فى اماكن غريبة زى كورنيش اسكندرية وصلاح سالم ومصر الجديدة ده غير المناطق الشعبية عايزين حد يوصل صوتنا لحد فعلا مسئول انه ياخد خطوة ممكن يكون فيه ناس كويسة فعلا بس مبتفكرش فى المواضيع دى دلوقتى عايزين نعرف فين الشرطة اللى خلانا نعمل لجان شعبية فى يوم من الايام بس للناس اللى فعلا تكون جديرة بالثقة علشان برضوا كانوا معظمهم حرامية وبلطجية ونقف بقى وقفة بجد يارب اصلح حالنا

التوك توك ده مصيبة متنقلة ........ أنا بكرهه و بكره سواقينه
المفروض يكون موجود في الأرياف فقط لا غير علشان الطرق الضيقة و لازم يتم تقنينه
هو أنا مش فاهم هو ماشيين ازاي من غير نمر و فحص .... مش هو زيه زي الموتوسيكل .

الفساد كان ناخر في عضم البلد .......... و مازال ناخر فيها ... شعب و حكومة ..

المشاركة الأصلية كتبت بواسطة donzi

لا بجد ؟؟ مش معقول في صلاح سالم نفسه !!!!

اه والله انا امبارح كنت راجعة من فرح فى صلاح سالم واذا بى اجد توكتوك وطلع الكوبرى عادى خالص وكمل طريقه بدون اى مشكلة كانت الساعة الواحدة صباحا تقريبا

شفت توك توك ع الصحراوي مسافر الفيوم واحد و انا رايح و واحد و انا راجع و انا رايح اللي شفته كان عطلان بيهم

انا و الله لما عرفت ان غبور هو اللي كان مدخله زعلت اوي اني اشتريت هيونداي... بجد مش شاريها تاني عشانه
المشكلة الأكبر ان المرور سايبهم كدا يمشوا في اي حتى عادي و كمااااان اي حد اي حد عايز يعمل مشروع يروح يجيب كام الف (20 باين)!! و يجيب سواق و يشغله... بدون تراخيص ولا خط سير ولا بتاع و مفيش عدد محدد ليه في المدينة الواحدة مثلاً زي التاكسي! لأ هات و اشتغل و مفيش اي بروبليم و اهو الشوارع بقت واقفة و مهببة على طول