تعديل ريجاتى ..

**spinner** · 03-09-2011 01:31 PM

السلام عليكم أعضاء المنتدى الأفاضل بعد تفكير عميق ومشاورة الحبايب قررت تعديل عربيتى الريجاتا وبدأت فيها من من يومين فقط وربنا يسهل لكن لقلة الخبرة أحتاج لبعض العون من أعضاء منتداى الحبيب فحاليا انا فى مرحلة الشراء فأشتريت عفشة كونى وجنوط اسبور 15 ومقاعد امامية رياضية وحاليا أبحث عن محرك قوى للريجاتا ترشحولى أية وبالنسبة لموتور التمبرا 2000 سى سى اية ظروفة وسعرة كام بالفتيس وهل هو انجكشن وبالمناسبة ما سعر موتور ريجاتا 1500 سى سى بالفتيس ولو فى بديل أفضل من التميرا فما هو وبغض النظر عن الميزانية (لكن فى حدود المعقول) ما الخطوات التى يجب اتباعها لرفع القدرة الحصانية ليس بالكثير لكن ما يضع فيها شئ من روح السيارات ذات الأداء الرياضى .وأرجو الأهتمام من فضلكم ولكم منى جزيل الشكر والتقدير والأحترام

**smsm_nabawy** · 07-09-2011 11:15 PM

التمبرا ال 2000 أنجيكشان ،و كويس جداً !!

السعر معرفش ،، بس مش حيزيد عن 5000 جنيه بالففتيس !

و مبروك النية و الحاجات الي أشتريتها بالفعل !!! :)

بعد متخلص التركيب و كده ،، و انت بتسقطه ،، سقط الموتور بأكزوزت سيستم رياضي !!

ده بيتعمل عمولة عنده حد نظيف
الموضوع ده حيفيدك أوي
http://www.nilemotors.net/Nile/235931-a.html
و ربنا يوفقك !! :)

**hko** · 10-09-2011 12:43 AM

لو سمحت العفشه منبن وبكام
الموضوع ده هايفيدك http://www.nilemotors.net/Nile/24420...post3873785743

**spinner** · 19-09-2011 02:43 PM

المشاركة الأصلية كتبت بواسطة smsm_nabawy

التمبرا ال 2000 أنجيكشان ،و كويس جداً !!

السعر معرفش ،، بس مش حيزيد عن 5000 جنيه بالففتيس !

و مبروك النية و الحاجات الي أشتريتها بالفعل !!! :)

بعد متخلص التركيب و كده ،، و انت بتسقطه ،، سقط الموتور بأكزوزت سيستم رياضي !!

ده بيتعمل عمولة عنده حد نظيف
الموضوع ده حيفيدك أوي
http://www.nilemotors.net/nile/235931-a.html
و ربنا يوفقك !! :)

شكرا لذوقك أولا يا حسام باشا وعلى الدعوة الجميلة دى بالنسبة للموتور سألت الميكانيكى قالى مينفعش يتسقط عندك ألا ال1600 ال2000 يتسقط فى ال100أس وانا 85أس انا شكلى هأجل شوية وبينى وبينك ماتور الريجاتا ممتاز وجراى كمان كل اللى مجتاجة لو أقدر أعدل علية أزود قدرتة شوية وبالنسبة لموضوع العادم والديفل دة كان أملى انى الاقى حد معانا فى المنتدى بتكفل بية واخى الفاضل هو يكلف فى حدود كام واللى داخل دماغى اوى موضوع الباك فير مش عايز الباك فاير بتاع عربية بات مان انا بتكلم فى الشرارة مع الفرقعة الهبلة اللى بيقولوا عليها كدة اللى فى عربية احمد حازم لو شفت المقطع بتاعة وطلبى من فضلك لو كان عندك فكرة عن فوانيس كريستالة تركب للريجاتا لأنى مش لاقى خالص وشكلى هجيب فانوس الشاهين أبو عدستين ومتنسانيش من فضلك فى موضوع الأكزوزت وأعذرنى هكرهك فى المنتدى اليومين دول هههههههه .وشكرا لك مرة أخرى أخى الفاضل

**smsm_nabawy** · 19-09-2011 10:31 PM

المشاركة الأصلية كتبت بواسطة spinner

شكرا لذوقك أولا يا حسام باشا وعلى الدعوة الجميلة دى بالنسبة للموتور سألت الميكانيكى قالى مينفعش يتسقط عندك ألا ال1600 ال2000 يتسقط فى ال100أس وانا 85أس انا شكلى هأجل شوية وبينى وبينك ماتور الريجاتا ممتاز وجراى كمان كل اللى مجتاجة لو أقدر أعدل علية أزود قدرتة شوية وبالنسبة لموضوع العادم والديفل دة كان أملى انى الاقى حد معانا فى المنتدى بتكفل بية واخى الفاضل هو يكلف فى حدود كام واللى داخل دماغى اوى موضوع الباك فير مش عايز الباك فاير بتاع عربية بات مان انا بتكلم فى الشرارة مع الفرقعة الهبلة اللى بيقولوا عليها كدة اللى فى عربية احمد حازم لو شفت المقطع بتاعة وطلبى من فضلك لو كان عندك فكرة عن فوانيس كريستالة تركب للريجاتا لأنى مش لاقى خالص وشكلى هجيب فانوس الشاهين أبو عدستين ومتنسانيش من فضلك فى موضوع الأكزوزت وأعذرنى هكرهك فى المنتدى اليومين دول هههههههه .وشكرا لك مرة أخرى أخى الفاضل

أحسنت الأختيار ،، خليك في الي معاك ،، لحد ميجيب أجله ،، أرميه و حط غيره !! :)

و مفيش تكريه في المنتدى ولا حااجة طبعاً :)

انت تأمرني في أي وقت !! :)

بالنسبة للباك فاير ،،ده الحاجة الي نفسي أعرف بتتعمل ازاي بجد !!

الي اعرفه بيبقى في لعب في شجرة الجاكمان !! و بوجيهات معينة كده بتتحط في آخر علبة الجاكمان !! :)
+
للأسف معرفش فوانيس كريستالة للريجاتا !! :((
+
التعديلات الي ممكن تزود معاك الهورس باور كتيرة !!

أولاً بس أنت موتورك أنجيكشان مش كده ؟؟؟
و كام سي سي ؟؟

**Mik_t4** · 20-09-2011 12:42 AM

انت لازم تابع معانا بالصور الشغل واحدة واحدة
وربنا يوفئك

**kaza** · 20-09-2011 02:14 AM

الريجاتا عموما جميلة في التعديل وانا شخصيا باعتبرها حبي الاول بس للاسف كل ما هتعلي القدرة قابل كسور وشروخ في الحوض وللاسف مالهاش علاج ابدا .. انا معايا ريجاتا 100 الماني وكبرت سعة الموتور باستخدام مكابس اكبر بقطر85 مم وكرنك فيات كروما 2000 ووصلت بالسعة اللترية لحوالي 2270 سس وباستخدام الفتيس العادي والكبالن العادية والفرامل نفسها وكربراتير عادي جدا واشعال اليكتروني والحمد لله كويسة جدا بس هزة الموتور كانت بترج العربية كلها وطبعا ليدك بتاكلك تجري فمع كل سحبة علي التاني او التالت كانت بتضعف الشاسية اكتر فاكتر لغاية ماكسرت القاعدة السفلية وبعدين الشروخ والكسور في العلب الامامية من تحت القواعد يمين وشمال ..الحم وشيل المنوتور وشيك علي الشاسية ..المهم انا دلوقتي بالحم الشاسية تقريبا كل 3 اشهر وحاحتاج نصف امامي في اقرب فرصة علي الرغم من اني استغنيت عن راس المحرك ال2كامة وجبت راس محرك ال131السي الل علشان المحرك يبقي انعم شوية وبالتالي غيرت المكابس بمكابس 131 cl فانا بانصح اي حد بيعدل الريجاتا بموتور التمبرا 1600 افضل ومش هيكسر الدنيا زي ما حصل معايا غير انة اخف بكتير وانعم واستهلاكة اقل في الوقو د ..الكلام كتير قوي بس دة مش مجالة..ربنا معاك

**smsm_nabawy** · 20-09-2011 03:31 PM

المشاركة الأصلية كتبت بواسطة spinner

شكرا لسعة صدرك وشخصك الكريم . العربية مش انجكشن وهى 1500سىسى

وفعلا حسيت بأحباط كبير لما عرفت ان المتور ال2000 ماينفعش يتسقط وبالنسبة لل1600

حاسس انها هتبقى صرف فلوس عالفاضى والفرق فى الأداء مش هيكون ملحوظ .

اية أفضل طريقة لرفع أداء العربية دون اللجوء للمتاهات اللى بنسمع عنها

وبخصوص اللون أخى الفاضل من وجهة نظرك اى لون يليق عليها هى فى بيضة ولسة مخلص

سمكرة النهاردة وبفكر اعملها فيرانى لأن كذا لون فكرت فية لكن ماكنش لايق فما رأيك؟؟

وفى انتظار ردك أخى الكريم ولك خالص تقديرى واحترامى .

ألف شكر لأسلوبك الراقي في الكلام :)

بما أن العربية كاربراتير ،، يبقى مش حتغلب في الأي سي يو ريماب !! بس حتاكل بنزين عن الأنجيكشان ،، و حيبقى أدائها أقل منه !! :(

شوف أنت ممكن لو غاوية معاك تسقط ،، تسقط معاك موتور 1600 أنجيكشان !!

لو حتكمل على موتورك يبقى تمام

مبدأياً ممكن يركب تيربو !!
ده مش حيرفع القدرة الحصانية بس !!! ،، ده حنططها فوق فوق فوق في الععااااالي !! :))

+

بوجيهات ذات أداء رياضي "من أشهرها سبليت فاير" بأسلاكها !!

ده كده لودحه تكليف،، لأن التربو تركيبه مش سهل !! و مكلف ،، و بوجيهات السبليت فاير مكلفه بردو بأسلاكها !!
+
تعديل الهيدرز و أكزوزت سيستم كلو بآخر اوسع بمقدار نصف أنش بالكتير "طالما مركبتش تيربو" +ان الراجل الي حيعمله عموله ،، يتفادى الكسر الجامدة في مسار العادم ،، و حضرتك لو قريت الموضوع الي انا حاطه حتفهم قصدي جداً جداً
+
وش سليندر 2 كامة !!
+
فلتر الهواء الرياضي ،،
كل ده حيحسن أداء الموتور معاك بشكل فوق الملحوظ ،، لكن في المقابل حتحتاج معاه تعديل في فرامل العربية +نظام التعليق !!
شوف مبدأياً ميزانيتك كام !! و ناوي تعمل أيه في دول بظبط ؟؟
و توكل على الله و قولنا ،، علشان نحاول نفيدك أكتر بالأسعار و هكذا