الموضوع: اللي عايز تقسيط غير ربوي يروح المعرض ده( خلاصه الكلام)

المشاركة الأصلية كتبت بواسطة محمدعيسى

الشيخ رد بس لسة العقد و التعليقات اللي عليه هتجيني بكرة إن شاء الله

في إنتظار نقلك لرأي الدكتور علي السالوس

وعلي أن أبدي إعجابي بالإختيار الموفق للدكتور علي السالوس من بين مشاهير المشايخ علي الساحة
فهو خير من يتكلم في المعاملات المعاصرة والتي جعلها تخصصه فلا يجاريه فيه أحد ولا نزكي علي الله أحدا

انا عديت النهارده على المعرض بتاع المعادى و جبت التفاصيل دى:

اقل مقدم 25% من تمن العربية

اقصى فترة سداد : 48 شهر

النسبة: 8% للسيارات الدايهاتسو , 9% لباقى الماركات

بيتعاملوا فى معظم الماركات, ما عدا المتسوبيشى و السكودا, علشان التوكيلات دى مبتطلعش فواتير

الشروط:

لو مقدم اقل من 50%: المشترى و الضامن لازم يجيبوا الاوراق دى:

فى حالة الموظفين:
مفردات مرتب, على ان تعدى القسط 40% من مرتب المشترى و الضامن
ايصال كهرباء حديث
صورة البطاقة

فى حالة التاس التى تملك سجل تجارى, او عمل حر, الاوراق المطلوبة:

سجل تجارى
بطاقة ضريبية
ايصال كهرباء
كشف حساب بنكى (مش دايما بيطلب)
صورة البطاقة

الاوراق المطلوبة بتحددها ادارة الائتمان, و ممكن يطلب اوراق زيادة او يكتفى بالاوراق دى, حسب موقف العميل

فى حالة مقمدم 50% : الضامن ممكن يكون الزوجة, او حد عادى, يعنى مبيطلبش مفردات مرتب الضامن او اوراق منه, بس صورة بطاقته

الحالة الوحيدة التى يلغى فيها الاحتياج الى ضامن هو وجود وديعة تغطى باقى المبلغ المستحق, و ساعتها بيتعمل حظر على الوديعة دى

السيارة ترخص بأسم العميل, مع وجود حظر بيع لصالح الشركة

التأمين اجبارى, و ممكن للعميل يختار شركة التأمين اللى تريحه, او يتعاقد مع الشركة الموجودة بالمعرض (الجمعية المصرية للتأمين التعاونى)

ممكن ميتعملش تأمين فى حالة سداد اكتر من 50% من تمن العربية, و الرقم اللى قاله لى 80%, بس اظن ممكن ينزل عن كده

المشاركة الأصلية كتبت بواسطة ows212

على فكرة يا معاذ المعلومة اللى عندى لما كنت بشترى من معرض اسكندرية انى التأمين مش اجبارى ... لكن لو ما امنتش الفايدة بتكون 9% الا لو هاتدفع 50% مقدم الفايدة تكون 8%

مقلش على المعلومة دى خالص

طيب ممكن تتأكد من بتوع اسكندرية لسه الكلام ده بيطبق و لا لأ؟

المشاركة الأصلية كتبت بواسطة polo61

ياجماعة انا اشتريت من المصرية للسيارات اسكندرية
ودفعت 60% من تمنها وقالوا التأمين اجبارى 2,5 % من ثمن العربية
وفايدة البنك 10% تقريبا
سؤالى يعنى ممكن نختار شركة التامين ولا حسب البنك هوه اللى بيحدد ولا المعرض نفسه ؟؟
بجد حاجة .....

انت من حقك تختار شركة التأمين اللى انت عايزها

مش المعرض او البنك (ده فى اى حتة) ما عدا مع كونتاكت, لازم تأمين تبعهم