أمتى بتقول دى كانت غلطة عمرى ؟

**shaddadfalcon1** · 07-09-2011 12:24 AM

من الاخر الحياه:

No Pain, No Gain

**AmatoALLAH** · 07-09-2011 12:42 AM

المشاركة الأصلية كتبت بواسطة shaddadfalcon1

الناس اللي بتقول الزواج شر وانه اسواء حاجه حصلت طبعا كل واحد ادري بظروفه
بس كل اللي اقدر اقوله ان لولا ارادة الله ثم الزواج انا مكنتش هعمل اي حاجه ولا كان هيبقي عندي حافز اعمل اي حاجه

ساعات لما اتخيل نفسي مش متزوج بقول لنفسي طيب انا هوجع دماغي ليه بشقه ولا تحويش ولا اي حاجه مانا كنت هصرف اللي هجيبه وهقضيها ومكنش هيبقي عندي اي حافز لاي حاجه ومكنش هيبقي في حاجه ليها اي طعم

مكنش هيبقي عندي محمد يشبط فيا في كل صلاة عشان يروح يصلي معايا ومكنش هيبقي فيه ابراهيم اللي بيفضل يعمل اصوات غير مفهومه لكن اكيد تعني شيء ومحمد يقوله يا همته معرفش ايه همته دي بس انا لقيت نفسي انا ومراتي واهلي بنقوله كده وبقي اسم الدلع بتاعه

قول الحمد الذي عافانا و بلاش نحكم علي الاخرين و احنا مش عارفين ظروفهم فعلا

و ربنا يخلي لك زوجتك و محمد و ابراهيم

**shaddadfalcon1** · 07-09-2011 01:41 AM

المشاركة الأصلية كتبت بواسطة amatoallah

قول الحمد الذي عافانا و بلاش نحكم علي الاخرين و احنا مش عارفين ظروفهم فعلا

و ربنا يخلي لك زوجتك و محمد و ابراهيم

ماهو عشان كده قلت كل واحد ادري بظروفه
والجواز والأولاد ممكن يكون نعمه او ابتلاء ومش شرط انك كويس(ه) انك تتجوز(ي) حد زيك والا مكنش زوجات سيدنا نوح وسيدنا لوط من اهل النار

**khaled_yassin** · 07-09-2011 01:57 AM

بصراحة مش عارف
بس الحمد لله انا مهندس بشتغل فى المقاولون العرب مرتبى كويس الحمد لله معايا عربيه وساكن فى مكان كويس
بس انا زعلت انى قصرت فى حق نفسى سبت وزنى يزيد لحد ما جالى السكر
فبقول يا رتنى كنت بمارس رياضة وانى كنت حافظت على وزنى
بفكر انى اتجوز بس مش لاقى عروسة مناسبه ( طبقا لمواصفات امى ) مع انى ارتبط ببنوتين تحفة بس نقول ايه الحمد لله

**AutoTycoon** · 07-09-2011 03:17 AM

غلطة عمري اني معشتش ايام الكلية بالطول و العرض و عملت فيها ابو العلم

**النوبي** · 07-09-2011 03:28 AM

المشاركة الأصلية كتبت بواسطة nonetta

اني سبت بيتي ونزلت اشتغل
جالي من وراه مشاكل كتير

تصفيق حااااااااااااااد
انا هبعتلك المدام علشان تقنعيها لانها مصممه علي الشغل

**AutoTycoon** · 07-09-2011 04:16 AM

المشاركة الأصلية كتبت بواسطة aboelsoud

اوباااااااااااااااااااااا اااااااااااا
ده انا عامل فيها ابو العلم

الحق نفسي ولا ايه ؟

بجد بجد فعلا السنه دي حاولت اذاكر فيها اكتر على قد ما اقدر و في الاخر شلت السنه
شكلي هاعيش حياتي فعلا يمكن اعدي

انا بقولك على تجربتي فعلاً
عملت فيها الدحيح و بتاع التقدير و يا ريته نفع و زمايلي اللي كانوا مقضينها رحلات طول السنة شرم و السخنة و غيره كلهم اشتغلوا اول ما خلصوا (بالكوسة) و انا لسة بدور على شغل :))

الحمد لله