الموضوع: أمتى بتقول دى كانت غلطة عمرى ؟

المشاركة الأصلية كتبت بواسطة shaddadfalcon1

حتي دي مش مضمونه
انا اتجوزت زوجتي لدينها وعشان منتقبه وعشان الكلام الجميل اللي حضرتك قلته لكن بعد الجوزا اكتشفت ان مستوايا الديني اعلي منها بكتير وانه مجرد نقاب وابتدينا مع بعض والحمد لله

ده غير ان البنات عموما قبل الجواز المتدينات قوي اللي بتقول عليها في منهم كتير بيبص لموضوع الزواج وحقوق الزوج والحاجات دي علي اساس انها عيب بنت تتكلم فيها وبالتالي بتلاقي واحده متدينه جدا بس متعرفش اي حاجه عن الحقوق الزوجيه بس علي الأقل هتراعي ربنا في حاجات تانيه

من الحاجات اللي بندم عليها كتيير ايام الخطوبه اللي ضيعتها بسبب سكوتي لان مراتي كانت بتعمل كتيير عشان خواتها وفي منهم في صيدله وفي اداب
كنت بروح بدري عشان امشي بدري وساعات كنت بفضل اكتر من 3 ساعات مكنتش حتي بتيجي ترمي السلام عشان بتطبخ ومكنش حد من اخواتها بيقولها روحي اانتي واحنا نعمل معاكي وللأسف مخدتش موقف خالص وضيعت علي نفسي فترة خطوبه كامله

اللي غاظني قوي ان لما اختها دي اللي مكنتش بتحط ايدها في شغل البيت خالص اتخرجت وبرده فضلت زي ماهي واتخطبت وكان اول ماخطيبها يجي تلزقله ومتقمش من جنبه خالص وبصراحه كنت كل مااشوف كده دي بيترحق وادب خناقه مع مراتي لما افتكر اللي كانت مراتي بتعمله
دي حتي مكنتش بترضي تقعد معانا لما كنا نروح وخطيبنا هناك لانه كان معلمها الأدب علي اصوله
وحتي دلوقتي بعد الجواز لو راحو هناك يبقي مراتي واخنها الكبيره بيشتغلو في البيت وهي مقضيها رومانسيه

مش عارف المفروض اقول الكلام ده ولا لآ بس انا لسه جي من هناك ومرارتي خالص وكنت لازم افضفض قبل مانام عشان ميحصليش حاجه

مش عارف هل ده صح اصلا اني افضل فاكر الموضوع ده ولا لآ بس غصب عني كل اما اشوفهم بفتكر واحس اني كنت اهبل

باشا هدي اللعب شوية

انت اتجوزت واحدة من بيت مصري بسيط

اذا كان مستواها الديني في الاول مش كبير فلازم نقول انها اختارت التدين والنقاب في وقت كان امامها تلبس المتلون والملعلع.

واذا كانت بتسيبك في الخطوبة عشان تطبخ لاخواتها فلازم نقول انك اخدت واحدة محترفة شئون منزلية وبتضحي عشان اخواتها

واذا كانت اختها اتخرجت ومش بتمد ايديها في البيت فعايز اقولك انها حتفضل كده في بيتها

بلاش تحاسب مراتك على حاجات (صح !!!!! ) كانت بتعملها في اوقات الخطوبة وحرام بعد الجواز تتخانق على حاجه حصلت في الخطوبة

حضرتك سعيد في حياتك صح؟؟
يعني قصدي اقول ان مفيش خناقات كتير في بيتك؟ صح؟؟؟
ما هو اللي يعمل خناقة على حاجه زي دي يبقى اكيد معندوش مشاكل اكبر من كده ؟؟؟

احمد ربنا يا باشا وادعي للناس اللي متجوزتش من المنتدى انها تلاقي واحدة غلبانة كده مش من بنات اليومين دول

وادي ربنا للناس التعيسة في حياتها ان ربنا يفك ازمتها