أمتى بتقول دى كانت غلطة عمرى ؟

**ahmad--ezzat** · 07-09-2011 03:32 PM

المشاركة الأصلية كتبت بواسطة yaserbasha2000

كتير بحس بالندم اني اخرت خطوة الجواز اكتر من اللازم

هو حضرتك اخرتها قد ايه بس عشان الواحد يكون عامل حسابه

**Ghosts** · 07-09-2011 03:38 PM

المشاركة الأصلية كتبت بواسطة alaasaid

الحمد الله كل حال و كلنا فى نعمة لا تحصى بفضل الله .

أكتر غلطة مزعلانى انى بعد ما خسيت 40 كيلو رجعت سيبت نفسى و تخنت تانى و برضة الحمد الله رب العالمين

للأسف اللى بيعمل ريجيم مينفعش أبدآ يبطلة ....
وخدعوك فقالوا أن فى حاجة أسمها تثبيت وزن كل دى أونطة وضحك على عقول الناس ....

**AboELsoud** · 07-09-2011 05:04 PM

المشاركة الأصلية كتبت بواسطة Ghosts

للأسف اللى بيعمل ريجيم مينفعش أبدآ يبطلة ....
وخدعوك فقالوا أن فى حاجة أسمها تثبيت وزن كل دى أونطة وضحك على عقول الناس ....

ليه بس كده يا باشا مين اللي قال كده

انا من خلال خبرتي في الريجيم (لما كان عندي 16 سنه كان وزني 79 كيلو دلوقتي 20 سنه و وزني 65 )
اقدر اقوللك لا في حاجه اسمها رجيم لحد اما تخس ثم تثبيت للوزن على طول

و بكل بساطه حضرتك لما تعمل رجيم بتعمل حاجتين (اسلوب غذائي و رياضه ) تمام ؟
بيقوم وزنك نازل لحد وزن معين شايف انه كويس عليك
تقوم تعمل حاجه من حاجتين ياما تبطل الرياضه بس تثبت على نفس الاكل و ده اللي حضرتك بتقول عليه و ده طبعا مش حلو
ياما ترجع لاكلك الطبيعي بس مع ممارسه الرياضه و ده طبعا حلو لان الرياضه هتخلي شكللك حلو و جسمك ممشوق (

حلوه ممشوق دي ) و ده اللي انا شايفه انسب
بس كده

**A_H_M_A_D** · 07-09-2011 05:17 PM

هو الموضوع فكرته حلوة بس بتطلع الإحباطات اللي جوه كل واحد فينا

طيب ماتيجوا نفكر أحسن في اللي جاي بدل مانندم على غلطة فاتت

يعني نقول (بيننا و بين نفسنا كده ) :

إيه الغلطة اللي لازم مانعملهاش , أو إيه الغلطة اللي إتعملت و لازم تتصلح في أقرب فرصة و متستمرش أكتر من كده

أصل ممكن الواحد يكون غلط غلطة بس ممكن يغلط الاكبر منها قدام , يبقى يلحق نفسه أحسن من دلوقتي عشان مايرجعش يندم أكتر قدام

وخلاص اللي فات مات , المهم المستقبل يكون أحسن من الماضي

أعتقد التفكير بالطريقة دي هايكون إيجابي أكتر و هايحسن الحالة النفسية السيئة اللي سيطرت على معظم اللي دخلوا الموضوع

**Ghosts** · 07-09-2011 05:51 PM

المشاركة الأصلية كتبت بواسطة a_h_m_a_d

طيب ماتيجوا نفكر أحسن في اللي جاي بدل مانندم على غلطة فاتت

يعني نقول (بيننا و بين نفسنا كده ) :

إيه الغلطة اللي لازم مانعملهاش , أو إيه الغلطة اللي إتعملت و لازم تتصلح في أقرب فرصة و متستمرش أكتر من كده

فكرة حلوة يا a_h_m_a_d ....
فى غلطة أنا عملتها وأنا لسة خريج جديد والحياة العملية كانت لسة غريبة عليا وبعدين قررت معملهاش ....
كان أول ما يجيلى رسالة لذيذة أو بتضحك كنت ببعتها لكل زمايلى رجالة وستات ....
فى بقى زميلات (متزوجات) بس عندهم وقت فراغ عجبتهم اللطافة دى ....
فبقوا هما كمان يبعتوا رسايل والرسايل أتحولت بقدرة قادر ....
إلى مكالمات طويييييييييييييييييييلة و وش مبينتهيش ....
بعد ما سبت الشغل الأولانى غيرت رقم موبايلى ....
ومسجلتش من ساعتها أى رقم لأى زميلة ....
العلاقة بقت صباح الخير مع السلامة ....
والباب اللى يجيلك منة الريح ....
سدة و أستريح ....

**yaserbasha2000** · 07-09-2011 06:02 PM

المشاركة الأصلية كتبت بواسطة ahmed_nubira

هو حضرتك اخرتها قد ايه بس عشان الواحد يكون عامل حسابه

نصيحه السن المناسب للزواج بالنسبه للجامعيين 24-26 سنه

بعد 30 سنه يبقي ده تأخير

**omar-saad** · 07-09-2011 06:09 PM

انى اهتميت بدبنى متاخر
انى ماكرتش كويس فى الثانوية العامة
انى دخلت كلية وعملتش بيها اى حاجة
انى امنت ناس على سرى وبيتى وخانو الامانة

**nonetta** · 07-09-2011 09:44 PM

المشاركة الأصلية كتبت بواسطة aboelsoud

ليه بس كده يا باشا مين اللي قال كده

انا من خلال خبرتي في الريجيم (لما كان عندي 16 سنه كان وزني 79 كيلو دلوقتي 20 سنه و وزني 65 )
اقدر اقوللك لا في حاجه اسمها رجيم لحد اما تخس ثم تثبيت للوزن على طول

و بكل بساطه حضرتك لما تعمل رجيم بتعمل حاجتين (اسلوب غذائي و رياضه ) تمام ؟
بيقوم وزنك نازل لحد وزن معين شايف انه كويس عليك
تقوم تعمل حاجه من حاجتين ياما تبطل الرياضه بس تثبت على نفس الاكل و ده اللي حضرتك بتقول عليه و ده طبعا مش حلو
ياما ترجع لاكلك الطبيعي بس مع ممارسه الرياضه و ده طبعا حلو لان الرياضه هتخلي شكللك حلو و جسمك ممشوق (

حلوه ممشوق دي ) و ده اللي انا شايفه انسب
بس كده

تعالى عال 25 وعال 30 بعد الجواز وقول لنا وزنك هيبقى كام

**ahmad--ezzat** · 07-09-2011 09:46 PM

جوست انت عارف ان الموضوع دة نكدى اوى؟؟؟؟؟؟؟ ؟؟؟؟؟؟؟؟ ؟؟؟؟؟؟

**nonetta** · 07-09-2011 09:52 PM

المشاركة الأصلية كتبت بواسطة النوبي

:ta_clap[1]::ta_clap[1]::ta_clap[1]:
تصفيق حااااااااااااااد
انا هبعتلك المدام علشان تقنعيها لانها مصممه علي الشغل

انا مش عارفة الستات دي حاجة غريبة اوي
يبقى عندها اللي مريحها ومش عاوزها تتعب
وتجري ورا وجع القلب
ال ايه عشان يبقى لها القرش بتاعها وتحقق ذاتها
الكلام دة قبل الجواز بس بعد الجواز والاولاد صحتها بتستنزف
توفر صحتها لاولادها
انا احلى ايامي باقضيها ايام الاجازات بعيد عن المشاكل والغيبة والنميمة
المشكلة عندي اني باشتغل شغل حكومي من زماااااان من ايام ما كنت في الكلية
ووصلت لوضع ومكانة ومرتب صعب اني اضحي بيهم وظروف الشغل مع كوني قديمة في الشغل كنت سبت الشغل من زمان

الموضوع: أمتى بتقول دى كانت غلطة عمرى ؟

LinkBack

أدوات الموضوع

عرض

-

-

-

-

-

-

-

المواضيع المتشابهه

أمتى بتقول مش عارف؟؟!!

أمتى بتقول مش ممكن؟!

أمتى بتقول: كانت قرصة جامدة بس أتعلمت منها ؟

مرحبا بالديموقراطية ان كانت علمانية او ليبراليه و سحقا لها ان كانت اسلاميه

الكلمات الدلالية لهذا الموضوع

المفضلات

المفضلات

ضوابط المشاركة