أمتى بتقول دى كانت غلطة عمرى ؟

**SonaSteel** · 08-09-2011 12:37 AM

انا كان فاضلي شعرة ...... والحمد لله اتقطعت
وشكلها كده هاتجوز في الجنة وربنا يكرمنا بحور عين ان شاء الله ... ادعوووولي
ايام الكلية كان الجواز تقريبا الحاجة الوحيده المفروض انها اخر حاجة حلوة هاتعملها في حياتك
بس بعد الشغل ... كرهت نفسي والشغل والجواز و مصر والشوارع ومش طايق نفسي :))
وعايز يا اما اطلع علي باريز ياما اموت واغور في داهية :))
ادعولي بقي باللي تشوفه ... بس براحه علشان انا غلبان والله :)))
ايييييييييه ... الحمد لله علي كل حال :d:d

**Ghosts** · 08-09-2011 12:41 AM

المشاركة الأصلية كتبت بواسطة أحمد كمال

مشكلة الجواز اختلاف الاجندات

اغلب الرجالة بتتجوز عشان تنبسط و تعف نفسها و ترتاح

اغلب الستات بتتجوز عشان الوجاهة و المنظر الاجتماعي و الخلفة و عشان ما يتقالش عليها عانس و بايرة .....

اختلاف الاهداف ده ما بيبانش في مرحلة الخطوبة لان الاتنين عاملين لبعض البحر طحينة

بعد الجواز بقى ....... تخيل مركب بريسين و كل ريس بيقدف في اتجاه

طبعا موضوع مركب بريسين ده مصيبة تانية لان الستات اليومين دول فاكرين ان موضوع الريس الواحد ده معناه انها منقادة و منصاعة لزوجها و دي حاجة أييا يااااا عيب ......

البنات بقت بتتباهى قدام بعض مين فيهم ممشية جوزها على مزاجها ....... بلا ستين نيلة يا شيخ

كلام فى الصميم ....

**M7amD_7amDy** · 08-09-2011 12:55 AM

المشاركة الأصلية كتبت بواسطة أحمد كمال

البنات بقت مسترجلة بزيادة الا من رحم ربي ...... نادر اما تلاقي بنت عايزة تعيش دور البنت بشخصية البنت .........

ربيلها الشنب يعلمها الأدب

‫ط§ط¹ظ„ط§ظ† ط¨ظٹط±ظٹظ„ - ط.ظ…ط²ط© - ط±ط¨ظٹظ„ظ‡ط§ ط§ظ„ط´ظ†ط¨ ظٹط¹ظ„ظ…ظ‡ط§ ط§ظ„ط£ط¯ط¨‬&lrm; - YouTube

**masterzmind** · 08-09-2011 01:52 AM

ههههههههههههههههههههههههه ههههههههههههه

**SonaSteel** · 08-09-2011 01:56 AM

المشاركة الأصلية كتبت بواسطة masterzmind

يا عم متقولش كدة ان شاء الله ربنا هيكرمك ببنت الحلال .... بس المشكلة فيـــــــــــــــــــــــ ن بنت الحلال هل بنت الحلال الى بتلبس بنطلون اسكيمى مش عارف والله اسمة صح ولا غلط ولا بنت الحلال الى بشوفها فى الشارع تحت البت وقفة مع واد مفيش شبر بينهما ولا بنت الحلال الى قاعدة فى البيت عمرها ما خرجت وعماله تكلم 60 ولد على النت وال facebook وصور وحورات وارقام تلفيونات ولا بنت الحلال الى عاملت 50 تجربة عاطفية فى حياتها ولا ولا ولا .............. الخ

ههههههههههههههه ....... تصدق انت ريحتني نفسيا
وايدي بتاكلني عايز انزل البس دبل ...... ههههه
ما هو كل ده من ايه ؟؟
اقل واجب علشان شاب يتقدم لبنت ويطلب ايدها عايز كام ... ولو كمان محدش بيساعده ؟؟
والبنات ماشاء الله يا اما قعده في البيت .. يا اما نزلت تشتغل واكيد نفسهم يتجوزوا هما كمان
ومفيش جواز ومفيش شقق ومفيش فلوس الا مارحم ربي ... وطبعا في ظل وجود الحكومة الالكترونية والاعلام الرائع اللي بقي كل حاجة بتتقال وتتعمل علي الشاشة من غير ادني حياء ... وكمان في رمضان وفلوس بالمليارت بتتقال وعربيات وهم ... وكل ده والناس اتلحست والشباب شايفين القدوة بيعمل كده ... فعادي
وده اللي حصل وبيحصل ... نوع معين ولا لبس معين عادي بقي عريان .... كله بينزل المحلات وبتبقي موضه
البنات تلبس والشباب يعيط ..... ههههههههههه الا مارحم ربي
واعتقد ان البنطلون اسمه سكيني skiny ... علي حد علمي :))

**AutoTycoon** · 08-09-2011 02:28 AM

المشاركة الأصلية كتبت بواسطة أحمد كمال

مشكلة الجواز اختلاف الاجندات

اغلب الرجالة بتتجوز عشان تنبسط و تعف نفسها و ترتاح

اغلب الستات بتتجوز عشان الوجاهة و المنظر الاجتماعي و الخلفة و عشان ما يتقالش عليها عانس و بايرة .....

اختلاف الاهداف ده ما بيبانش في مرحلة الخطوبة لان الاتنين عاملين لبعض البحر طحينة

بعد الجواز بقى ....... تخيل مركب بريسين و كل ريس بيقدف في اتجاه

طبعا موضوع مركب بريسين ده مصيبة تانية لان الستات اليومين دول فاكرين ان موضوع الريس الواحد ده معناه انها منقادة و منصاعة لزوجها و دي حاجة أييا يااااا عيب ......

البنات بقت بتتباهى قدام بعض مين فيهم ممشية جوزها على مزاجها ....... بلا ستين نيلة يا شيخ

دا لو كدا يبقى الرجالة هما اللي صح

**shaddadfalcon1** · 08-09-2011 02:30 AM

المشاركة الأصلية كتبت بواسطة m.moustafa

مع احترامي لكلام احمد كمال بس عايز اقولك برضه بعدنا عن ديننا وعن منهج رسولنا الكريم هوا اساس اول مشكلة جواز لان للاسف مش بنختار ذات الدين واتحدا اي واحد عنده مشكلة فعليه في جوازة ان تكون زوجته على دين وفاهمه حقوق زوجها وحقوقها.

واقسملكم بالله لو الزوجه متدينة هتبقى عارفه الكلام ده وعارفه المفروض تعامل زوجها ازاي وهوا في نفس الوقت يكون عارف حقوق زوجته 90% من مشاكل الزواج هتروح.

عشان كده هنصح اللي عايز يتجوز بقول رسول الله فاظفر بذات الدين تربت يداك. وذات الدين مش اللي بتصلي الصبح مع الضهر مع العصر واهو ربنا غقور رحيم، ولا اللي انا فعلا عايزة التزم بس عايزه حد يساعدني. سيبك من الكلام ده كله لو عارفه دين ربنا وحقوقها وواجباتها متفرطش فيها غير كده قول يا فكيك احسن.

حتي دي مش مضمونه
انا اتجوزت زوجتي لدينها وعشان منتقبه وعشان الكلام الجميل اللي حضرتك قلته لكن بعد الجوزا اكتشفت ان مستوايا الديني اعلي منها بكتير وانه مجرد نقاب وابتدينا مع بعض والحمد لله

ده غير ان البنات عموما قبل الجواز المتدينات قوي اللي بتقول عليها في منهم كتير بيبص لموضوع الزواج وحقوق الزوج والحاجات دي علي اساس انها عيب بنت تتكلم فيها وبالتالي بتلاقي واحده متدينه جدا بس متعرفش اي حاجه عن الحقوق الزوجيه بس علي الأقل هتراعي ربنا في حاجات تانيه

من الحاجات اللي بندم عليها كتيير ايام الخطوبه اللي ضيعتها بسبب سكوتي لان مراتي كانت بتعمل كتيير عشان خواتها وفي منهم في صيدله وفي اداب
كنت بروح بدري عشان امشي بدري وساعات كنت بفضل اكتر من 3 ساعات مكنتش حتي بتيجي ترمي السلام عشان بتطبخ ومكنش حد من اخواتها بيقولها روحي اانتي واحنا نعمل معاكي وللأسف مخدتش موقف خالص وضيعت علي نفسي فترة خطوبه كامله

اللي غاظني قوي ان لما اختها دي اللي مكنتش بتحط ايدها في شغل البيت خالص اتخرجت وبرده فضلت زي ماهي واتخطبت وكان اول ماخطيبها يجي تلزقله ومتقمش من جنبه خالص وبصراحه كنت كل مااشوف كده دي بيترحق وادب خناقه مع مراتي لما افتكر اللي كانت مراتي بتعمله
دي حتي مكنتش بترضي تقعد معانا لما كنا نروح وخطيبنا هناك لانه كان معلمها الأدب علي اصوله
وحتي دلوقتي بعد الجواز لو راحو هناك يبقي مراتي واخنها الكبيره بيشتغلو في البيت وهي مقضيها رومانسيه

مش عارف المفروض اقول الكلام ده ولا لآ بس انا لسه جي من هناك ومرارتي خالص وكنت لازم افضفض قبل مانام عشان ميحصليش حاجه

مش عارف هل ده صح اصلا اني افضل فاكر الموضوع ده ولا لآ بس غصب عني كل اما اشوفهم بفتكر واحس اني كنت اهبل

-

-

-

الموضوع: أمتى بتقول دى كانت غلطة عمرى ؟

LinkBack

أدوات الموضوع

عرض

-

-

-

-

-

المواضيع المتشابهه

أمتى بتقول مش عارف؟؟!!

أمتى بتقول مش ممكن؟!

أمتى بتقول: كانت قرصة جامدة بس أتعلمت منها ؟

مرحبا بالديموقراطية ان كانت علمانية او ليبراليه و سحقا لها ان كانت اسلاميه

الكلمات الدلالية لهذا الموضوع

المفضلات

المفضلات

ضوابط المشاركة