استغلال سواقين ميكروباصات فيصل

**SYD** · 08-09-2011 02:56 AM

المشهد الأول

عندنا في فيصل عملوا حركة نصب علي الأخر
بقوا بيحملوا تحرير دائري (أجرته اغلي ربع جنيه من تحرير عادي)
في البداية قولت عشان زحمة فيصل
بس لاحظت انها 24 ساعة علي دة الحال
ويبقي الشارع فاضي والدائري زحمة (بالتحديد وصلة صفط الجديدة وكانت زحمة عشان التنسيق) ومع ذلك يحمل دائري
بلاش دي
هو المفروض بيحمل دائري عشان اسرع، صح ؟
تلاقيه عمال يلف من علي المريوطية ويرجع تاني اخر فيصل ويلف من الكوم الأخضر ويرجع تاني اخر فيصل كل دة عشان يكمل العربية
طب منين بتحمل دائري عشان الوقت وانت ضيعت نص ساعة بتحمل العربية
يبقي دي تفسيرها ايه غير انه بيعمل كدة عشان الأجرة

المشهد التاني

الميكروباصات الفولكس سيرفيسها المفروض انه اخر فيصل - ميدان الجيزة والأجرة 75 قرش
تلاقيه لو فيصل متجه للجيزة يحمل طوابق ووالله احيانا بيروح لحد الطوابق براكب او اتنين ومايرضاش ابدا يركب حد بيقوله تعاون مثلا
وبعد ما يوصل للطوابق يحمل طالبية
وبعد الطالبيه العشرين او كلية تربية
وبعد كدة الجيزة

والعكس لو راجع من الجيزة

وكل وصلة من دوول بنص جنيه
يبقي بيحمل العربية اربع مرات في المشوار الي المفروض ياخده مرة واحدة

ربنا يهدي الحال

والله المستعان
،
،

**SYD** · 08-09-2011 03:17 AM

المشاركة الأصلية كتبت بواسطة masterzmind

مشكلة ومش لقلها حل واكلمت مع السواقين كتير فى الحوار دة بيرد عليا بيقولى عدد الركاب من اول فيصل للجيزة ب 7 جنية و نصف طيب انت طبعاا عارف ان لو الطريق واقف بياخد من اول فيصل للجيزة فى ساعة وسعات ساعة ونصف كمان عندك العريش والطالبية ... الخ طيب كل دة والعربية دايرة وفى بنزين وفى كل حاجة طيب الحكومة هى الى بتخلى الواحد يسرق غصب عنو بصراحة معرفتش ارد علية وكمان قالى العربية الفولكس دى فى الصيف بتقعود ساعتين ولازم تستريح عشام بتسخن بسرعة

والله يا باشا انا بني أدم وعندي اسرة وعارف يعني ايه التزامات
وفعلا لما بسمع منهم بقتنع بس بردو بحس انها حرام
طب مانا كمان عندي التزامات
وبعدين هو حمل زي البني آدمين هتعمل معاه شغل ما في ناس كتير بتركب وتنزل بعد خطوتين ولو حتي افترضنا والناس كلها ركبت من اول فيصل لحد الجيزة الدور الجاي انشاء الله تتعوض

انا احيانا ببقي رايح التعاون انهي اكسبلي واحسنلي اركب مرتين ب جنيه ولا اركب مرة واحدة ب 75 قرش ؟؟؟؟

الله المستعان
،
،

**masterzmind** · 08-09-2011 04:15 AM

والله يا باشا انا بني أدم وعندي اسرة وعارف يعني ايه التزامات
وفعلا لما بسمع منهم بقتنع بس بردو بحس انها حرام
طب مانا كمان عندي التزامات
وبعدين هو حمل زي البني آدمين هتعمل معاه شغل ما في ناس كتير بتركب وتنزل بعد خطوتين ولو حتي افترضنا والناس كلها ركبت من اول فيصل لحد الجيزة الدور الجاي انشاء الله تتعوض

انا احيانا ببقي رايح التعاون انهي اكسبلي واحسنلي اركب مرتين ب جنيه ولا اركب مرة واحدة ب 75 قرش ؟؟؟؟

الله المستعان

بص ياباشا كل واحد فى الدنيا دى بيبص لنفسة انت بتبص انت عندك اسرة وعندك التزمات ومش عاوز تدفع فلوس كتير ومش عاوز حد يستغلك وهوة كمان سواق الميكروباص دة مش ابن حرااام يعنى عندة اسرة بردوة وعندوة التزمات زيك وكمان دة بيبقى شغال عليها وطالع عين اهلوة فى عربية موديل 70 المشكلة مش انت وهوة المشكلة مشكلة حكومة .... زى موظف الحكومة الى بياخد 60 جنية فى الشهر يعنى من الاخر الحكومة بتقولو اسرق عشان تعيش

**Ahmod** · 08-09-2011 04:40 AM

بصراحة موضوعك على الجرح خاصا اني ساكن في شارع فيصل (العشرين)

ودي مشكلة فعلا تلاقي المكروباص مقسم الشارع لتلت واربع محطات

يعني تيجي تركب من الجيزة يقولك اول فيصل اخره العشرين وعشان تروح الطوابق لازم تدفعلك اجرتين كمان لانه عند العشرين هيقولك اخري المطبعة ! وياسلام لو رايح اخر فيصل يبقى ربنا معاك

لكن بصراحة انا بعذرهم اصل مش معقول هياخد من الجيزة لحد اخر فيصل باجمالي اجرة 7.5 جنيه صعب خاصا في اوقات الزحمة ممكن ياخد من الجيزة لاخر فيصل في ساعتين ! فلازم نعذرهم

**HOSSAM99** · 08-09-2011 05:14 AM

الموضوع ده هايجمع ساكني الهرم
المطحونين من سواقين الميكروباص اللي لو يوم كنت فيه سعيد الحظ و مركبت معاه لازم يبقي فيه أي إحتكاك يا يخبط عربيتك يا يخبطك شخصيا و أنت بتعدي يا يوقف الطريق علشان بيتخانق أو يحمل يا .... يا ....
هو العربيات الفولكس دي شكلها غضب بسبب ندر كان علي سكان الهرم و متوفاش أو حد عاملنا عمل

**masterzmind** · 08-09-2011 05:18 AM

الموضوع ده هايجمع ساكني الهرم
المطحونين من سواقين الميكروباص اللي لو يوم كنت فيه سعيد الحظ و مركبت معاه لازم يبقي فيه أي إحتكاك يا يخبط عربيتك يا يخبطك شخصيا و أنت بتعدي يا يوقف الطريق علشان بيتخانق أو يحمل يا .... يا ....
هو العربيات الفولكس دي شكلها غضب بسبب ندر كان علي سكان الهرم و متوفاش أو حد عاملنا عمل

والله لو على الفلوكس دى ماشى المشكلة فى المينى باص الى اسموة الوهاب دوول بقى حسبى الله وانعم الوكيل فيهم

**HOSSAM99** · 08-09-2011 05:30 AM

المشاركة الأصلية كتبت بواسطة masterzmind

والله لو على الفلوكس دى ماشى المشكلة فى المينى باص الى اسموة الوهاب دوول بقى حسبى الله وانعم الوكيل فيهم

دووول ممعاهمش فراااااااااااامل :b4_048::b4_048:

-

-

-

الموضوع: استغلال سواقين ميكروباصات فيصل

LinkBack

أدوات الموضوع

عرض

استغلال سواقين ميكروباصات فيصل - انشر الموضوع فى :

-

-

-

-

-

المواضيع المتشابهه

سواقين مش عارفين قيمة العربيات إلى معاهم (سواقين الميكروباص فى الفلاحين)

عبقرية سواقين ميكروباصات المقطم

شقة فاخرة للبيع باول شارع فيصل ترى كوبرى فيصل

بلد ميكروباصات

خد وهات ايه رايك؟ ايه هيه اكتر محافظة فيها اسوء سواقين واحسن سواقين

الكلمات الدلالية لهذا الموضوع

المفضلات

المفضلات

ضوابط المشاركة