مقارنة قياده بين مازدا 3 الجديده والالنترا الجديده

**Dawns_Mist** · 09-09-2011 04:50 PM

تقرير بجد ممتاااااااااااااز جداااا ... شكرا جزيلا

**SAMEH_FOUAD** · 09-09-2011 04:50 PM

مقارنة جميلة جدا وموضوعية جدا بس انا احب اضيف حاجة على المازدا الشكل الجديد

العربية دية شكلها من الخارج فى نظرى احسن بكتير من الالنترا والسيراتو بس يعيبها انها ضيقة جدا جدا جدا جدا جدا , والخامات بتاعة التابلوة بلاستيك لكن هية كقيمة مقابل السعر كويسة جدا وفعلا من العربيات المحترمة ولكن بيبقى فية عيوب بتخلى الواحد يصرف نظر عنها لانة بيبقى محتاجها بشدة

الالنترا حضرتك جيبت المفيد الاهتمام بالشكل جدا مقابل عدم الاهتمام بالمضمون الا قليلا

**dr.amr** · 09-09-2011 05:06 PM

المشاركة الأصلية كتبت بواسطة semsem kane

مقارنة جميلة جدا وموضوعية جدا بس انا احب اضيف حاجة على المازدا الشكل الجديد

العربية دية شكلها من الخارج فى نظرى احسن بكتير من الالنترا والسيراتو بس يعيبها انها ضيقة جدا جدا جدا جدا جدا , والخامات بتاعة التابلوة بلاستيك لكن هية كقيمة مقابل السعر كويسة جدا وفعلا من العربيات المحترمة ولكن بيبقى فية عيوب بتخلى الواحد يصرف نظر عنها لانة بيبقى محتاجها بشدة

الالنترا حضرتك جيبت المفيد الاهتمام بالشكل جدا مقابل عدم الاهتمام بالمضمون الا قليلا

ربنا يكرمك
نسبة الجلد للبلاستيك تقرييبا واحده في العربيتين بالنسبه للتابلوه

وكمان المازدا بقالها معايا سنه تقريبا وعمري ماسمعت اصوات طقطقه من البلاستيك

تقفيلها محترم جدا

انا شايف سعرها مقارنة بامكانيتها قليل

يعيبها قلة الدعايه

**Miss_Pharma** · 09-09-2011 10:58 PM

مقارنة رائعة وشخصيا استفدت منها كتير جدا ..
جزاك الله خيرا ..

**M.Elgergawy** · 09-09-2011 11:10 PM

تقرير هايل
وربنا يباركلك في العربيتين

**drmatiya** · 10-09-2011 05:18 AM

بس على فكرة كنبة المازدا ضيقة جدا بالنسبة للالنترا

**Hossam_Zaky** · 11-09-2011 03:19 AM

مقارنة رائعة من واحد فاهم ما شاء الله عليك
و في منتهي الواقعية بالذات الجملتين اللي أختصرت بهم العربيتين
و إن كان اللي بيستفزني في موضوع العربيات الياباني و الكوري موضوع السعر يعني حتلاقي في أوروبا و أمريكا سعر العربية الكوري أقل من مثيلتها الياباني في نفس الفئة ( ده أحد طرق المنافسة الكورية لليابان بجانب الجودة ) فأنا كل ما بتابع أسعار العربيات الجديدة بتغاظ جدا لما ألاقي سعر العربية الهيونداي بنفس تمن العربية المازدا مثلا
حضرتك معاك الأتنين أكيد تكلفة صناعة العربية الياباني نسبيا أعلي من الكوري سيبك من الشكل الخارجي اللي معظم المصريين بيشترو عشانه العربيات و شوية الكماليات اللي في العربية
مضمون العربية اللي هو مثلا التعليق ( العفشة ) أكيد في المازدا ( مقصات أمامي و خلفي ) مكلف عن الهيونداي ( مقصات امامي و قنطرة ماسكة العجلتين الخلفي ) و اكيد فيه تفاصيل تانية
يبقي إزاي تنزل العربية الهيونداي الكوري بنفس سعر العربية المازدا الياباني
ده مش تقليل من قيمة أو جودة الكوري لكن شايف مبالغة في السعر للهيونداي في مصر تساوت به مع عربيات زي المازدا و الهوندا الياباني بينما المفروض أن سعرها يكون أقل من كده لأن ده أحد أهم أمكانيات العربيات الكوري في المنافسة العالمية