مقارنة قياده بين مازدا 3 الجديده والالنترا الجديده

**Ayman_A1** · 11-09-2011 03:45 PM

المشاركة الأصلية كتبت بواسطة dr.amr

3- الراحه والجلوس :
الكنبه في المازدا اكثر راحه في الجلوس والالنترا برضو مريحه جدا
طيب والكرسى مريح ولا لأ؟

-الموتور:
المازدا صوته رياضي رائع طلعته من الثبات اقوي من الالنترا
تقصد طلعته أقوى كتجميع ولا كصوت فقط ؟
وهل الصوت مسموع داخل العربية؟

6-الجير بوكس ممتاز في الاتنين لاتشعر بالنقلات ولكن الالنترا 6 نقلات والمازدا 4
هل يوجد بالمازدا سبورت درايف؟

10- الكماليات:
المازدا تزيد فوانيس اماميه عدسات مع موتور تحريكها للاعلي والاسفل _ الاربعه زجاج اوتو اب اند داون -ايموبيلايزر - فرامل abs ebd - الشنطه علي 2 مساعدين
الزجاج اوتو، يعنى يوجد فيه وحدات رفع ؟
هم مساعدين الشنطة دول مش حاجة عادية موجودين فى اى عربية؟
هم مش موجودين فى الإلنترا أزاى؟

هل يوجد hill support (اللى بيخلى العربية ماترجعش ورا لو طالع مطلع) ؟

**AutoTycoon** · 11-09-2011 05:19 PM

شكراً و فعلاً المازدا احلى و دلوقتي سعرها منافس بالنسبة للإلانترا

**حماده المصري** · 11-09-2011 05:35 PM

مقارنه واقعيه جدا جدا

وفعلا المازدا 3 هي من افضل السيارات في الفئه دي وبالنسبه لي عشان هي مع 3 صحابي انا بعتبر العربيه دي فعلا تحفه فنيه بكل المقاييس

عفشه من ال الاف ل الياء فورد فوكس كل مساعدين وسوست مقصات وفرامل والمالتي لينك كله فوكس(فورد انعم عربيات في العالم اساسا تركبها متحسش بحاجه) بالاضافه الى التصميم الممتاز وفعلا قيادتها ممتعه ورياضيه بكل معنى الكلمه

انا شايفر اكتر عيب موجود في المازدا اسعار قطع الغيار بهدله

بالنسبه للالنترا ف انا شايف ان الكوري الجديد عموما افضل في الشكل من القديم بس في العفشات والراحه والثبات فشل مش عارف ليه

**dr.amr** · 11-09-2011 07:42 PM

المشاركة الأصلية كتبت بواسطة ayman_a1

هل يوجد hill support (اللى بيخلى العربية ماترجعش ورا لو طالع مطلع) ؟

1- الكرسي مريح جدا
من اريح الكراسي اللي قعدت عليها

2-كتجميع من الثبات اقوي من الالنترا
تحس انه بيخلي العربيه تنط من الارض
دي برضو واحد زميلي لاحظها بيقولي موتورها شديد في الطلعه

3- بالنسبه للصوت لو انت فاتح الشباك هتسمعه
العزل ممتاز تحس انك في اوضه مقفوله
صوت الموتور غير مسموع الا لو قرصت

4-يوجد غيار (+) (-)
للقياده الرياضيه

5-فعلا الازاز فيه وحدات رفع
ممكن تنزل الاربعه او ترفعهم من الريموت

6-مساعدين الشنطه مش موجودين في الالنترا
ولا اغلي مثلا فلوينس ولا سيراتو ولا بومه
معرفش السيفيك فيها ولا لأ

7-العربيه مبترجعش خالص علي اي مطلع بالعكس بتزحف لفوق
الا لو مطلع كوبري جامد منحدر قوي بتقف متتحركش عليه

اي خدمه :)

**dr.amr** · 11-09-2011 07:45 PM

المشاركة الأصلية كتبت بواسطة حماده المصري

بالنسبه للالنترا ف انا شايف ان الكوري الجديد عموما افضل في الشكل من القديم بس في العفشات والراحه والثبات فشل مش عارف ليه

فعلا انت استاذ ياباشا

كنت لسه هكتب عن موضوع العفشه والثبات

كان معايا النترا الشكل القديم 2008

عفشتها افضل

نفس قوة الموتور تقريا

الشكل جوه وبره الجديده احسن والوسع طبعا

معرفش هيونداي وكيا اغبياء في صنع انظمة التعليق ليه كده

التريلينج اللي كان في الالنترا القديمه كان كويس يحسنوه مش ينيلوها

**ashouhdy** · 11-09-2011 09:41 PM

انا معترض على نقطة صغيرة

الفرامل

المقارنة مستحيلة لأن واحدة بدون انظمة فرامل والتانية كاملة !! المفروض لما اقارن بين الاتنين يكونوا متساويين فى كل حاجة صح ولا انا غلطان

**ashouhdy** · 11-09-2011 09:43 PM

المشاركة الأصلية كتبت بواسطة dr.amr

فعلا انت استاذ ياباشا

كنت لسه هكتب عن موضوع العفشه والثبات

كان معايا النترا الشكل القديم 2008

عفشتها افضل

نفس قوة الموتور تقريا

الشكل جوه وبره الجديده احسن والوسع طبعا

معرفش هيونداي وكيا اغبياء في صنع انظمة التعليق ليه كده

التريلينج اللي كان في الالنترا القديمه كان كويس يحسنوه مش ينيلوها

برضة معترض

عندك الكورولا والسيفيك والسيراتو والالنترا كلة تورشن بيم ... دة الأتجاة الحالى

لو عاوز حاجة مريحة حتدور على فاميلى كار ذى الكارينز عندى مالتى لينك طرى بطريقة عجيبة متحسش بالبلاعات حتى !

**ashouhdy** · 11-09-2011 10:04 PM

المازدا احلى من الكورولا والسيفيك دة رأيى .... بس يارب منضربش :)))))

المازدا بجد عربية متكلفة الالنترا سعرها مبالغ فية جدا ... المفروض لا تزيد بأى حال من الأحوال عن 125الف كاملة بكل حاجة

المازدا احترمها على سعرها وفيها كل حاجة ... ومش مهم الموتور

-

-

الموضوع: مقارنة قياده بين مازدا 3 الجديده والالنترا الجديده

LinkBack

أدوات الموضوع

عرض

-

-

-

-

-

-

المواضيع المتشابهه

اختبار قياده استرا الجديده

تجربه قياده السيراتو الجديده بالفتيس ال6 سرعات

استفسار عن مازدا 3 الجديده 2010

لانهاء ايهم اسرع الكورولا الجديده او السيفيك الجديده

طيب الواجا الجديده نازلت الحمدالله طيب مفيش امل فى الجين2 الجديده

الكلمات الدلالية لهذا الموضوع

المفضلات

المفضلات

ضوابط المشاركة