الموضوع: رابطة مالكى الـ c4

المشاركة الأصلية كتبت بواسطة ceaser

الظاهر كدا ان مفيش حد غيرنا مهتم بالموضوع , انت في كلية ايه بقي
انا فى هندسة قاهرة و العربية عاملة ايه معاك

عندك حق فعلا مفيش اى حد بيشارك فى الموضوع خالص

بس خلينا نشارك و نوضح للناس جايز حد يتشجع و يجيب العربية او اللى معاهم العربية يدخلوا فى الرابطة معانا

طب تصدق انا فى هندسة القاهرة انا كمان مش ممكن .. واضح اننا مشتركين فى حاجات كثير

العربية لحد دلوقتى تمام اووى الحمد لله

انت ايه رأيك فى العربية ؟

المشاركة الأصلية كتبت بواسطة ceaser

bos ya m3lm da link el account bta3y 3l fb
http://www.facebook.com/profile.php?id=1388507051

e3mely add w isa lazm ashofak awel lma el drasa tbda2

اكيد ان شاء الله يا باشا لازم نتقابل فى الجامعة ان شاء الله

و عملتلك اد انا اسمى مهاب نبيل

المشاركة الأصلية كتبت بواسطة rs12

دا على كده انت اكبر منى بسنتين بقى

انا مهاب و عندى 19 سنة

اهلا و سهلا بيك يا احمد و اتمنى تتقبلنى كأخ ليك

انا العربية شاريها بعد صيانة الـ 45 فلسه معملتش برضو ولا صيانة ..

بس ناوى ان شاء الله اعملها فى امير و جوزيف .. انا كشفت على العربية عندهم قبل ما اشتريها و كانوا ناس تمام اوى بصراحة

انا معدلتش اى حاجة فى العربية غير الفاميه و ركبت وصلة aux عشان انا عندى الكاسيت اوديو بس

للاسف و انا نازل اركب العربية النهاردة لقيت الازاز فيه شرخ من تحت واخد حوالى 20 سم لفوق .. زعلت اوى بصراحة بس هغيروا ان شاء الله قريب

محلات اكسسورات صعب متهيألى تلاقى حاجة مخصوص للسى 4 عشان العربية نادرة شوية بس ممكن برضه .. ما المينى كوبر ليها محلات فى الحرفيين .. انا مش قصدى اقارن على فكرة بس انا بتكلم فى الفكرة نفسها

انا عربيتى مانيوال خليجى 2006 لونها بين الازرق و الفيرانى اعتقد اسمه iron مفهاش بانوراما مش عارف المانيوال بينزل منه بانوراما و لا لا بس انا كان نفسى فيها بصراحة بس بصراحة خفت من المشاكل الكثير بتاعت الفتيس الستبترونيك فى الموديل ده

بص يا برنس انا من محبى c4 بش مش معاياللأسف .
المهم انا من اسبوع لقيت واحد محترم جايبلى 35 سم فى الزجاج ففكرت اغيرو و خلاص بس قولت اجرب الدكتور خالد لتصليح الزجاج و قلت مش هخسر كتير القصة 60 جند و جربت و طلعت مش بطالة الشرخ اصبح شعرة لا ترى الا بالتدقيق.
المهم فى الموضوع ان الصنايعى و انا بدردش معاة قالى متغير الزجاج الأصلى إلا بأصلى اما لو هتغير يفضل تصلحه.

المشاركة الأصلية كتبت بواسطة lover81a

بص يا برنس انا من محبى c4 بش مش معاياللأسف .
المهم انا من اسبوع لقيت واحد محترم جايبلى 35 سم فى الزجاج ففكرت اغيرو و خلاص بس قولت اجرب الدكتور خالد لتصليح الزجاج و قلت مش هخسر كتير القصة 60 جند و جربت و طلعت مش بطالة الشرخ اصبح شعرة لا ترى الا بالتدقيق.
المهم فى الموضوع ان الصنايعى و انا بدردش معاة قالى متغير الزجاج الأصلى إلا بأصلى اما لو هتغير يفضل تصلحه.

الله يخليك يا باشا و ان شاء الله ربنا يرزقك بالأحسن من السى فور كمان

و انا شاكر جدا للنصيحة و انا الحمد لله غيرته فى التوكيل يوم الاحد .. ربنا يستر بقى عشان العربية كل شوية تتخبط او حاجة تتكسر الحمد لله

و نورت الرابطة يا باشا

المشاركة الأصلية كتبت بواسطة ceaser

ملهاش لزمة استاذ و كدا , انا اسمي احمد عادل و عندي 21 سنة

يا ريت لو كل واحد يكتب اية مراكز الصيانة اللي اتعامل معاها و مين احسنهم عشان الكل يستفيد و معلش مش هقدر افيدكم في النقطة دي لاني شاري العربية بعد صيانة ال 15000 و لسة معملتش ال30000 و ايه رأيكم في نقطة ان الصيانة كل 15000 دى

و كمان لو فى محلات اكسسوارات لل citroen ,يا ريت كلو يكتب اساميها
ولو عدل حاجة , يكتبها الا لو خايف من الحسد :n_no[1]:

فى مركز ايهاب جلال فى اول صقر قريش المعادى المهندس ايهاب كان شغال فى التوكيل وراجل ممتاز وعنده ضمير على فكره انا من اسكندريه وذهبت اليه فى القاهره وعربيتى عنده الان بتعمل صيانه وده تليفونه 01223104438
على فكره العربيه كانت عندى على الكمبيوتر فيها مشكله فى السينسور الخاص بالجكمان ولكن الراجل اتصل بيه وقال ان السينسور سليم المشكله فى الوصله بس اعتقد ده دليل على امانة الراجل وديه للامانه لليحب يتعامل معه هو راجل محترم وفاهم كويس جدا

المشاركة الأصلية كتبت بواسطة hemaah48

فى مركز ايهاب جلال فى اول صقر قريش المعادى المهندس ايهاب كان شغال فى التوكيل وراجل ممتاز وعنده ضمير على فكره انا من اسكندريه وذهبت اليه فى القاهره وعربيتى عنده الان بتعمل صيانه وده تليفونه 01223104438
على فكره العربيه كانت عندى على الكمبيوتر فيها مشكله فى السينسور الخاص بالجكمان ولكن الراجل اتصل بيه وقال ان السينسور سليم المشكله فى الوصله بس اعتقد ده دليل على امانة الراجل وديه للامانه لليحب يتعامل معه هو راجل محترم وفاهم كويس جدا

ههههههههههههه

لا و الله ، الرابطة ديه مفروض نسميها رابطة الصدف السعيدة

انا النهاردة كنت عند المهندس ايهاب بناءا على نصيحة ناس اصحابنا عشان كان عندى صفارة رخمة فى الفرامل و فعلا الراجل كان فى منتهى الذوق و التعاون وواضح انه فاهم جدا ماشاء الله و حلينا المشكلة فى اقل وقت و اقل تكلفة ممكنة

فيه عربية كانت راكنة عنده لونها اسود ستبترونيك و عليها ستيكر ferrari motors ديه عربية حضرتك ؟

و هو فعلا امين و بيوضح كل حاجة بأمانة و بفكر ان شاء الله جديا اعمل الصيانة الجاية عنده