رابطة مالكى الـ c4

**Mohab.Nabil** · 09-11-2011 09:52 PM

المشاركة الأصلية كتبت بواسطة kareemz

يا باشا أنا متشكر جدا على ردك.

تقريبا اللى قاله على موضوع البلفين ده هو مهندس ايهاب .. لأنه قالى انه فى صقر قريش.

كده أنا عندى أمل ان موضوع البلفين ده ممكن يحل المشكلة ان شاء الله.

العفو يا باشا على ايه بس ؟ كان نفسى اساعد حضرتك اكثر من كده و الله

ان شاء الله تبقى المشكلة بسيطة و تتحل على طول ان شاء الله و نورت الموضوع

**Mohab.Nabil** · 09-11-2011 09:56 PM

المشاركة الأصلية كتبت بواسطة gharana

السلام عليكم وكل عام وانتم بخير

بما اننا اصحاب سيارة فرنسية يعني ولاد عم (انا عندي رينو فلوانس )

بصراحة انا من اشد المعجبين بـ c4 وبالاخص الجديدة 2012 وعلشان نطمئن الجميع فان التوكيل غير سياسته بحيث جعل الضمان 3 سنوات او 100 الف كيلو ايهما اقرب وده كويس لعربية زي دي ونوع جبار زي سيتروين .
والسلام عليكم

و عليكم السلام و رحمة الله و بركاته و حضرتك بألف خير

يا باشا احنا اخوات مش ولاد عم بس .. والدى عنده رينو فلوينس برضو و ماشاء الله ربنا يبارك لحضرتك فيها .. فعلا الجديدة جامدة جدا بس الحلو ان هى ما ضيعتش جمال القديمة من وجهة نظرى ديه ستايل و ديه ستايل مختلف تانى

و فعلا موضوع الضمان دا خطوة ايجابية جدا لأن موضوع السنة ده كان يقلق اى حد و بيثبت الاشاعات عليها و ان هى عربية مش اعتمادية فعلا بس واضح ان عز العرب بدأ ياخد باله من النقطة ديه

و يا رب سوق العربية يتحسن فعلا لأنها تستحق بجد

و ان شاء الله ربنا يكرمك بواحدة c4 2012 و تنورنا فى الموضوع على طول

**Mohab.Nabil** · 09-11-2011 10:01 PM

المشاركة الأصلية كتبت بواسطة kareeeem

يا جماعة مفيش اخبار عن ال ds4 محدش اشترى العربية او جربها ؟

انا جربتها يا باشا فى التست درايف اللى كانوا عملينه هى و الـ ds3 و ناوى ان شاء الله اعمل تقرير مفصل عن كل عربيات 2012 بتاعت ستروين بس بصراحة الوقت ضيق جدا و القسم حاله ميشجعش

بالنسبة للعربية هى تحفة طبعا و انا حاسس انها مميزة جدا من برة و من جوة و ليها طابع خاص بيها و طبعا موتور قوى جدا 156 حصان تربو و العربية شكلها مدى على عربية 4x4 صغيرة كده بس بشياكة عالية اوى تحس انها اسد واقف و من جوة فى منتهى الفخامة و ثابتة جدا على الطريق كعادة ستروين .. بس لو حضرتك بتفكر لازم تعمل حسابك ان اعادة البيع هتنزل جامد اوى لأن العربية مش هتنتشر اوى لأن اللى هيجيبها مش اى حد .. لازم يكون حد فاهم ستروين و مقتنع بيها و دول قليلين فى البلد و مش اى حد هيدفع حوالى ربع مليون فى عربية الا لو كان حاببها فعلا و لو فيه اى استفسار عنها ان شاء الله ارد عليك

**gharana** · 10-11-2011 09:09 AM

المشاركة الأصلية كتبت بواسطة kareeeem

يا جماعة مفيش اخبار عن ال ds4 محدش اشترى العربية او جربها ؟

في واحد صاحبي جربها وعنده في الاصل c4 الشكل القديم وقام بتجربة الشكل الجديد فعجبته ولكن جرب بعد كده DS4 بيقول ان هي خطيرة طلقة وفظيعة لدرجة ان قال لي انه ممكن يشتريها وهو اصلاً سواق جامد ولازم هاخليه يحكيلكوا بالتفصيل عن التجربة دي فانتظروه ان شاء الله.

**shoeir** · 10-11-2011 09:30 AM

المشاركة الأصلية كتبت بواسطة rs12

السلام عليكم و رحمة الله و بركاته

طبعا كلنا شايفين ان قسم الستروين يعتبر من اقل الاقسام نشاطا فى المنتدى كله

ففكرت ان احنا نعمل رابطة للــ c4 زى باقى الاقسام ما عاملة للعربيات المنتشرة فى الماركات الثانية

طبعا الــc4 مش منتشرة .. الستروين اصلا مش منتشرة فى مصر بس الــ c4 بتمثل نسبة كبيرة من الستروين فى مصر

العربية من اكثر العربيات المظلومة فى مصر .. سواء بسبب الشائعات اللى هى السبب الرئيسى فى ضياع سوق العربية ديه فى مصر .. او بسبب التوكيل اللى انا شايفه مقصر فى حق ستروين جامد

يا رب الموضوع يلاقى اقبال و نقدر نفيد الناس و نحببهم فى العربية قدر المستطاع لأنها تستحق فعلا انها تتحب

مستنيين مشاركات الاعضاء و يا ريت نتشرف بملاك الــc4 اللى مستخبيين

و طبعا الموضوع مفتوح للرد على اى استفسار يخص العربية و ان شاء الله نقدر نفيد الاعضاء

فكرة الموضوع مستوحاة من موضوع الاستاذ bukla فى قسم رينو

الف مبروك على المنتدى الجميل وانا سعيد ان فيه حد فكر فى العربيه الجميلة دى و اللى حظها مش حلو فى بلدنا رغم انها احسن من عربيات كثيرة موجودة وماركات جامدة وان شاء الله نتمنى ان سوقها ينتعش الفترة القادمة

**shoeir** · 10-11-2011 09:43 AM

المشاركة الأصلية كتبت بواسطة gharana

في واحد صاحبي جربها وعنده في الاصل c4 الشكل القديم وقام بتجربة الشكل الجديد فعجبته ولكن جرب بعد كده DS4 بيقول ان هي خطيرة طلقة وفظيعة لدرجة ان قال لي انه ممكن يشتريها وهو اصلاً سواق جامد ولازم هاخليه يحكيلكوا بالتفصيل عن التجربة دي فانتظروه ان شاء الله.

انا فعلا عملت test drive على c4وds4 والصراحة الاثنين جامدين أوى وعلى فكرة الc4 اتغييرت تماما شكلا ومضمونا والامكانيات فمثلا الموتور مصنوع بالتعاون مع BMW وهو الموتور الموجود فى المينى 1600 CC 120 حصان الفتيس اتغير وبقى 6 نقلات وبها نظام الثبات الالكترونى ESP كاسيت cd mp3 و bluetooth و مسند لليد وparking sensor خلفى وزجاج خلفى فوميه ومرايات طى كهربائى وجنوط 205 /55 R16 من الاخر شديدة

**Mohab.Nabil** · 11-11-2011 01:50 AM

المشاركة الأصلية كتبت بواسطة shoeir

الف مبروك على المنتدى الجميل وانا سعيد ان فيه حد فكر فى العربيه الجميلة دى و اللى حظها مش حلو فى بلدنا رغم انها احسن من عربيات كثيرة موجودة وماركات جامدة وان شاء الله نتمنى ان سوقها ينتعش الفترة القادمة

الله يبارك فى حضرتك

و منور الرابطة و واضح ان حضرتك معاك العربية

يا ريت تعرفنا بنفسك اكثر و ايه اخبار العربية معاك ؟

**Mohab.Nabil** · 11-11-2011 01:52 AM

المشاركة الأصلية كتبت بواسطة shoeir

انا فعلا عملت test drive على c4وds4 والصراحة الاثنين جامدين أوى وعلى فكرة الc4 اتغييرت تماما شكلا ومضمونا والامكانيات فمثلا الموتور مصنوع بالتعاون مع bmw وهو الموتور الموجود فى المينى 1600 cc 120 حصان الفتيس اتغير وبقى 6 نقلات وبها نظام الثبات الالكترونى esp كاسيت cd mp3 و bluetooth و مسند لليد وparking sensor خلفى وزجاج خلفى فوميه ومرايات طى كهربائى وجنوط 205 /55 r16 من الاخر شديدة

فعلا السى فور متكاملة ماشاء الله

من رأيى مش ناقصها حاجة الا البانوراما و ان كان التوكيل مبرره فى كده ان ناس كثير اشتكت منها ..

و ربنا يرزقنا بواحدة جديدة كلنا ان شاء الله

**Mohab.Nabil** · 11-12-2011 12:15 AM

ايه يا جماعة الرابطة مالها ماتت كده

مفيش اعضاء جداد معانا ولا ايه ؟

**MuhamedNabil** · 13-12-2011 01:19 AM

المشاركة الأصلية كتبت بواسطة kareemz

طيب دلوقتى خالى عنده ستروين c4 و حصل عنده مشكلة فى الفتيس ان الفتيس بييجى لحد التالت و ميجبش الرابع و لمبة service تنور .. يضطر يقف و يبطل و يدور عشان تجيب الأول.

راح يغير زيت فتيس لقاه كان ناقص كتير .. و حط 4 كيلو زيت .. الكيلو ب 40 جنية .. بس المشكلة لسه متحلتش.

فى واحد قاله العربية محتاجه تغيير بلفين فى الفتيس .. البلف ب 400 جنية .. و أنا بقول له هات فتيس استيراد أحسن.

انتوا يه رأيكم؟ و الفتيس الاستيراد يعمل كام و منين؟ و يروح لمين يبص له على العربية؟

المشكلة دى موجوده فى 307 نفس الكلام بس تحت gearbox fault
- مبدئيا الزيت الحطيته ب 40 ده مينفعش الفتيس ده ليه زيت معين اللتر ب 120 اى زيت تانى يبوظ الفتيس و احيانا العيب ده بيكون ليه اسباب كتير انصحك روح لحد متخصص عشان ممكن المشكلة تطلع صغيرة بس متتعلجيش كويش و تفتح حاجة تانية
- الزيت عايز يتغير و العداد بتاعه يتصفر لان ليه عداد خاص بيه بيتشاف بكشف الكمبيوتر و ده محتمل لو دى اول مرة تغيير زيت الفتيس
- ممكن البلوف عايز تتغير
- ممكن طلمبة زيت الفتيس بس دى الناس بيغير فتيس ارحص من تغيير طلمبة الزيت.

المشاركة الأصلية كتبت بواسطة Mohab.Nabil

ايه يا جماعة الرابطة مالها ماتت كده

مفيش اعضاء جداد معانا ولا ايه ؟

احنا ممكن نعمل ميرج مع مالكى 307 عشان اكثر انتشار و العيوب واحدة بسهما مغيريين رسائل التحذير و بسبب انتشار 307 العيوب بقيت محفوظة .

الموضوع: رابطة مالكى الـ c4

LinkBack

أدوات الموضوع

عرض

-

-

-

-

-

-

المواضيع المتشابهه

رابطة مالكى الجولف

رابطة مالكى الماتريكس

رابطة عشاق و مالكى 307

الكلمات الدلالية لهذا الموضوع

المفضلات

المفضلات

ضوابط المشاركة