الموضوع: رابطة مالكى الـ c4

المشاركة الأصلية كتبت بواسطة hanytahia

أسمي هاني فتحي ومن المعادي والعربية معايا بقالها سنتين تقريبا والحمد لله معملتش اي مشكلة معايا لحد دلوقتي غير بس اني شميت ريحة بنزين فى مرة وبصيت تحت العربية لقيت زي ترشيح بنزين روحت لواحد فى المعادي لقينا ان طلمبة البنزين بتجيب بنزين من فوق من تحت الكرسي الوراني وده نتيجة شرخ فيها الغريبة بقي ان الراجل قالي ان الامر ده شائع فى العربية ال سي فور والسي ثري المهم فك طلمبة البنزين وعملها يعني لحمها بكاوية كده عنده واتكلفت ساعتها 150 جنيه تقريبا والحمد لله شغاله كويس جدا من ساعتها والمفروض اعمل صيانة ال 120 الف اليومين دول وربنا يسهل واعملها بأذن الله انا عرفت انها هتتكلف عند ايهاب اللي فى المعادي تقريبا 1400 جنيه بدون تغيير زيت لاني لسه مغيره وكنت عايز أسألك سؤال هي الوصلة اتكلفت كام وهل منظر السلك مش حلو ولا مش باين

تمام اوى ماشاء الله

ان شاء الله تكمل 10 سنين كمان من غير مشاكل

و طمنتنى على اعتمادية العربية عشان طبعا الكلام الكثير اوى اللى بسمعه عليها و كل ما حد يشوفنى جايبها يقولى ليه يا عم و هتبهدلك و الكلام ده

و ربنا يباركلك فى عربيتك ان شاء الله و عقبال صيانة الـ 200 الف ، انا لسه هعمل الـ 60 الف قريب

الوصلة اتكلفت 150 جنيه عند امير و جوزيف و المكان بتختاره حسب مزاجك انا جبتها من تحت الفتيس كده و طالع جزء صغير منها عند حامل الاكواب كده فشكلها كأنها مش موجودة اصلا بس ده طبعا لازم تحط الموبايل فى الحتة ديه مينفعش تخليه فى ايدك مثلا و انت مشغل الوصلة عليه

المشاركة الأصلية كتبت بواسطة hanytahia

الله يكرمك علي زوقك العربية الحمد لله كويسة جدا وقطع غيارها متوفرة جدا ونسبة لجودتها مش غالية خالص اما بخصوص الوصلة فنا بفكر اجيب الشاشة اللي هي 7 بوصة ودي بيبقي في ليها مكان للفلاشة واثبتها عند الفتيس من قدام وبيركب للشاشة دي فلاشة وممكن تشغل عليها الاغاني وتوصلها بالوصة وساعتها هتبقي شيك وفى نفس الوقت مش هتستخدم الموبيل لانها بفلاشة بس الغريبة اني انا عندي مفيش كلمة aux فى الكاسيت فهيشتغل علي انهي قناة ..

You are always welcomed
as i understood that the screen will only be visible to passengers on the back seat and it will be on a low level so it wouldn't be that practical
forgive me if i got it wrong
about aux issue, it needs to be activated using a special device in the service center then it will be visible in the cd menu that is what happened with me
sorry for english language as i am logged in from tablet

طيب دلوقتى خالى عنده ستروين c4 و حصل عنده مشكلة فى الفتيس ان الفتيس بييجى لحد التالت و ميجبش الرابع و لمبة service تنور .. يضطر يقف و يبطل و يدور عشان تجيب الأول.

راح يغير زيت فتيس لقاه كان ناقص كتير .. و حط 4 كيلو زيت .. الكيلو ب 40 جنية .. بس المشكلة لسه متحلتش.

فى واحد قاله العربية محتاجه تغيير بلفين فى الفتيس .. البلف ب 400 جنية .. و أنا بقول له هات فتيس استيراد أحسن.

انتوا يه رأيكم؟ و الفتيس الاستيراد يعمل كام و منين؟ و يروح لمين يبص له على العربية؟

المشاركة الأصلية كتبت بواسطة kareemz

طيب دلوقتى خالى عنده ستروين c4 و حصل عنده مشكلة فى الفتيس ان الفتيس بييجى لحد التالت و ميجبش الرابع و لمبة service تنور .. يضطر يقف و يبطل و يدور عشان تجيب الأول.

راح يغير زيت فتيس لقاه كان ناقص كتير .. و حط 4 كيلو زيت .. الكيلو ب 40 جنية .. بس المشكلة لسه متحلتش.

فى واحد قاله العربية محتاجه تغيير بلفين فى الفتيس .. البلف ب 400 جنية .. و أنا بقول له هات فتيس استيراد أحسن.

انتوا يه رأيكم؟ و الفتيس الاستيراد يعمل كام و منين؟ و يروح لمين يبص له على العربية؟

و الله يا باشا انا مش هقدر افيد حضرتك اوى عشان انا عربيتى مانيوال

بس ممكن تنصحه انه يروح لمهندس ايهاب جلال فى صقر قريش .. راجل فاهم ماشاء الله و هيحاول انه يلمله الموضوع بأقل تكاليف ممكنة .. و ممكن امير و جوزيف عند مهندس رامى .. ناس فاهمة جدا برضه و ذوق جدا فى التعامل .. و ان شاء الله المشكلة تطلع ابسط من كده

و اسف و الله كان نفسى اساعد حضرتك اكثر بس مش عايز افتى فى حاجة معرفهاش

المشاركة الأصلية كتبت بواسطة rs12

و الله يا باشا انا مش هقدر افيد حضرتك اوى عشان انا عربيتى مانيوال

بس ممكن تنصحه انه يروح لمهندس ايهاب جلال فى صقر قريش .. راجل فاهم ماشاء الله و هيحاول انه يلمله الموضوع بأقل تكاليف ممكنة .. و ممكن امير و جوزيف عند مهندس رامى .. ناس فاهمة جدا برضه و ذوق جدا فى التعامل .. و ان شاء الله المشكلة تطلع ابسط من كده

و اسف و الله كان نفسى اساعد حضرتك اكثر بس مش عايز افتى فى حاجة معرفهاش

يا باشا أنا متشكر جدا على ردك.

تقريبا اللى قاله على موضوع البلفين ده هو مهندس ايهاب .. لأنه قالى انه فى صقر قريش.

كده أنا عندى أمل ان موضوع البلفين ده ممكن يحل المشكلة ان شاء الله.